Jakari 8:19 - Maktub gə́ To gə Kəmee

¹⁹ Njesigənea̰ gə́ njeboo-néje pa togə́bè pana: Kɔg mee ɓoo gə́ mee naḭ gə́ njekɔm’g sɔ ləm, gə naḭ gə́ njekɔm’g mi ləm, gə naḭ gə́ njekɔm’g siri ləma, gə naḭ gə́ njekɔm’g dɔg ləm tɔ lé a tel to ndɔ kalrɔ gə ndɔ rɔlel gə naḭ gə́ ka̰ ra rɔlel mbata lə koso-dəwje gə́ Juda. Nɛ maji kar sí undaje kankəmta gə meekulɔm ɓa dan kəm sí’g.

Jakari 8:19 ပူးပေါင်းရင်းမြစ်များ

2 Mbaije 25:1

Ləb ko̰ɓee lə Sedesias gə́ njekɔm’g jinaikara, mee ndɔ gə́ njekɔm’g dɔg lə naḭ gə́ njekɔm’g dɔg lé Nebukadnesar, mbai gə́ Babilɔn ree gə njérɔje ləa lai ree rɔ ne gə njé gə́ Jerusalem, yeḛ gaŋg no̰ dee béréré si keneŋ ləm, gə uba dɔndalje aḭ ne dɔ dee sub-sub ləm tɔ.

2 Mbaije 25:25

Nɛ naḭ gə́ njekɔm’g siri lé Ismael, ŋgolə Netania gə́ to ŋgolə Elisama, yeḛ gə́ gelee to mbai lé aw gə njérɔje dɔg ndá deḛ kunda Gedalia tɔlee ləm, gə Jibje gə njé gə́ Kalde gə́ d’isi səa Mispa ləm tɔ.

Este 8:17

Mee dəb ɓeeko̰je kára kára lai ləm, gə mee ɓee-booje kára kára lai ləm tɔ lé loo gə́ d’ila mber ndukun lə mbai keneŋ ndá loo gə́ mbuna Jibje’g lé rɔlel gə boo-rɔkal gə ra muru-gad gə ra naḭje ɓa to keneŋ ya. Tɔɓəi dəwje bula mbuna koso-dəwje gə́ mee ɓee’g tel rɔ dee gə́ Jibje mbata ɓəl gə́ deḛ ɓəl Jibje lé ɓa unda dee badə gaŋg dee tɔ.

Este 9:22

To mee ndɔje neelé ɓa deḛ d’iŋga loo-kwa-rɔ dee loo gə́ deḛ taa ne rɔ dee ji njéba̰je’g lə dee ndá d’a ra naḭ gə́ wɔji dɔ kəmndoo gə́ d’isi keneŋ gə́ tel to rɔlel ləm, gə ndɔ némeeko̰ lə dee gə́ tel to ndɔ ra naḭ ləm tɔ. Bèe ɓa ndɔje neelé a to ndɔ muru-gad ləm, gə ndɔ rɔlel ləm, d’a kar na̰ nénojije yo gə́ nee ləma, d’a kai njéndooje né keneŋ ləm tɔ.

Pakɔsje 30:11

Njesigənea̰, maji kari tuga mbii oo ne ndum ndá Oo ne kəm lootondoo’g ya! Njesigənea̰, maji kari ree la səm ya kari.

Pakɔsje 34:15

Maji kari unda rɔi ɓad dɔ néra gə́ majel’g ndá Ra né gə́ maji ləm, Maji kari saŋg meelɔm ai ne məəi sam-sam keneŋ ləm tɔ.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 51:11

Togə́bè ɓa deḛ gə́ Njesigənea̰ uga dɔ dee lé D’a tel ree, D’a tel ree Sio̰ gə pa kun baŋga ta dee’g Ndá rɔlel gə́ to gə no̰ a to dɔ dee’g asəna gə dɔgugu bèe, Kalrɔ gə rɔlel d’a ree pər gə́ rɔ dee’g ləm, Meeko̰ gə tuma̰ ŋgururu-ŋgururu d’a sané pá ləm tɔ.

