Jakari 9:8 - Maktub gə́ To gə Kəmee

⁸ N’a kaḭ dɔ kəi lə neḛ sub gə mba kɔs njérɔje rəw Koma̰ ne gə deḛ gə́ d’a gə dəs kaw əsé deḛ gə́ d’a gə tel, Bèe ɓa njekula kəm loo ndòo a dəs mbɔr dee’g dəb el, Mbata ɓasinè n’orè kəm neḛ dɔ dee’g sḭ.

Jakari 9:8 ပူးပေါင်းရင်းမြစ်များ

2 Samel 16:12

Banelə Njesigənea̰ a koo kəmtondoo ləm gə mba ra səm meemaji tor ndɔlje gə́ d’ila dɔm’g ɓogənè ɓəi.

2 Mbaije 19:34

M’a kaḭ bada dɔ ɓee-boo’g neelé gə mba kajee ne mbata lə rim ma ləm, gə mbata lə kura ləm gə́ Dabid lé ləm tɔ.

2 Mbaije 23:29

Mee ndəa gən lé ɓa Parao̰ Neko, mbai gə́ Ejiptə ɔr rɔ aw rɔ gə mbai gə́ Asiri mbɔr baa gə́ Epratə’g lé. Yen ŋga Jojias, mbai teḛ aw iŋgá tɔ. Leegeneeya loo gə́ kəm Parao̰ oso dəa’g ndá yeḛ tɔlee mee ɓee gə́ Megido tɔ.

2 Mbaije 24:1

Mee ləb ko̰ɓee’g lə Jojakim lé Nebukadnesar, mbai gə́ Babilɔn ɔr rɔ aw rɔ səa. Jojakim ula dəa nea̰’g as ləb munda ɓa yeḛ tel ḭ səa ɔsee rəw ɓəi.

Pakɔsje 34:7

Loo gə́ njenékəmndoo no̰ wəl ndá Njesigənea̰ oo ndia ya Tɔɓəi yeḛ ɔree ne dan néurtije’g ləa lai.

Pakɔsje 72:4

Yeḛ a ra gə ta lə njénékəmndooje mbuna dəwje’g gə goo rəbee ləm, Yeḛ a kaji ŋgalə njéndooje ləma, Yeḛ a kḭ tal njekula kəmloondoo lé naŋg ras-ras ləm tɔ.

Teḛ-Raga 3:7

Njesigənea̰ pana: Ma m’oo kəmtondoo lə koso-dəwje ləm gə́ d’isi Ejiptə, m’oo ndu no̰je lə dee gə́ njékula kəm dee ndooje d’ar dee no̰ ne ləm tɔ, mbata ma m’gər némeekonje lə dee gao ya.

Teḛ-Raga 3:9

Aa oo, ndu no̰ lə Israɛlje lé oso mbim’g pad ya, kəm dee gə́ njé gə́ Ejiptə d’ula ndòo lé kara ma m’oo gao ya tɔ.

Gosota-Kəmkàrje 3:25

Maji kari ɓəl néɓəl-boo Gə́ a teḛ wai el ləm, Gə kuba naŋg bus lə njémeeyèrje el ləm tɔ.

Esai 26:1

Mee ndəa’g neelé d’a kɔs pa nee mee ɓee gə́ Juda pana: Ɓee-boo lə sí lé siŋgá to yaa̰, Njesigənea̰ aa dɔ ndògo-bɔrɔ ləa ləm, Yee aa dɔ gadloo-kula-rɔ sí keneŋ ləm tɔ.

Esai 31:5

To gə́ yelje naji ne bag dee dɔ ŋgan deeje’g lé Njesigənea̰ gə́ njeboo-néje kara A kaḭ bada dɔ njé gə́ Jerusalem’g togə́bè tɔ, Yeḛ a kaḭ bada dɔ dee’g taa dee ne ləm, Yeḛ a kɔr dee kaji dee ne ləm tɔ.

Esai 4:5

Ndá mee looje lai gə́ dɔ mbal gə́ Sio̰ ləm, Gə loo-mbo̰-dɔ-na̰je lə koso-dəwje ləm tɔ lé Njesigənea̰ a kar mum gə́ to asəna gə sa pər bèe oso dan kàrá ləm, A kar pər gə́ ndəa̰ teḛ bilim-bilim Ndogó ɔr jol-jol loondul’g ləm tɔ, Mbata nérɔnduba gə́ rara kara né a ko̰ dəa mbèd ya.

Esai 52:1

Teḛje kəm sí, seḭ gə́ síje Sio̰! Teḛje kəm sí, undaje siŋga sí dɔ maree’g, Ulaje kubu-naḭ rɔ sí’g, Seḭ gə́ Jerusalem, ɓee-boo gə́ to gə kəmee! Mbata deḛ gə́ lal kinja tamɔd dee gə njé gə́ mina̰ lé D’a kandə mee ɓee’g lə sí el ŋga.

