Jakari 8:14 - Maktub gə́ To gə Kəmee

¹⁴ Njesigənea̰ gə́ njeboo-néje pa togə́bè pana: To gə́ kédé neḛ n’wɔji gə mba ra sə sí né gə́ majel Loo gə́ bɔ síje-je d’ar mee neḛ ḭ ne sə neḛ pu lé Neḛ n’uba gée n’ya̰ el, Njesigənea̰ gə́ njeboo-néje ɓa pa bèe.

Jakari 8:14 ပူးပေါင်းရင်းမြစ်များ

2 Sôrta Gḭka Israɛlje 36:16

Nɛ deḛ d’ula sul dɔ njékaḭkulaje’g lə Ala d’ə̰ji dee ne bəḭ-bəḭ ləm, d’unda njéteggintaje lé gə́ nékogo ləm tɔ saar d’ar oŋg lə Njesigənea̰ ḭ ne səa dɔ koso-dəwje’g ləa ar loo kwa ŋgaŋgee godo tɔ.

Pakɔsje 33:11

Néje gə́ Njesigənea̰ wɔji mée’g gə mba ra lé To saar gə no̰ ləm, Néje gə́ yeḛ wɔji-kwɔji ra lé Yeḛ ra mbata lə njéboakojije lə na̰ gə goo na̰ goo na̰ ya ləm tɔ.

Esai 14:24

Njesigənea̰ gə́ njeboo-néje man rəa pa ne pana: Tɔgərɔ ya, né gə́ m’wɔji lé a teḛ ya, Né gə́ m’wɔji njaŋg lé a kaw lée’g béréré ya tɔ.

Jeremi 20:16

Maji kar dəw neelé to asəna gə ɓee-booje Gə́ Njesigənea̰ tuji dee pugudu-pugudu, lal meekoso ləmsé bèe! Maji karee oo ndu no̰ lə dəwje gə ndɔ rad ləm, Gə kò-rɔ gə́ ɓar loo gə́ kàr aar daŋdɔ ləm tɔ!

Jeremi 29:11

Ma m’gər né gə́ m’wa dɔ gɔlee m’wɔji ne dɔ sí gao, to né gə́ wɔji dɔ meelɔm ɓó némeeko̰ el mba kar sí né gə́ nai no̰ sí’g ləm, kar sí undaje ne meḛ sí yel ləm tɔ. Njesigənea̰ ɓa pa bèe.

Jeremi 31:28

To gə́ kédé m’orè ne kəm dɔ dee’g sḭ m’ɔr dee ne ləm, m’təd dee ne rém-rém ləm, m’unda dee ne naŋg rə̰dəŋ-rə̰dəŋ ləm, m’tuji dee ne pugudu-pugudu ləma, m’ɓugu dee ne ta némajelje’g ləm tɔ lé ndá ɓasinè m’a korè kəm dɔ dee’g sḭ togə́bè ya to gə mba kunda dee ne tar ləm, gə mba ma̰a dee ne ləm tɔ. Njesigənea̰ ɓa pa bèe.

Jeremi 32:42

Mbata Njesigənea̰ pa togə́bè pana: To gə́ ma m’ar boo-némeekonje nee lai teḛ dɔ koso-dəwje’g neelé ndá m’a kar meemajije lai gə́ m’pa taree m’wɔji ne dɔ dee lé ree dɔ dee’g togə́bè ya tɔ.

Jeremi 4:28

Gelee gə́ nee ɓa ɓee si ne dan kəmndooyoo’g ləm, Loo gə́ dara gə́ tar lé Ndul ne ndiŋ-ndiŋ ləm tɔ. Mbata ma m’pa taree ləm, M’wɔji məəm’g njaŋg ləm, M’a tel gə ndum dɔ’g el ləma, M’a kya̰ gée el ləm tɔ.

Ejekel 24:14

Neḛ Njesigənea̰ m’pata ndá né neelé a teḛ ya, n’a ra née ləm, n’a kya̰ gée el ləma, n’a koo kəmtondoo əsé n’a tel gə ndu neḛ el ləm tɔ. D’a gaŋg rəwta dɔi’g gə goo panjaai ləm, gə nérai ləm tɔ. Mbaidɔmbaije gə́ Njesigənea̰ ɓa pa bèe.

Jakari 1:2

Mee Njesigənea̰ ḭ səa pu dɔ bɔ síje-je’g.

Jakari 1:6

Lée togə́bè kara taje lə neḛ gə tornduje lə neḛ gə́ n’ar kuraje lə neḛ gə́ njéteggintaje lé see wa dɔ ka síje-je el wa. Deḛ d’ɔs badm tel ndá dee pana: Njesigənea̰ gə́ njeboo-néje ra sə sí to gə́ yeḛ wɔji gə goo panjaa sí gə néra síje lé ya.