Jakari 9:17 - Maktub gə́ To gə Kəmee

¹⁷ Ǝi, boo-némeemaji ləa mbata lə dee to yaa̰ ləm, kura yaa̰ ləm tɔ. Ko gə́ sigi gə mán-nduú gə́ kul lé A kar siŋga basaje gə ŋgama̰dje to ne kɔgərɔ-kɔgərɔ tɔ.

Jakari 9:17 ပူးပေါင်းရင်းမြစ်များ

Pakɔsje 144:12

Ŋgan síje gə́ diŋgam lé To d’asəna gə kagje gə́ ma̰a lé Gə́ uba aar dana ɗigi-ɗigi ləb basa dee’g ləm, Ŋgan síje gə́ dené lé kara To d’asəna gə gaji ŋgɔ-kag gə́ d’inja ndajee d’aree bə̰dərə bə̰ Gə́ d’ar gad-kəi-mbaije ndaŋg ne mèr-mèr ləm tɔ.

Pakɔsje 145:7

Maji kar dee d’olé meḛ na̰ dɔ meemaji’g ləi gə́ dum dɔ loo ləm, Maji kar dee d’ila riɓar dɔ néraije gə́ gə dɔ najee lé ləm tɔ.

Pakɔsje 27:4

Ma m’dəji Njesigənea̰ né kára gə́ ma m’ndiŋga lé Ma m’ndəb ndəbee gə mba kiŋga: Ma m’ndigi si kəi lə Njesigənea̰ saar gə nɔm ya Gə mba korè ne kəm ndəŋ dɔ boo-ronduba’g lə Njesigənea̰ ləm, Gə mba kar kəm wəi ne sḭ dɔ kəi-siée’g ləm tɔ.

Pakɔsje 31:19

Maji kar deḛ gə́ pa taŋgɔm lé Tel to njégwɔskuduje ya Mbata deḛ pata kəgəgə-kəgəgə d’ɔs ne njemeekarabasur lé rəw, Deḛ ti ne rɔ dee mugugu-mugugu ləm, D’ə̰jee ne bəḭ-bəḭ ləm tɔ.

Pakɔsje 36:7

Meekarabasur ləi to asəna gə mbalje lə Ala ləm, Rəwta-gaŋgje ləi to asəna gə ɓul manje ləm tɔ. Njesigənea̰, i nja gəd dəwje ləm, gə daje ləm tɔ.

Pakɔsje 45:2

Taje gə́ kul yururu lé Ar dɔɓəŋgərəm nɛg jəl-jəl. Am m’pana: Kula ram lé m’ra mbata lə mbai! Maji kar ndo̰m to asəna gə ka̰ néndaŋ-maktub lə bao-ndaŋg-maktub lé bèe.

Pakɔsje 50:2

Mee ɓee gə́ Sio̰ gə́ ndoolé keḭ-keḭ lé Rɔnduba lə Ala ndogó jol-jol keneŋ.

Pakɔsje 86:15

Nɛ i Mbaidɔmbaije lé I to Ala gə́ njemeekoso lemsé ləm, Gə njekookəmto̰doo ləm tɔ, Oŋg ḭ səi kalaŋ el ləm, Meemaji gə meenda londoŋ lé ɓa I to babee ya ləm tɔ.

Pakɔsje 86:5

Mbaidɔmbaije, i to njemeemaji ləm, Gə njemeekoso lemsé ləm tɔ. Deḛ lai gə́ ɓar rii lé I unda dee dan kəmi’g.

Pakɔsje 90:17

Maji kar meenoji lə Njesigənea̰, Ala lə sí nai rɔ sí’g, Maji kari ar kula ra sí gə́ jeḛ n’raje gə ji sí to ne njaŋg, Oiyo, maji kar kula ra sí gə́ jeḛ n’raje gə ji sí to njaŋg ya.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Pa gə́ ur dɔ paje 5:10

Yeḛ gə́ m’undá dan kəm’g lé Ndoḭ wər-wər ləm, Gə kas pəl-pəl ləm tɔ, Lée dəwje tɔl-dɔg-loo-dɔg (10.000) kara Yeḛ to ɓəd mbuna dee’g ya.

Pa gə́ ur dɔ paje 7:9

Ma m’pana: M’a kal kag-tumbur lé ndá M’a kwa kuléje! Maji kar mbàije to d’asəna gə kul-nduúje ləm, Maji kar baḭ kəmə ləi ə̰də sululu To gə́ kandə pomə bèe ləm,

Esai 33:17

Kəm sí a koo mbai Loo boo-ronduba’g ləa ləm, D’a kaa dɔ naŋg ɓee lai Gə́ tad rəg-rəg lé gərərə ləm tɔ.

Esai 63:15

I gə́ si mee dara’g tar Mee loo-sii gə́ to gə kəmee gə́ to loo-ronduba lé Maji kari aa loo oo, See mal ra né ləi gə siŋgamoŋ ləi ɓa to ra wa. Meekaw taḭ-taḭ ləi gə koo kəmtondoo ləi Gə́ wɔji dɔm lé m’oo ɓasinè el.

Esai 63:7

M’a kila mber meenoji lə Njesigənea̰ ləm, Gə pa pidije gə́ wɔji dɔ Njesigənea̰ ləm tɔ Gə goo néje lai gə́ Njesigənea̰ ra mbata lə sí. M’a pata boo-némeemajije ləa Gə́ yeḛ ra ar gel-bɔje lə Israɛl Gə goo meekaw taḭ-taḭ ləa ləm, Gə goo bao-meenoji ləa ləm tɔ.

Jeremi 31:12

D’a ree ra ne wəl gə rɔlel Dɔ dɔdərlooje gə́ Sio̰, D’a kaiŋgwɔd gə́ dɔ némajije’g Le Njesigənea̰ gə́ to wa ləm, Gə mán-nduú gə́ sigi ləm, gə ubu ləm, Gə badje ləma, gə maŋgje ləm tɔ, Meḛ dee a to kasəna gə loo-kamnaḭ Gə́ saga mán keneŋ bèe Ndá d’a si dan némeeko̰’g el ŋga.

Jeremi 31:14

M’a kar né gə́ to ubu As njékinjanéməsje nag-nag ləm, Némajije ləm A kas koso-dəwje ləm nag-nag ləm tɔ, Njesigənea̰ ɓa pa bèe.

Joɛl 2:26

Seḭ a sɔje né kaareeje as sí nag-nag ləm, Seḭ a kulaje ne rɔnduba dɔ ri Njesigənea̰ Ala’g lə sí ləm tɔ Mbata néje gə́ dum koo gə́ yeḛ ra ar sí, Bèe ɓa rɔkul a dəb dɔ dəwje’g ləm nda̰ el ŋga.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tagə́maji gə́ Ja̰ ndang 3:16

Ala ndigi dəwje lai-lai dɔ naŋg nee, unda dee dan kəmee’g ɓa un Ŋgonee gə́ gəd-gəd kára ba ulá ar dee mba kar nana ɓa gə́ ɔm mée dəa’g ndá a si gə kəməgə́ gə no̰ lé ɓó a kudu nda̰ el.

Njé gə́ Rɔmə 5:20

Godndu Moyis lé ree gə mba kila kalta gə́ raga kɔd, nɛ loo gə́ kaiya kila rəa keneŋ ndá noji ɓa turu dəa pubug

Njé gə́ Rɔmə 5:8

Nɛ Ala nja kila meenoji ləa kɔd gə́ rɔ sí’g mbata loo gə́ jeḛ nai gə́ njékaiyaje ɓəi lé Kristi wəi gə mbata lə sí.