Jakari 8:9 - Maktub gə́ To gə Kəmee

⁹ Njesigənea̰ gə́ njeboo-néje lé pa togə́bè pana: Seḭ gə́ ɓogənè ooje taje nee ta njéteggintaje’g Gə́ teḛ mee ndəa gə́ deḛ tum ne gin kəi lə Njesigənea̰ gə́ njeboo-néje lé Loo gə́ d’a gə kunda ne kəi gə́ to gə kəmee lé Arje ji sí ɓar mèr-mèr.

Jakari 8:9 ပူးပေါင်းရင်းမြစ်များ

1 Sôrta Gḭka-Israɛlje 22:13

Togə́bè ɓa i a teḛ ne kɔr loo gə́ i a tɔs kəmi bao-bao dɔ ndukunje gə godnduje gə́ Njesigənea̰ un ar Moyis mbata lə Israɛlje lé. Wa rɔi kɔgərɔ ləm, wa diŋgam məəi’g ləma, ɓəl əsé unda bala el ləm tɔ.

1 Sôrta Gḭka-Israɛlje 28:20

Dabid ula Salomo̰ pana: Ŋgonəm, maji kari wa rɔi kɔgərɔ, wa diŋgam məəi’g tɔɓəi gə́ ra né ɓó ɓəl el ləm, unda bala el ləm tɔ. Mbata Njesigənea̰, Ala gə́ to Ala ləm lé yeḛ a nai səi ləm, yeḛ a kubai kya̰’i el ləm tɔ saar kari tɔl ne kulaje lai gə́ wɔji dɔ kəi lə Njesigənea̰ lé bém ya.

2 Sôrta Gḭka Israɛlje 15:7

Nɛ seḭ lé ɓasinè maji kar sí waje diŋgam meḛ sí’g ləm, arje ji sí unda ndolè el ləm tɔ mbata kula ra sí lé seḭ a kiŋgaje nédɔji sí keneŋ ya.

Esdras 6:14

Ŋgatɔgje lə Jibje ra kəi neelé d’aree aw maji gə goo ndər ta gə́ Ajee njetegginta gə Jakari, ŋgolə Ido pa. Deḛ ra kula neelé saar tɔlee bém gə goo ndukun lə Ala lə Israɛlje ləm, gə goo ndukun lə Sirus, gə Darius, gə Artajerjɛs, mbaije gə́ Persə ləm tɔ.

Esai 35:3

Ji síje gə́ d’unda ndolè lé Ar deeje ɓar mèr-mèr ləm, Kəji sí gə́ unda bala lé kara Aarje ne tar jigiri ləm tɔ.

Esai 35:4

Ulaje deḛ gə́ meḛ dee to kəgəgə lé pajena: Waje diŋgam meḛ sí’g ɓó ɓəlje el, Aa ooje, Ala lə sí lé yeḛ a ree dal ba̰ lə sí Kuga ne dɔ ji deḛ gə́ ra sə sí majel, Yeḛ a ree gə rəa-yeḛ nja mba kaji sí.

Ajee 1:1

Mee ləb gə́ njekɔm’g joo gə́ Darius to ne mbai, mee ndɔ gə́ dɔtar’g lə naḭ gə́ njekɔm’g misa̰ lé ɓa Njesigənea̰ ula Aje, njetegginta ta nee aree un aw ula Jorobabel, ŋgolə Səaltiel, gə́ to njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləm tɔ pana:

Ajee 1:12

Jorobabel, ŋgolə Səaltiel ləm, gə Juje, ŋgolə Josadak, ŋgɔ-njekinjanéməs ləma, gə ges koso-dəwje lai gə́ nai ləm tɔ d’oo ndu Njesigənea̰, Ala lə dee gə goo ta gə́ Aje, njetegginta pa taree gə goo kula gə́ Njesigənea̰ Ala lə dee ɔm jia’g lé. Bèe ɓa ɓəl unda koso-dəwje badə gaŋg dee no̰ Njesigənea̰’g.

Ajee 2:18

Maji kar sí síje gèŋ ə̰jije ooje néje gə́ dəs mee ndəa gən saar mee ndɔ gə́ njekɔm’g rɔ-joo-giree-sɔ’g lə naḭ gə́ njekɔm’g jinaikara, un kudee mee ndəa gə́ deḛ tum ne gel kəi lə Njesigənea̰ lé síje gèŋ ə̰jije ooje ɓa!

Ajee 2:21

Maji kari ula Jorobabel, njeguburuɓee gə́ Juda togə́bè pana: N’a gə yə dara gə naŋg nee.

Jakari 8:13

Seḭ ginkoji Judaje gə ginkoji Israɛlje lé Kédé seḭ toje koso-dəwje Gə́ ndɔl wa dɔ dee mbuna ginkoji dəwje gə raŋg’g Nɛ ɓasinè n’a kaji sí ləm, Seḭ a toje nétɔrndu mbuna dee’g ləm tɔ, Bèe ndá gə́ ɓəlje el, arje ji sí ɓar mèr-mèr.

Jakari 8:18

Njesigənea̰ gə́ njeboo-néje ulam ta gə rɔtaje nee pana:

Njé gə́ Epesə 6:10

Ŋgakɔmje, namje kaar Mbaidɔmbaije’g lə sí taaje ne siŋgamoŋ ləa gə́ dum dɔ loo oreeje ne maree lə sí.

2 Timote 2:1

Ŋgonəm, i kara wa rɔi kɔgərɔ gə goo noji gə́ Jeju Kristi wa səi lé.

Jujé 1:6

Wa rɔi kɔgərɔ ləm, gə wa diŋgam məəi’g ləm tɔ, mbata i nja ɓa a kar dəwje neelé taa ɓee neelé gə́ ka̰ dee-deḛ to gə́ ma man ne rɔm m’ar bɔ deeje-je gə mba kar dee lé ya.

Jujé 1:8

Ta gə́ mee maktub godndu’g neelé maji karee lal tai el, maji kari la̰ji toree məəi’g dan kàrá gə loondul’g gə mba ra néje lai gə́ ndaŋg taree keneŋ, togə́bè ɓa kula raije lai d’a maji ne kɔr njal ləm, i kara a teḛ ne kɔr ləm tɔ.