Jakari 9:3 - Maktub gə́ To gə Kəmee

³ Njé gə́ Tir d’unda kəi-kaar-kɔgərɔ lə dee, Deḛ daa larnda dɔ na̰’d to gə́ babur bèe ləm, Gə larlɔr asəna gə bɔrɔ gə́ mba̰-rəwje’g bèe ləm tɔ.

Jakari 9:3 ပူးပေါင်းရင်းမြစ်များ

2 Samel 24:7

Deḛ d’aw kəi-kaar-kɔgərɔ gə́ Tir ləm, gə mee ɓee-booje lai gə́ to ka̰ Hebje gə Kana̰je ləm tɔ. Deḛ tɔl təa dɔgel lə Juda gə́ to Beer-Seba.

1 Mbaije 10:21

Baije lə mbai Salomo̰ lé ra dee gə larlɔr ya lai ləm, gə ka-larje lai gə́ to mee kəi gə́ ria lə Mee-kag-kɔr gə́ Liba̰ lé deḛ ra dee gə larlɔr gə́ àr ŋgad-ŋgad ləm tɔ. Né kára kara gə́ ra gə larnda lé godo mbata mee ndəa’g lə Salomo̰ lé d’oo larnda gə́ né gə́ gəd el.

1 Mbaije 10:27

Mbai lé ar larnda to Jerusalem yaa̰ asəna gə kɔri-ərje bèe ləm, kag-sɛdrəje kara to bula asəna gə kag-ɓɔlje gə́ to ndag-loo’g bèe ləm tɔ.

Maktub gə́ wɔji dɔ Jɔb 22:24

Maji kari ila larlɔr dan babur’g, Larlɔr gə́ opir mbuna jərje gə́ kəm-rəw-manje’g,

Maktub gə́ wɔji dɔ Jɔb 27:16

Ɓó lé yeḛ daa lar dɔ na̰’d to gə́ babur bèe ləm, Ɓó lé yeḛ ɔm kubuje dɔ na̰’d to gə́ a̰ji gə́ d’ɔm dɔ na̰’d bèe ləm tɔ

Maktub gə́ wɔji dɔ Jɔb 3:15

Gə ŋgan-mbaije gə́ njékaa dɔ dəb ɓeeko̰je gə́ d’iŋga larlɔr D’ar larnda taa mee kəije lə dee pəl-pəl lé ləm tɔ.

Esai 23:11

Njesigənea̰ ula jia ndiŋ dɔ baa-boo-kad’g, Yeḛ ar ɓeeko̰je yə, Yeḛ un ndia mba kar kəi-kaar-kɔgərɔje gə́ Kana̰ tuji.

Esai 23:8

Ɓee gə́ Tir lé to njekai dəwje dɔguguje ləm, Njérab-néndogoje ləa to dəwje gə́ boo ləma, Njékaw gə́ loo-looje mba rab néndogo ləa To gə́ baoje gə́ d’ur dɔ baoje dɔ naŋg nee lai ləm tɔ. Ŋga see na̰ ɓa wɔji-kwɔji kar tuji Oso dɔ ɓee’g neelé wa.

Ejekel 26:12

D’a kodo nébaoje ləi ləm, d’a kodo néndogoje ləi ləm, d’a təd ndògo-bɔrɔje ləi ləm, d’a tɔ kəije ləi gə́ maji péd-péd ləma, d’a kɔm kɔri-mbalje ləi gə kagje ləi gə nduji naŋgje ləi dan manje’g ləm tɔ.

Ejekel 27:27

Nékiŋgaje ləi, gə loo-rab-néndogoje ləi, gə nérabje, Gə njérakula mee batoje’g ləi, gə njékwa ŋgabeeje ləi, Gə njégɔl kəm batoje ləi, Gə njérakula rab néje ləi, Gə njérɔje ləi lai gə́ d’isi mee ɓee’g ləi, Gə koso-dəwje lai gə́ bula digi-digi gə́ d’isi mee ɓee’g ləi lé D’wəi ŋgaw dan baa-boo-kadje’g ndɔ tuji’g ləi.

Ejekel 27:33

Loo gə́ nérabje ləi d’ḭ dan baa-boo-kadje’g teḛ raga Ndá i ar meḛ boo-koso-dəwje ndan tub-tub ləm, Némajije ləi gə nérabje ləi gə́ taa rɔi pəl-pəl lé ɓa I ar mbaije gə́ dɔ naŋg nee Tel to ne baoje ləm tɔ.

Ejekel 27:34

Loo gə́ baa-boo-kadje tədi njigi-njigi D’ari ndii manje’g igi pá lé Ndá nérabje ləi gə koso-dəwje ləi lai D’oso səi na̰’d.

Ejekel 28:1

Njesigənea̰ ulam ta gə rɔtaje nee pana:

Amɔs 1:9

Njesigənea̰ ɓa pa togə́bè pana: Gə mbata kaiya ra Tirje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ɔm koso-dəwje bula ji Edɔmje’d gə́ ɓərje Lal kar meḛ dee olé dɔ manrɔ’g lə ŋgako̰ deeje Gə́ deḛ man ne rɔ dee d’ar dee lé.

Jujé 19:29

Gée gə́ gogo yee tel par gə́ Rama saar teḛ ɓee-boo lə Tir gə́ siŋgá to ləm, par gə́ Hosa ləm tɔ mba kunda ŋgaŋgee baa-boo-kad’g par gə́ dɔ naŋg Akjib’g.