Jakari 9:7 - Maktub gə́ To gə Kəmee

⁷ N’a kɔr da məs gə́ to ta dee’g ləm, Gə néje gə́ mina̰ gə́ to pə̰ ŋgaŋ dee’g ləm tɔ, Njé’g lə dee gə́ nai lé kara d’a tel to gə́ ka̰ Ala lə sí, D’a to kasəna gə mbaije gə́ Juda ləm, Njé gə́ Ekro̰ d’a tel to kasəna gə Yebusje bèe ləm tɔ.

Jakari 9:7 ပူးပေါင်းရင်းမြစ်များ

1 Sôrta Gḭka-Israɛlje 1:14

Kana̰ lé to ka Yebusje ləm, gə Amɔrje ləm, gə Girgasije ləm,

1 Sôrta Gḭka-Israɛlje 21:15

Ala ula kura gə́ dara Jerusalem gə mba tujee, ndá loo gə́ yeḛ aar tujee bèe lé Njesigənea̰ ar goo takə̰ji ləa yɔr dɔ némajel’g neelé tɔɓəi yeḛ ula kura gə́ dara gə́ njetuji dee lé pana: As ŋga! Rəm gə jii gə́ rɔi’g ɓasinè. Kura lə Njesigənea̰ gə́ dara lé aar mbɔr loo-kunda-kó’g lə Ornan, dəw gə́ Yebus tɔ.

Pakɔsje 3:7

Ma m’ɓəl koso-dəwje gə́ bula digi-digi Gə́ gugu dɔm sub lé el.

Pakɔsje 58:6

Gə mba koo ne ndu njégoso sukəmlooje el ləm, Esé ndu njegoso ra némbeḛ lé el ləm tɔ.

Esai 65:4

Deḛ gə́ d’ar dɔɓar ɓa gə́ loo-si dee ləm, Loondul’g ndá deḛ d’ar mee bolè mbalje ɓa gə́ loo-to dee ləm, Da-bər ɓa d’usɔ ləma, Nésɔje gə́ mina̰ ɓa to mee ŋgoroje’g lə dee ləm tɔ.

Jeremi 48:47

Nɛ mee ndəa gə́ gogo ndá M’a tel gə Moabje Gə́ d’aw sə dee ɓee-ɓər’g lé Ree sə dee. Njesigənea̰ ɓa pa bèe. Yee nee ɓa gə́ ta gə́ gaŋg dɔ Moab’g ya.

Jeremi 49:39

Nɛ ndɔ gə́ gogo ndá M’a tel gə́ njé gə́ Elam Gə́ d’aw ɓee-ɓər’g lé ree sə dee, Njesigənea̰ ɓa pa bèe.

Jeremi 49:6

Nɛ gée gə́ gogo ndá m’a tel Gə Amo̰je gə́ d’wa dee ɓər lé ree sə dee. Njesigənea̰ ɓa pa bèe.

Amɔs 3:12

Njesigənea̰ ɓa pa togə́bè pana: Loo gə́ toboḭ wa nékul ndá Njékulbadje tɔr gɔl nékul gə́ joo Esé dɔ mbia gə́ kára ta toboḭ’g bèe lé Togə́bè Israɛlje gə́ d’isi Samari Gə́ to dɔ tira’g əsé d’isi dɔ kubu kila naŋg’d gə́ Damas lé kara Njesigənea̰ a kaji dee togə́bè ya tɔ.

Jakari 8:23

Njesigənea̰ gə́ njeboo-néje pa togə́bè pana: Mee ndəaje’g neelé diŋgamje dɔg gə́ takɔji dee ɓəd-ɓəd mbuna ginkoji dəwje gə raŋg’g lé D’a kwa ta kubu lə dəw kára gə́ to gə́ Jip pa ne pana: N’a kawje sə sí mbata neḛ n’gərje gao to gə́ Ala nai sə sí-seḭ ya.

Jakari 9:6

Dəwje gə́ d’ula ginkoji dee na̰’d ɓa d’a ra ɓee Asdod. Ndá n’a kunda néti-rɔ lə Pilistije lé naŋg rab-rab.

Jakari 9:8

N’a kaḭ dɔ kəi lə neḛ sub gə mba kɔs njérɔje rəw Koma̰ ne gə deḛ gə́ d’a gə dəs kaw əsé deḛ gə́ d’a gə tel, Bèe ɓa njekula kəm loo ndòo a dəs mbɔr dee’g dəb el, Mbata ɓasinè n’orè kəm neḛ dɔ dee’g sḭ.

Njé gə́ Galati 3:28

Bèe ndá Jib əsé Grek godo ləm, ɓər əsé ŋgonkoji godo ləma, diŋgam əsé dené kara godo ləm tɔ, mbata seḭ lai seḭ toje gə́ na̰’d kára ba kiao gin Kristi’g ya.