Jakari 7:6 - Maktub gə́ To gə Kəmee

⁶ Tɔɓəi loo gə́ seḭ sɔje gə aije lé See to seḭ ya ɓa sɔje gə aije el wa.

Jakari 7:6 ပူးပေါင်းရင်းမြစ်များ

1 Sôrta Gḭka-Israɛlje 29:22

Deḛ d’usɔ gə d’ai no̰ Njesigənea̰’g gə boo-rɔlel ndá deḛ d’wa dɔ Salomo̰, ŋgolə Dabid gə ubu no̰ Njesigənea̰’g d’undá gə́ mbai gə́ njekɔm’g gɔl joo ləm, d’wa dɔ Sadɔk gə ubu d’undá gə́ njekinjanéməs ləm tɔ.

Esai 43:23

Seḭ amje badje gə́ nékinjaməs gə́ ka̰ roo el ləm, Seḭ ulaje rɔnduba dɔm’g gə nékinjanéməsje lə sí el ləm tɔ. Ma lé m’jɔg sí mbata lə nékarje gə́ to nduji lé el ləm, Ma m’ar sí daoje gə mbata né gə́ ə̰də sululu el ləm tɔ.

Esai 58:3

Deḛ pana: Ɓó lé ma m’oo neḛje el ndá See mba ɗi ɓa n’a kɔgje meḛ neḛje ɓó wa. Gelee ban ɓa n’a kulaje kəm rɔ neḛje ndòo Ɓó lé ma m’oo gə́ né el wa. Yen ŋga m’ila dee keneŋ m’pana: Aa ooje, ndɔ gə́ seḭ ɔgje meḛ sí ɓó ndá Seḭ ndunaje rɔ sí dɔ takə̰jije’g lə sí-seḭ ya ləm, Seḭ raje kədərə gə njékulaje lə sí lai ləm tɔ.

Ojee 8:13

Néje gə́ deḛ d’inja dee gə́ məs d’arm ma lé Deḛ nja d’usɔ dakas dee ya. Néje neelé taa kəm Njesigənea̰ el, Ɓasinè Njesigənea̰ ar mée olé dɔ néra kori-korije’g lə dee Ndá yeḛ a kar bo̰ néra dee ɔs ta dee’g bɔsɔrɔ: Deḛ d’a tel kaw Ejiptə ya gogo.

Ojee 9:4

Deḛ d’a kun nékar gə́ to mán-nduú Gə́ ka̰ tər naŋg kar Njesigənea̰ el ləm, Néje neelé a taa kəmee el ləm tɔ. Nékinjaməsje lə dee lé A to kasəna gə muru kwa ndòo yoo bèe. Deḛ lai gə́ d’a ko̰ muree neelé d’a tel mina̰ ne Mbata muru lə dee lé a to mbata lə dee-deḛ ya ba Ɓó d’a kandə ne mee kəi’g lə Njesigənea̰ el.

Jakari 7:5

Maji kam m’ula koso-dəwje gə njékinjanéməsje lai gə́ mee ɓee’g lé m’pana: Loo gə́ seḭ ɔgje meḛ sí ɓó ləm, gə no̰je ləm tɔ Mee naḭ gə́ njekɔm’g mi gə njekɔm’g siri ləm tɔ As ləbje rɔ-siri lé See to mbata lə neḛ-neḛ nja ɓa Seḭ ɔgje ne meḛ sí ɓó gə mbəa lé wa.

Jakari 7:7

See seḭ gərje ta néje gə́ Njesigənea̰ pa gə ndu njéteggintaje gə́ dɔtar loo gə́ dəwje d’isi gə meekulɔm mee ɓee gə́ Jerusalem ləm, gə mee ɓeeje gə́ gugu dəa sub ləm, gə loo gə́ par gə́ dɔkɔl ləma, gə ndag-loo’g ləm tɔ lé el wa.

1 Njé gə́ Kɔrḭtə 10:31

Bèe ndá lé né gə́ sɔje əsé né gə́ aije əsé né gə́ rara gə́ seḭ raje kara maji kula ne rɔnduba dɔ Ala’g lé.

Tel tura Godndu 12:7

Lée gə́ neelé ɓa seḭ a ko̰je muru no̰ Njesigənea̰ Ala’g lə sí keneŋ, seḭje gə njémeekəije lə sí lai a raje rɔlel mbata némeemajije lai gə́ Ala lə sí gə́ Njesigənea̰ ar sí, loo gə́ yeḛ tɔr ne ndia dɔ sí’g lé.

Tel tura Godndu 14:26

Lée gə́ neelé ɓa seḭ a ndogoje néje lai gə́ seḭ awje ndòo dee asəna gə maŋgje, əsé badje, əsé mán-nduú, əsé nékai gə́ mḭ keneŋ, néje lai gə́ malee ra sí lé ndá seḭ a sɔ deeje no̰ Njesigənea̰ Ala’g lə sí, bèe ɓa seḭ a kalje ne rɔ sí-seḭ gə njémeekəije lə sí tɔ.

Njé gə́ Kolosə 3:17

Né gə́ rara gə́ seḭ raje lé tapa sí əsé néra sí kara raje gə ri Mbaidɔmbaije Jeju, raje ne Ala Bɔ-dəwje oiyo gə mbəa-yeḛ nja tɔ.

1 Samel 16:7

Nɛ Njesigənea̰ ula Samel pana: Maji kari oo rəa gə́ raga el ləm, əsé kagrea gə́ ŋgal el ləm tɔ mbata ma mbəree el. Mbata Njesigənea̰ lé oo né to gə́ dəw oo né bèe el. Dəw lé né gə́ oo gə kəmee ɓa yeḛ oo gə́ né, nɛ Njesigənea̰ lé mee dəw ɓa yeḛ oo ya.