Jakari 8:15 - Maktub gə́ To gə Kəmee

¹⁵ Nɛ ɓasinè mee ndɔje’g neelé Neḛ n’tel n’wɔji njaŋg gə mba ra meemaji gə njé gə́ Jerusalem Gə dəwje gə́ Juda bèe-bèe ya. Bèe ndá maji kar sí ɓəlje el.

Jakari 8:15 ပူးပေါင်းရင်းမြစ်များ

Jeremi 31:28

To gə́ kédé m’orè ne kəm dɔ dee’g sḭ m’ɔr dee ne ləm, m’təd dee ne rém-rém ləm, m’unda dee ne naŋg rə̰dəŋ-rə̰dəŋ ləm, m’tuji dee ne pugudu-pugudu ləma, m’ɓugu dee ne ta némajelje’g ləm tɔ lé ndá ɓasinè m’a korè kəm dɔ dee’g sḭ togə́bè ya to gə mba kunda dee ne tar ləm, gə mba ma̰a dee ne ləm tɔ. Njesigənea̰ ɓa pa bèe.

Jeremi 32:42

Mbata Njesigənea̰ pa togə́bè pana: To gə́ ma m’ar boo-némeekonje nee lai teḛ dɔ koso-dəwje’g neelé ndá m’a kar meemajije lai gə́ m’pa taree m’wɔji ne dɔ dee lé ree dɔ dee’g togə́bè ya tɔ.

Ajee 2:5

Neḛ n’aar dɔ manrɔ’g lə neḛ gə́ neḛ man ne rɔ neḛ n’ar sí loo gə́ seḭ undaje ne loo mee ɓee gə́ Ejiptə teḛje lé ya mbata Ndil neḛ nai mbuna sí’g ya. Maji kar sí gə́ ɓəlje el!

Jakari 8:13

Seḭ ginkoji Judaje gə ginkoji Israɛlje lé Kédé seḭ toje koso-dəwje Gə́ ndɔl wa dɔ dee mbuna ginkoji dəwje gə raŋg’g Nɛ ɓasinè n’a kaji sí ləm, Seḭ a toje nétɔrndu mbuna dee’g ləm tɔ, Bèe ndá gə́ ɓəlje el, arje ji sí ɓar mèr-mèr.

Lugu 12:32

Seḭ koso-nékulje ləm, ɓəlje el, mbata Bɔ síje lé wɔji-kwɔji kar sí ɓeeko̰ lé gə meendakaḭ ya.