Jakari 8:23 - Maktub gə́ To gə Kəmee

²³ Njesigənea̰ gə́ njeboo-néje pa togə́bè pana: Mee ndəaje’g neelé diŋgamje dɔg gə́ takɔji dee ɓəd-ɓəd mbuna ginkoji dəwje gə raŋg’g lé D’a kwa ta kubu lə dəw kára gə́ to gə́ Jip pa ne pana: N’a kawje sə sí mbata neḛ n’gərje gao to gə́ Ala nai sə sí-seḭ ya.

Jakari 8:23 ပူးပေါင်းရင်းမြစ်များ

Gḭ-Néje 31:41

Aa oo, as ləbm rɔ-joo lé ma m’nai səi mee kəi’g ləi. Ma m’ra səi kula ləbm dɔg-giree-sɔ mbata lə ŋganije gə́ dené gə́ joo ləm, gə ləbm misa̰ mbata lə nékulje ləi ləm tɔ nɛ nékoga-dɔ-jim lé i telee ɓəd-ɓəd as gɔl dɔg ya.

Gḭ-Néje 31:7

Ndá bɔ síje lé ərm ləm, yeḛ tel nékoga-dɔ-jim ɓəd-ɓəd as gɔl dɔg ləm tɔ. Nɛ Ala ya̰ loo gə mba karee ra səm némajel el.

2 Mbaije 2:6

Eli ulá pana: M’ra ndòo rɔi’g gə mba kari nai loo gə́ nee’g mbata Njesigənea̰ ulam gə́ baa gə́ Jurdɛ̰ ɓəi. Yeḛ ilá keneŋ pana: Njesigənea̰ to Njesikəmba ləm, i kara si kəmba ləm tɔ ndá, m’a kubai kya̰’i nda̰ el. Bèe ɓa deḛ joo bɔr d’un rəw na̰’d d’aw ya.

1 Sôrta Gḭka-Israɛlje 12:18

Dabid teḛ aar no̰ dee’g un ta pa ar dee pana: Ɓó lé seḭ reeje rɔm’g gə takə̰ji gə́ maji mba la ne səm ndá məəm a kɔm sə sí na̰’d ya nɛ ɓó lé seḭ reeje gə mba kərmje kilamje ji njéba̰je’g ləm lal né gə́ majel kára gə́ m’ra ndá maji kar Ala lə ka síje-je ɓa oo gée gə mba kar bo̰ néra sí ɔs ta sí’g tɔ.

2 Sôrta Gḭka Israɛlje 15:9

Tɔɓəi yeḛ mbo̰ dəwje lai gə́ Juda gə Bḛjami, gə Eprayimje, gə Manasəje, gə Simeo̰je gə́ d’isi mbuna dee’g dɔ na̰’g mbata Israɛlje bula ya d’ɔm səa na̰’d loo gə́ d’oo to gə́ Njesigənea̰ Ala nai səa lé.

Este 8:17

Mee dəb ɓeeko̰je kára kára lai ləm, gə mee ɓee-booje kára kára lai ləm tɔ lé loo gə́ d’ila mber ndukun lə mbai keneŋ ndá loo gə́ mbuna Jibje’g lé rɔlel gə boo-rɔkal gə ra muru-gad gə ra naḭje ɓa to keneŋ ya. Tɔɓəi dəwje bula mbuna koso-dəwje gə́ mee ɓee’g tel rɔ dee gə́ Jibje mbata ɓəl gə́ deḛ ɓəl Jibje lé ɓa unda dee badə gaŋg dee tɔ.

Maktub gə́ wɔji dɔ Jɔb 19:3

Aa ooje, as gɔl dɔg ŋga seḭ ulaje sul dɔm’g. See rɔ sí kul loo gə́ seḭ uduje mbim gə taje gə́ togə́bè lé el wa.

Njekillamber 11:2

Kai nébaoje ləi ar dəwje loo sirije əsé loo jinaijooje’n bèe mbata i gər némeeko̰ gə́ a ree dɔ naŋg neelé el.

Esai 3:6

Dəw a kaw kwa ŋgokea̰ mee kəi’g lə bɔbeeje ya a kulá pana: Kubu ləi-i to kára keneŋ ndá Maji kari to mbai lə sí! Néje gə́ tuji neelé Maji kari taa jii’g!

