Jakari 9:4 - Maktub gə́ To gə Kəmee

⁴ Aa ooje, Mbaidɔmbaije a dum dɔ dee ləm, A ɓugu siŋgamoŋ lə dee dan baa-boo’g ləma, A roo ɓee lé dula-dula ləm tɔ.

Jakari 9:4 ပူးပေါင်းရင်းမြစ်များ

Gosota-Kəmkàrje 10:2

Nébaoje gə́ gə goo rəbee el lé Majee godo, Nɛ néra gə́ gə dɔ najee lé Ɔr dəw ta yoo’g.

Gosota-Kəmkàrje 11:4

Ndɔ meekḭ jugugu lé Nébao a tel to né gə́ kari ba, Nɛ néra gə́ gə dɔ najee ɓa Ɔr dəw ta yoo’g.

Esai 23:11

Njesigənea̰ ula jia ndiŋ dɔ baa-boo-kad’g, Yeḛ ar ɓeeko̰je yə, Yeḛ un ndia mba kar kəi-kaar-kɔgərɔje gə́ Kana̰ tuji.

Ejekel 26:17

Deḛ d’un pa no̰ ndooi d’ulai ne pana: Ɗi togə́bè wa! See gelee ban ɓa i tuji pugudu bèe wa. I gə́ njé gə́ d’aḭ gə́ yo gə́ nee dɔ baa-boo-kad’g ree d’isi rɔi’g ləm, I gə́ to ɓee-boo gə́ njeriɓar Gə́ njé gə́ d’isi keneŋ to dəwje gə́ njésiŋgamoŋje dɔ baa-boo-kad’g ləm tɔ. Ɓee neelé gə dəwje gə́ d’isi keneŋ Gə́ d’aw d’ɔm ɓəl dɔ dəwje gə́ gugu dɔ deḛ lai lé tuji pugudu.

Ejekel 28:16

Gə goo boo tel kəm lar ləi lé néra gə́ kərm-kərm taa ne məəi pəl-pəl ari ra ne kaiya, i Nékunda gə́ dara gə́ njekaḭ bada lé neḛ n’ɔsi dɔ mbal’g lə Ala piriŋ n’ilai n’ari sané pá mbuna kɔr mbalje gə́ taa pər gəgəgə’g lé.

Ejekel 28:18

Gə goo néra kori-korije ləi gə́ bula digi-digi ləm, gə tel kəm lar ləi gə́ gə goo rəbee el ləm tɔ lé i ila ne ndɔl dɔ looje ləi gə́ to gə kəmee’g, bèe ɓa neḛ n’ar pər ḭ ne məəi’g rooi ne dula-dula ləm, neḛ n’ari tel ne bu dɔ naŋg’d ləm tɔ kəm dəwje lai gə́ mbo̰ na̰ dɔi’g sɔmɔmo̰ lé.

Ejekel 28:2

I ŋgon-dəw lé, ula mbai gə́ njeko̰ dəb ɓeeko̰ gə́ Tir pana: Mbaidɔmbaije gə́ Njesigənea̰ pana: I beelé məəi’g pana: I to Ala. I si dɔ kalimbai’g lə Ala ŋgaw dan baa-boo-kadje’g! Nɛ i lé to dəw ɓó to Ala el. I un né gə́ məəi ndigi aree taa tor né gə́ mee Ala ndigi.

Ejekel 28:8

D’a kɔsi kalaŋ kilai mee bwa’g ndá i a kwəi to gə́ deḛ gə́ tɔs dee pib-pib tɔl dee d’ɔm dee dan baa-boo-kadje’g bèe.

Amɔs 1:10

N’a kula gə pər dɔ ndògo-bɔrɔ gə́ Tir Karee roo kəi-mbaije dula-dula ya.

Jakari 9:5

Njé gə́ Askalo̰ d’a kée ndá d’a si dan ɓəl’g, Njé gə́ Gaja kara d’a ɓəl kunda bala tigi-tigi ləma, Njé gə́ Ekro̰ kara d’a ɓəl ləm tɔ, Mbata meekundayel lə dee tel to nérɔkul. Mbai gə́ Gaja a sané pá ləm, Ɓee gə́ Askalo̰ kara dəwje d’a godo keneŋ ləm tɔ.