Jakari 9:1 - Maktub gə́ To gə Kəmee

¹ Ndərta gə́ Njesigənea̰ pa wɔji ne dɔ ɓee gə́ Hadrak ləm, Ta neelé wɔji dɔ ɓee-boo gə́ Damas ləm tɔ. Mbata kəm Njesigənea̰ to dɔ dəwje gə́ raŋg’d To gə́ to dɔ ginkoji Israɛlje’g bèe tɔ ,

Jakari 9:1 ပူးပေါင်းရင်းမြစ်များ

Gḭ-Néje 14:15

Yeḛ gə njérɔje ləa lé deḛ kai na̰ gə kudu dee kudu dee gə mba rɔ gə njéba̰je lə dee lé loondul’g. Ndá yeḛ dum dee ləm, yeḛ kor dee saar teḛ Soba gə́ to par gə́ dɔgel lə ɓee gə́ Damas ləm tɔ.

2 Sôrta Gḭka Israɛlje 20:12

Ǝi Ala lə sí, see i a gaŋgta dɔ dee’g el wa. Mbata jeḛ lé siŋga sí gə mba rɔ ne gə njérɔje gə́ bula digi-digi gə́ d’aw gə́ nee lé godo ar sí n’gərje né gə́ kəm ra el nɛ kəm sí to gə́ dɔi-i’g ya.

Pakɔsje 145:15

Kəm dəwje lai lé mbo̰ sɔmɔmo̰ dɔi-i’g ya, Nésɔ dee kara i nja ar dee gə lée-lée.

Pakɔsje 25:15

Ma m’tel kəm par gə́ rɔ Njesigənea̰’g ya ta-ta, Mbata yeḛ nja a kɔr gɔlm wul ba̰də’g kilam tar.

Esai 13:1

Ndərta gə́ inja kəm Esai, ŋgolə Amots’g aree oo gə́ wɔji ne dɔ Babilɔnje e.

Esai 52:10

Njesigənea̰ ula ji meenda ləa ndiŋ Kəm ginkoji dəwje gə raŋg’g lai ar dee d’oo, Dəw-kundaje lai gə́ d’ɔr rudu naŋg nee rɔd lé D’a koo kaji gə́ Ala lə sí gə kəm dee nda̰-nda̰ ya.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Jeremi 32:19

I to njemajidum dɔ rəw kwɔji nékəmra’g ləm, i to njesiŋgamoŋ dɔ kula rai’g ləm tɔ. Kəmi oo panjaa dəwje lai gə mba kar nana kara iŋga né gə́ wɔji gə goo panjaa ləa-ləa ləm, gə goo kula rəa-rəa ləm tɔ.

Amɔs 1:9

Njesigənea̰ ɓa pa togə́bè pana: Gə mbata kaiya ra Tirje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ɔm koso-dəwje bula ji Edɔmje’d gə́ ɓərje Lal kar meḛ dee olé dɔ manrɔ’g lə ŋgako̰ deeje Gə́ deḛ man ne rɔ dee d’ar dee lé.

Amɔs 3:12

Njesigənea̰ ɓa pa togə́bè pana: Loo gə́ toboḭ wa nékul ndá Njékulbadje tɔr gɔl nékul gə́ joo Esé dɔ mbia gə́ kára ta toboḭ’g bèe lé Togə́bè Israɛlje gə́ d’isi Samari Gə́ to dɔ tira’g əsé d’isi dɔ kubu kila naŋg’d gə́ Damas lé kara Njesigənea̰ a kaji dee togə́bè ya tɔ.

Nahum 1:1

Maktub némḭdi gə́ to ndərta gə́ wɔji dɔ ɓee gə́ Ninibə gə́ Nahum, dəw gə́ Elkos oo lé.

Jakari 4:10

Mbata deḛ gə́ d’ə̰ji ndɔ gə́ d’un kudu né lam ba bèe gə́ kḛji lé D’a ra rɔlel loo gə́ d’oo kúla-kwɔji-né ji Jorobabel’g ya. Pərndoje gə́ siri neelé ɔr gel kəm Njesigənea̰ gə́ un naŋg nee lad tɔ.

Jakari 5:4

Njesigənea̰ gə́ njeboo-néje lé pana: Neḛ n’ilá mba karee andə mee kəije’g lə njéɓogoje ləm, gə kəije’g lə deḛ gə́ ɓar ri neḛ d’ubu ne rɔ dee gə taŋgɔm ləm tɔ gə mba karee ra loo-siée mee kəije’g lə dee mba tuji dee na̰’d pugudu gə kag gə kɔri-mbalje.

Malasi 1:1

Ndərta gə́ Njesigənea̰ pa ar Israɛlje gə ndu Malasi.