Esai 4:1

Mee ndəa’g neelé denéje siri d’a korè na̰ dɔ diŋgam’d kára’g Ndá d’a kulá pana: J’a ko̰ muru lə síjeḛ ləm, J’a kiŋga kubuje lə síjeḛ ləm tɔ Nɛ rii ya ba ar sí j’unda dɔ sí’g ləm, Rɔkul ya ɔr dɔ sí’g ləm tɔ

Esai 45:14

Njesigənea̰ ula Israɛlje togə́bè pana: Nékiŋgaje lə Ejiptəje, gə nérabje lə Etiopije Gə ka̰ Sabaje gə́ kagrɔ dee ŋgal pur-pur lé D’a dəs ree rɔ sí’g ndá D’a tel to gə́ ka̰ sí-seḭ. Koso-dəwje neelé d’a njaa goo sí’g ləm, D’a dəs gə kúla lar rɔ dee’g ləma, D’a kunda barmba no̰ sí’g ra ne ndòo rɔ sí’g kula sí ne pana: Tɔgərɔ, Ala si rɔ sí-seḭ’g ya kára ba ləm, Ala gə́ raŋg gə́ njekorè dəa godo ləm tɔ.

Esai 45:24

Dəwje d’a kulam pana: Néra gə́ danasur gə siŋgamoŋ lé To rɔ Njesigənea̰’g ya kára ba ɓa. Deḛ lai gə́ meḛ dee ḭ sə dee pu dəa’g lé D’a tel ree rəa’g ndá Rɔkul a ra dee.

Esai 55:5

Aa ooje, i a ɓar ginkoji dəwje gə raŋg gə́ i gər dee el Ndá ginkoji dəwje gə raŋg gə́ gəri el lé d’a kaḭ ree rɔi’g Gə mbata lə Njesigənea̰, Ala ləi, Yeḛ gə́ to Njerɔkunda lə Israɛlje Gə́ ula rɔnduba dɔi’g.

Esai 60:14

Ŋgalə njékula kəmi ndooje lé D’a ree kula dɔ dee naŋg nɔḭ’g ləm, Deḛ lai gə́ d’ḛjii bəḭ-bəḭ lé D’a ree kunda barmba gin gɔli’g ləm tɔ. D’a ɓari ɓee-boo lə Njesigənea̰, Sio̰ lə Njerɔkunda lə Israɛlje.

Esai 60:3

Ginkoji dəwje gə raŋg d’a njaa Goo néndogó’g ləi ləm, Mbaije kara d’a njaa Goo lookàr’g ləi ləm tɔ.

Esai 66:18

Ma m’gər kula ra dee gə takə̰jije lə dee tɔ. Ndɔ mbo̰ ginkoji dəwje gə raŋg lai gə takɔji dəwje lai dɔ na̰’d teḛ mba̰ ndá d’a ree koo rɔnduba ləm,

Misee 5:5

Deḛje neelé d’a ko̰ guburu ɓee gə́ Asiri Gə ɓee gə́ Nimrɔd gə kiambas. Togə́bè ɓa yeḛ a taa sí ne ji dəw gə́ Asiri, Loo gə́ yeḛ a ree mee ɓee’g lə sí ləm, A kila gɔlee dɔ naŋg’d lə sí ləm tɔ.

Soponi 3:19

Aa ooje, mee ndəa’g neelé N’a kar bo̰ néra njékula kəm loo ndooje ɔs ta dee’g, N’a taa dɔ njémədje ləm, Deḛ gə́ tuba dee lé N’a kwa dee gə́ rɔ neḛ’g ləma, N’a kar dee tel to népidi gə nékula rɔnduba Mee ɓeeje lai gə́ d’isi gə rɔkul keneŋ lé ləm tɔ lé.

Bula lə Israɛlje 14:22

deḛ lai gə́ d’oo rɔnduba ləm gə némɔrije gə́ m’ra mee ɓee gə́ Ejiptə gə dɔdilaloo’g lé deḛ gə́ d’aḭ məəm as gɔl dɔg ar dee mbad koo ta ləm ndá

Lugu 8:44

Yeḛ teḛ gir Jeju’g ula jia ɔrɔ ne ta kubu ləa ndá léegəneeya məs gə́ tal rəa’g lé ginee gaŋg ŋgaji.

Néra Njékaḭkulaje 19:12

ar njé gə́ na̰je d’odo kubuje gə́ lḛd-lḛd əsé kubu-bɔr-rɔje d’ɔrɔ ne rɔ Pool d’ya̰ d’ila dɔ njérɔko̰je’g ndá rɔ dee ḭ ne kə̰geŋ ləm, ndilje gə́ yèr kara teḛ meḛ dee’g ləm tɔ.

1 Njé gə́ Kɔrḭtə 14:25

ta gə́ mée’g a kinja gə́ raga ləm tɔ. Yen ɓa yeḛ a kunda barmba dəb kəmee naŋg gə mba kwa ne Ala mée’g ləm, yeḛ a kḭ kaw kila ne mbər pana: Ala lé sí mbuna sí’g tɔgərɔ ya ləm tɔ.

Jujé 8:35

Taje lai gə́ Moyis un ndia dɔ’g lé Juje tura kəm koso-dəwje gə́ Israɛl lai, kəm denéje, gə ŋganje, gə dəw-dɔ-ɓeeje’d gə́ njaa mbuna dee’g ləm tɔ lé ɓó ta kára kara gə́ yeḛ lal tura lé godo ya.