Esai 52:12

Maji kar sí undaje loo teḛje gə kaar gəd el ləm, Gə teḛje gə ŋgwɔd el ləm tɔ, Mbata Njesigənea̰ a kaw no̰ sí’g ləm, Yeḛ gə́ to Ala lə Israɛlje a korè goo sí ndəŋ ləm tɔ.

Esai 54:14

I a kaar njaŋg gə goo néra gə́ gə dɔ najee, Nékula kəmi ndòo a tibi mbɔri el, Mbata né kára gə́ i a ɓəlee ndəb ne pəd-pəd lé a godo, Mbata a tibi mbɔri nda̰ el.

Esai 60:18

Dəw a koo ta néra gə́ kərm-kərm mee ɓee’g ləi el ŋga ləm, D’a koo ta tuji gə tuji-boo dɔ naŋg’d ləi el ŋga ləm tɔ, I a kunda ri kaji dɔ ndògo-bɔrɔje’g ləi ləm, A kunda ri rɔnduba dɔ tarəwkɔgje’g ləi ləm tɔ.

Jeremi 31:12

D’a ree ra ne wəl gə rɔlel Dɔ dɔdərlooje gə́ Sio̰, D’a kaiŋgwɔd gə́ dɔ némajije’g Le Njesigənea̰ gə́ to wa ləm, Gə mán-nduú gə́ sigi ləm, gə ubu ləm, Gə badje ləma, gə maŋgje ləm tɔ, Meḛ dee a to kasəna gə loo-kamnaḭ Gə́ saga mán keneŋ bèe Ndá d’a si dan némeeko̰’g el ŋga.

Jeremi 46:13

Ta gə́ Njesigənea̰ ula Jeremi, njetegginta wɔji ne dɔ Nebukadnesar, mbai gə́ Babilɔn gə́ ndigi ree rɔ ɓee gə́ Ejiptə lé.

Jeremi 46:2

Ta gə́ wɔji dɔ Ejiptə. Ta gə́ wɔji dɔ njérɔje lə Parao̰ Neko, mbai gə́ Ejiptə gə́ si mbɔr baa-boo gə́ Epratə, mee ɓee gə́ Karkəmis ləm, gə́ Nebukadnesar, mbai gə́ Babilɔn dum dee mee ləb ko̰ɓee lə Jojakim, ŋgolə Jojias, mbai gə́ Juda gə́ njekɔm’g sɔ ləm tɔ.

Ejekel 39:29

n’a kiya sə dee kəm neḛ el ŋga ləm tɔ. Mbata n’a kar ndil neḛ ɔm dɔ gel-bɔje’g lə Israɛl, Mbaidɔmbaije gə́ Njesigənea̰ ɓa pa bèe.

Amɔs 9:15

N’a ma̰a dee mee ɓee’g lə dee ndá Dəw a kɔr dee mee ɓee gə́ neḛ nja n’ar dee Mba kaw sə dee raŋg el ŋga, Njesigənea̰, Ala ɓa pa bèe.

Jakari 12:4

Njesigənea̰ pa njaŋg pana: Mee ndəa’g neelé n’a kɔm ɓəl dɔ kunda-kaw-rɔje’g lai ləm, deḛ gə́ njérɔ gə kundaje lé kara ɓəl a kunda dee badə gaŋg dee ləm tɔ. Nɛ n’a kila kəm neḛ dɔ ginkoji Judaje’g loo gə́ n’a kila kəm tɔ dɔ kundaje lai gə́ to ka̰ koso-dəwje lé.

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Jakari 14:11

Dəwje d’a si keneŋ ndá Né gə́ a gə tuji dee a godo. Njé gə́ Jerusalem d’a si dan meekulɔm’g.

Jakari 9:7

N’a kɔr da məs gə́ to ta dee’g ləm, Gə néje gə́ mina̰ gə́ to pə̰ ŋgaŋ dee’g ləm tɔ, Njé’g lə dee gə́ nai lé kara d’a tel to gə́ ka̰ Ala lə sí, D’a to kasəna gə mbaije gə́ Juda ləm, Njé gə́ Ekro̰ d’a tel to kasəna gə Yebusje bèe ləm tɔ.

Néra Njékaḭkulaje 7:34

Neḛ n’oo kəmtondoo lə koso-dəwje lə neḛ gə́ d’isi Ejiptə ləm, n’oo ndu no̰je lə dee ləm tɔ ndá neḛ n’ree gə mba kɔm dee tar. Ɓasinè aw n’a gə kulai Ejiptə’g ya.

Loo gə́ killa rea kəm Ja̰’g 20:9

Deḛ d’aw taa loo dɔ naŋg nee pəl-pəl ləm, deḛ gugu gir loo-si lə deḛ gə́ to gə kəmee gə ɓee-boo gə́ d’unda dan kəm dee’g ləm tɔ. Nɛ pər ḭ dara oso dɔ dee’g roo dee dula-dula.