Jakari 9:11 - Maktub gə́ To gə Kəmee

¹¹ Seḭ lé ndá mbɔl dɔ manrɔ gə́ neḛ man ne rɔ neḛ n’ar sí lé ɓa N’a kɔr ne ɓərje lə sí Mee bwa gə́ mán godo keneŋ kɔm dee tar.

Jakari 9:11 ပူးပေါင်းရင်းမြစ်များ

2 Samel 13:13

See m’a kaw ra ɓa gə rɔkul gə́ a kwa dɔm lé wa. I kara a to gə́ ram-dəw mbuna ram-dəwje gə́ Israɛl’g tɔ. Ɓasinè m’ra ndòo rɔi’g mba kari pa taree ar mbai ndá yeḛ a kam m’to kaḭ ɓó a kɔsi rəw el.

2 Sôrta Gḭka Israɛlje 7:17

Nɛ i lé ɓó lé i njaa nɔm’g to gə́ bɔbije Dabid njaa ne nɔm’g ra ne néje lai gə́ ma m’un ndum dɔ’g m’ari ləm, ɓó lé i aa dɔ godndumje gə ndukunje ləm ləm tɔ ndá

Maktub gə́ wɔji dɔ Jɔb 33:30

Gə mba kɔree ne bwa-dɔɓar’g ləm, Mba kar lookàr ndogó ne dɔ dəwje gə́ d’isi kəmba’g ləm tɔ.

Pakɔsje 30:3

Njesigənea̰, Ala ləm! Ma m’ila ndum naŋg m’no̰ ne wəl gə́ rɔi’g Ndá i nja ajim ya.

Pakɔsje 40:2

M’unda məəm yel dɔ Njesigənea̰’g, Yeḛ rəm pər gə́ rɔm’g Ur mbia oo ne ndu no̰je ləm ya.

Pakɔsje 69:33

Njénékəmndooje lé d’oo ndá d’al ne rɔ dee ya. Seḭ gə́ saŋgje Ala Maji kar meḛ sí to kəmba ya!

Teḛ-Raga 24:8

Moyis taa məs lé ndá yeḛ saga dɔ dəwje’g ɓa pana: Aa ooje, məs manrɔ gə́ Njesigənea̰ mán ne rəa ar sí gə goo taje lai gə́ Yeḛ pa lé ɓa nee ya.

Esai 24:22

D’a mbo̰ dee dɔ na̰’d to gə́ daŋgaije gə́ d’wa dee d’ɔm dee kəi-daŋgai’g bèe ləm, d’a kudu dee mee bwa gə́ ɔr duu’g ləm tɔ, ndá loo gə́ ndɔ bula dəs ndá bo̰ néra dee a kɔs ta dee’g ya.

Esai 42:22

Nɛ deḛ to dəwje Gə́ d’unda dee banrɔ taa néje lə dee! Deḛ tɔ deḛ lai gə kúla larje D’ɔm dee mee bolè mbalje’g ləm, D’ula dee mee duu-looje’g ləm tɔ. Deḛ d’unda dee banrɔ Ar dəw kára kara gə́ njetaa dɔ dee godo!

Esai 42:7

Gə mba kar kəm njékəmtɔje teḛ ləm, Gə mba kar deḛ gə́ d’wa dee ɓər lé D’unda loo teḛ ləma, Kar deḛ gə́ d’udu dee duu-loo gə́ loondul’g lé D’unda loo teḛ ləm tɔ.

Esai 49:9

Mba kula dee gə́ d’wa dee ɓər lé pana: Undaje loo teḛje ləm, Mba kula dee gə́ d’isi dan loondul’g pana: Aarje raga ndəgəsə ləm tɔ. Ndá d’a sɔ né dan kag-rəwje’g ləm, D’a kiŋga nékulrɔ dee dɔdərlooje’g lai ləm tɔ.

Esai 51:14

Waga ndá yeḛ gə́ rugu koŋgoŋ gel kúla lar’g lé A kɔr dəa kúla’g, Yeḛ a kwəi duu-loo’g el ləm, Nésɔ a lalee el ləm tɔ.

Esai 58:12

Njé’g ləi d’a kunda kəi Dɔ gineje gə́ ləw gə́ tuji’g ləm, I a gɔl gineje gə́ ləw karee ḭtar gogo ləm tɔ. D’a ɓari njegɔl kəm ndògo-bɔrɔje gə́ ta̰ ləm, Gə yeḛ gə́ njegɔl rəwje ləma, Gə yeḛ gə́ gɔl ɓee ar dəwje D’isi keneŋ ləm tɔ.

Esai 61:1

Ndil Mbaidɔmbaije gə́ Njesigənea̰ dəb dɔm’g, Mbata Njesigənea̰ wa dɔm gə ubu Mba kam m’ila mber tagə́maji m’ar njénékəmndooje, Yeḛ ulam mba kam m’aji deḛ gə́ ɓəŋgərə dee ti dus ləm, Gə mba kam m’ila mber ta kɔr ɓər dɔ deḛ gə́ d’wa dee ɓər ləma, Gə ta kɔm deḛ gə́ d’udu dee duu-loo’g lé tar ləm tɔ ,

Jeremi 38:6

Yen ŋga deḛ d’un Jeremi d’ilá mee bwa-mán’g lə Malkija, ŋgolə mbai gə́ to mee gad kəi-daŋgai’g lé. D’ar Jeremi uru naŋg keneŋ gə kúla. Man godo mee bwa-mán’g neelé nɛ bɔrɔ ɓa to keneŋ ndá Jeremi dubu bɔrɔ’g tɔ.

