Jakari 8:7 - Maktub gə́ To gə Kəmee

⁷ Njesigənea̰ gə́ njeboo-néje lé pa togə́bè pana: Aa ooje, neḛ n’ɔr koso-dəwje lə neḛ mee ɓee’g par gə́ bər ləm, Gə loo gə́ kàr ur naŋg keneŋ ləm tɔ n’aji dee.

Jakari 8:7 ပူးပေါင်းရင်းမြစ်များ

Nehemi 1:9

Nɛ ɓó lé jeḛ n’tel reeje rɔi’g ləm, ɓó lé jeḛ j’aaje dɔ godnduije n’raje née ləm tɔ ndá lé d’a kwa sí ɓər kaw sə sí rudu dara’g kara lée gə́ neelé ɓa i a mbo̰ sí dɔ na̰’d ləm, i a tel ree sə sí loo gə́ i ɔr unda gə mba kar rii ɓar keneŋ lé ləm tɔ.

Pakɔsje 113:3

Un kudee loo-kuba’g lə kàr Saar teḛ loo-kuru-naŋg’d ləa lé Maji kar dee d’ila riɓar dɔ ri Njesigənea̰’g.

Pakɔsje 147:2

Njesigənea̰ lé tel gɔl Jerusalem aree to lée’g gogo ləm, Israɛlje gə́ sané kad-kad lé Yeḛ tel mbo̰ dee dɔ na̰’d keneŋ ya ləm tɔ.

Pakɔsje 50:1

Pakɔs lə Asap Ala, Njesigənea̰ Ala lé Pata ɓar ne dəwje gə́ dɔ naŋg nee lai Un kudee dɔ deḛ gə́ d’isi loo-kuba’g lə kàr Saar teḛ ne dɔ deḛ gə́ d’isi loo-kuru-naŋg’g ləa jigi tɔ.

Esai 49:12

Aa oo deeje, D’ḭ əw ɓa ree, Njé gə́ na̰je d’ḭ dɔgel gə dɔ-gó ləm, Njé gə raŋg d’ḭ ɓee gə́ Sinim ləm tɔ!

Esai 59:19

Un kudee dɔ-gó lé D’a ɓəl ri Njesigənea̰ keneŋ ləm, Un kudee loo gə́ kàr uba’g lé D’a ɓəl rɔnduba ləa keneŋ ləm tɔ. Loo gə́ njeba̰ lé a ree to gə́ mán baa bèe Ndá Ndil Njesigənea̰ a rəa karee aḭ.

Jeremi 31:8

A ooje, ma m’ar dee D’ḭ ɓee gə́ dɔgel tel ree ləm, Deḛ gə́ d’isi gwɔi naŋg lé kara M’a mbo̰ dee dɔ na̰’d ləm tɔ, Njékəmtɔje, gə njémədje, gə denéje Gə́ d’aw gə kèm Gə njé gə́ d’isi gə ndóo to mbuna dee’g, To dəwje gə́ bula digi-digi Ɓa tel ree lée’g neelé.

Ejekel 11:17

Gelee gə́ nee ɓa m’a kula dee pana: Mbaidɔmbaije gə́ Njesigənea̰ pa togə́bè pana: N’a kḭ sə sí mbuna ginkoji dəwje gə raŋg’g mbo̰ sí dɔ na̰’d ləm, n’a kar sí undaje loo mee ɓeeje ɓəd-ɓəd gə́ neḛ n’sané sí keneŋ lé teḛje reeje ləm tɔ ndá n’a kar sí dɔ naŋg gə́ Israɛl gə́ néka̰ sí ya.

Ejekel 36:33

Mbaidɔmbaije gə́ Njesigənea̰ pa togə́bè pana: ndɔ gə́ n’a togo néra kori-korije lə sí kar sí àrje ŋgad-ŋgad ndá n’a kar dəwje taa mee ɓee-booje pəl-pəl ləm, looje gə́ tuji lé d’a tel gɔl gogo ləm tɔ,

Jakari 10:6

N’a kar siŋga Judaje ḭ dɔ maree’d gə́ kédé-kédé ləm, N’a taa dɔ njé’g lə Jisəb ləm tɔ, N’a tel ree sə dee Mbata mee neḛ aw taḭ-taḭ mbata lə dee, Ndá d’a to kasəna gə dəwje gə́ n’uba dee n’ya̰ dee kédé el lé bèe, Mbata neḛ n’to Njesigənea̰, Ala lə dee Ndá n’a koo ta lə dee ya.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Tel tura Godndu 30:3

Ala lə sí gə́ Njesigənea̰ a tel gə njé’g lə sí gə́ d’wa dee gə́ ɓər ləm, a ra sə sí meemaji ləma, yeḛ a tel mbo̰ sí dɔ na̰’d kar sí ḭje mbuna koso-dəwje’g lai gə́ Ala lə sí gə́ Njesigənea̰ sané sí mbuna dee’g lé ləm tɔ.