Jeremi 36:6

Ŋga i nja a kaw keneŋ ndá i a tura taje lə Njesigənea̰ gə́ to mee maktub gə́ kə́ na̰’d gə́ ma m’ari ndaŋg lé no̰ koso-dəwje’g mee kəi’g lə Njesigənea̰ ndɔ kɔg-mee-ɓoo’g. I a tura taje neelé no̰ deḛ gə́ Juda lai gə́ d’ḭ mee ɓee-booje’g lə dee ree lé tɔ.

Jeremi 39:2

Ndɔ jinaikara mee naḭ gə́ njekɔm’g sɔ mee ləb ko̰ɓee’g lə Sedesias gə́ njekɔm’g dɔg-giree-kára lé ndá deḛ mbudu kəm ndògo-bɔrɔ gə́ mee ɓee-boo’g.

Jeremi 52:4

X Ləb ko̰ɓee lə Sedesias gə́ njekɔm’g jinaikara mee ndɔ dɔg lə naḭ gə́ njekɔm’g dɔg lé Nebukadnesar, mbai gə́ Babilɔn aw gə njérɔje ləa aw mba k’aw rɔ ne gə Jerusalem. Deḛ d’wa loo-si dee no̰ ɓee’g ndá deḛ d’uba dɔndalje gugu ne dəa sub.

Ejekel 18:8

yeḛ wɔji né dɔ maree’g ɓa ar dee tona gə mba kiŋga manee dɔ’g el ləm, yeḛ ɔg jia dɔ néra gə́ kori-kori’g ləm, yeḛ gaŋgta gə goo rəbee mbuna dəwje gə́ joo’g ləm,

Ejekel 24:1

Mee ləb gə́ njekɔm’g jinaikara lé naḭ gə́ njekɔm’g dɔg ra ndɔ dɔg ndá Njesigənea̰ ulam ta gə rɔtaje nee pana:

Jakari 7:3

gə mba kula njékinjanéməsje gə́ mee kəi’g lə Njesigənea̰ gə́ njeboo-néje, gə njéteggintaje ləm tɔ pana: See to maji kəm kar sí no̰je mee naḭ gə́ njekɔm’g mi ləm, gə jɔgje meḛ sí ɓó ləm tɔ to gə́ jeḛ n’raje mee ləbje bula gə́ kédé lé wa.

Jakari 7:5

Maji kam m’ula koso-dəwje gə njékinjanéməsje lai gə́ mee ɓee’g lé m’pana: Loo gə́ seḭ ɔgje meḛ sí ɓó ləm, gə no̰je ləm tɔ Mee naḭ gə́ njekɔm’g mi gə njekɔm’g siri ləm tɔ As ləbje rɔ-siri lé See to mbata lə neḛ-neḛ nja ɓa Seḭ ɔgje ne meḛ sí ɓó gə mbəa lé wa.

Jakari 8:16

Aa ooje, né gə́ kəm kar sí raje ɓa nee: Ulaje na̰ kankəmta mbuna na̰’d ləm, Gaŋje rəwta tarəwkɔgje’g lə sí gə goo rəbee Mba si ne gə meekulɔm ləm tɔ.

Jakari 8:18

Njesigənea̰ gə́ njeboo-néje ulam ta gə rɔtaje nee pana:

Jakari 8:3

Njesigənea̰ pa togə́bè pana: Neḛ n’tel n’ree Sio̰, Neḛ ndigi si dan njé gə́ Jerusalem’g. D’a ɓar Jerusalem lé ɓee-boo gə́ njekila koji ləm, Mbal lə Njesigənea̰ gə́ njeboo-néje lé D’a ɓaree mbal gə́ to gə kəmee ləm tɔ.

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.