Loo gə́ killa rea kəm Daniel’g 2:29

Ǝi mbai, takə̰jije gə́ teḛ dɔi’g dɔ tira-toi’g lé wɔji dɔ néje gə́ d’a gə teḛ gogo ndá yeḛ gə́ njeriba dɔ néje gə́ to loo-kiya’g lé ɓa ari oo néje gə́ d’a gə ree ɓəi lé.

Matiyo 26:28

mbata yee neelé to məsm, yee to məs manrɔ gə́ ula dɔ naŋg nee mbata lə dəwje bula-bula gə nékoga kaiyaje tɔ.

Mark 14:24

Yeḛ ula dee pana: Yee neelé to gə́ məsm, yee ɓa to məs manrɔ gə́ ula dɔ naŋg nee mbata lə dəwje bula.

Lugu 16:24

Yeḛ ula təa no̰’g wəl pana: Bɔm Abrakam, oo kəmtondoo ləm ya kari ndá ula Lajarə aree ula ŋgaw jia mán’g ree ɔs ndɔm’g aree kul ne bəl lɔm, mbata pər ulam ndubu yaa̰.

Lugu 22:20

Loo gə́ deḛ d’o̰ muru mba̰ ndá yeḛ un ŋgo-kai-né gə́ mán-nduú to keneŋ togə́bè tɔ, ula ar dee pana: Ŋgo-kai-né neelé to gə́ némanrɔ gə́ sigi gə́ ma man ne rɔm gə məsm m’aree ula dɔ naŋg nee mbata lə sí.

Lugu 4:18

Ndil Mbaidɔmbaije dəb dɔm’g Mbata yeḛ nja wa dɔm gə ubu Mba karm m’ila mber tagə́maji lé m’ar njéndooje ya. Yeḛ ulam gə mba karm m’ila mber ta kɔr ɓər dɔ deḛ gə́ d’wa dee ɓər ləm, Mba karm m’ula njékəmtɔje ta kəm deḛ gə́ a gə kinja kar dee d’oo ne loo ləm, Mba kar deḛ gə́ d’udu dee kəi lé d’a kila rɔ dee ləma,

1 Njé gə́ Kɔrḭtə 11:25

Loo gə́ d’o̰ muru mba̰ ndá yeḛ un ŋgo-kai-né togə́bè tɔ pana: Ŋgo-kai-né neelé to manrɔ gə́ sigi gə́ ma man ne rɔm gə məsm m’ar sí. Loo gə́ rara ɓa gə́ seḭ a kaije ndá arje meḛ sí olé ne dɔm’g.

Tel tura Godndu 5:31

Nɛ i ɓa yḛ̀ a nai səm nee ndá m’a kulai tornduje lai ləm, gə godnduje ləma, gə ndukunje ləm tɔ gə mba kari aw ndoo dee mba kar dee ra née mee ɓee gə́ m’a gə kar dee gə́ né ka̰ dee lé.

Ǝbrəje 10:2

Ɓó lé to togə́bè el ndá d’a kəw rɔ dee kun nékoga-kaiyaje kar Ala. Mbata njeaje-je lé gə́ d’wa Ala meḛ dee’g lé loo gə́ deḛ togo won kaiya lə dee gɔl kára mba̰ ndá meḛ dee a kaar kərm dɔ kaiya’g lə dee el ŋga.

Ǝbrəje 10:29

Nɛ ɓəd ɓa see yeḛ gə́ njaa dɔ Ŋgon-Ala’g lé ləm, oo məs manrɔ gə́ aree to ne dəw gə́ to gə kəmee lé oo gə́ né el ləma, ila ndɔl dɔ Ndil gə́ njenoji’g ləm tɔ ndá yeḛ gə́ ra togə́bè lé see tuji gə́ a koso dəa’g lé a kur dɔ maree’g nee el wa.

Ǝbrəje 13:20

Ala gə́ njeyelko meelɔm ləm, yeḛ gə́ teḛ gə Mbaidɔmbaije Jeju, ɓé-njekulbadje mbuna njé gə́ d’wəi’g gə goo məs manrɔ gə́ to njaŋg gə no̰ ləm tɔ lé

Loo gə́ killa rea kəm Ja̰’g 20:3

Yeḛ ilá mee bwa-wəl gə́ ɔr duu’g lé udu təa rḛdə mbiao̰ ɓó gə mba karee su kəm ginkoji dəwje gə raŋg gogo el ŋga saar ləb tɔl-dɔg neelé rudee a kun ɗiao. Gée gə́ gogo ndá tudee kilá ne tar waga ba ɓa gə́ kuma̰.