Jakari 8:21 - Maktub gə́ To gə Kəmee

²¹ Dəwje gə́ mee ɓee gə́ kára d’a kaw mee yee gə́ raŋg’d pana: Ar sí j’aw n’raje ndòo rɔ Njesigənea̰’g ləm, Gə n’saŋgje Njesigənea̰ gə́ njeboo-néje ləm tɔ. Jeḛ kara j’a kawje ya tɔ.

Jakari 8:21 ပူးပေါင်းရင်းမြစ်များ

2 Sôrta Gḭka Israɛlje 11:16

Deḛ lai gə́ mbuna ginkoji’g lə Israɛlje gə́ ndiŋga rɔ dee gə mba kwa Njesigənea̰, Ala lə Israɛlje meḛ dee’g lé d’aw goo Ləbije’g Jerusalem gə mba kinja nékinjanéməsje kar Njesigənea̰ Ala lə bɔ deeje-je.

Pakɔsje 103:22

Seḭ kula reaje lai lé Undaje no̰ dɔkaisəgərə lə Njesigənea̰ Gə looje lai-lai gə́ yeḛ dum dɔ loo keneŋ. Ŋgaw məəm, maji kari unda no̰ dɔkaisəgərə lə Njesigənea̰!

Esai 2:3

Ginkoji dəwje gə raŋg lai d’a ndɔm na̰ keneŋ Ndá d’a pana: Gə́ reeje ar sí j’awje dɔ mbal’g lə Njesigənea̰ ləm, Gə j’awje mee kəi’g lə Ala lə Jakob ləm tɔ Gə mba karee ndoo sí torndiaje Kar sí njaaje ne kila-rəwje’g ləa. Mbata godndu a kḭ Sio̰’g ləm, Ta lə Njesigənea̰ a kḭ Jerusalem ləm tɔ.

Jeremi 31:6

Mbata ndɔ gə́ a gə ree lé Njéŋgəmlooje d’a ra né wəl Dɔ mbal gə́ Eprayim pana: Ḭje tar ar sí j’awje Sio̰ Rɔ Njesigənea̰ Ala’g lə sí!

Ojee 6:3

Ar sí n’gərje Njesigənea̰ ndolèje gée, Ree ləa lé to tɔgərɔ to gə́ kàr gə́ uba kuji’g bèe. Yeḛ a ree asəna gə mán ndi bèe mbata lə sí ləm, Asəna gə ndi gə́ doŋgɔr gə́ yɔm dɔ naŋg bèe ləm tɔ.

Jakari 7:2

Njé gə́ Betel d’ula Sareser gə Régem-Melek gə dəwje lə dee mba kar dee d’aw ra ndòo rɔ Njesigənea̰’g ləm,

Jakari 8:22

Bèe ɓa koso-dəwje bula ləm, Gə ginkoji dəwje bula ləm tɔ D’a ree saŋg Njesigənea̰ gə́ njeboo-néje Gə mba ra ndòo rəa’g mee ɓee gə́ Jerusalem.

Tagə́maji gə́ Ja̰ ndang 1:37

Njékwakila Ja̰je gə́ joo d’oo ta nee gə́ yeḛ ula dee lé ndá d’ḭ d’aw goo Jeju’g.