Jakari 7:3 - Maktub gə́ To gə Kəmee

³ gə mba kula njékinjanéməsje gə́ mee kəi’g lə Njesigənea̰ gə́ njeboo-néje, gə njéteggintaje ləm tɔ pana: See to maji kəm kar sí no̰je mee naḭ gə́ njekɔm’g mi ləm, gə jɔgje meḛ sí ɓó ləm tɔ to gə́ jeḛ n’raje mee ləbje bula gə́ kédé lé wa.

Jakari 7:3 ပူးပေါင်းရင်းမြစ်များ

Esdras 3:10

Loo gə́ njékulaje tum gin kəi lə Njesigənea̰ gə́ to gə kəmee neelé mba̰ ndá d’ar njékinjanéməsje d’ula kubu-kḭjanéməs rɔ dee’g ree ne gə to̰to̰je ji dee’g ləm, Ləbije gə́ to gel-bɔje lə Asap d’odo ma̰dje ji dee’g ləm tɔ, gə mba kɔs ne gaji Njesigənea̰ gə goo rəw gə́ Dabid, mbai lə Israɛlje tɔji dee kédé lé.

Njekillamber 3:4

Ndɔ no̰ to keneŋ ləm, ndɔ kogo to keneŋ ləm tɔ, ndɔ ndiŋga-rɔ to keneŋ ləm, ndɔ ndam to keneŋ ləm tɔ.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Joɛl 2:17

Maji kar njékinjanéməsje Gə́ to kuraje lə Njesigənea̰ lé D’aar mbuna loo-nékinjaməs gə gel jala’g lé Ra tamaji no̰ gə mán-no̰ kəm dee’g pana: Ǝi Njesigənea̰, maji kari aji koso-dəwje ləi! Maji kari ya̰ né gə́ to nédɔji ləi aree tel to nérɔkul Gə nékunda-kogo lə ginkoji dəwje gə raŋg el. Maji kari ya̰ loo mba kar gel ɓeeje lə dəwje-dəwje lé D’a pa ne pana: Ala lə dee lé see si ra ɓəi wa bèe el.

Ajee 2:11

Njesigənea̰ gə́ njeboo-néje pa togə́bè pana: Maji kam m’unda ta dəji gə́ wɔji dɔ godndu neelé no̰ njékinjanéməsje’g m’pana:

Jakari 7:4

Njesigənea̰ gə́ njeboo-néje ulam ta gə rɔtaje nee togə́bè pana:

Jakari 7:5

Maji kam m’ula koso-dəwje gə njékinjanéməsje lai gə́ mee ɓee’g lé m’pana: Loo gə́ seḭ ɔgje meḛ sí ɓó ləm, gə no̰je ləm tɔ Mee naḭ gə́ njekɔm’g mi gə njekɔm’g siri ləm tɔ As ləbje rɔ-siri lé See to mbata lə neḛ-neḛ nja ɓa Seḭ ɔgje ne meḛ sí ɓó gə mbəa lé wa.

Jakari 8:19

Njesigənea̰ gə́ njeboo-néje pa togə́bè pana: Kɔg mee ɓoo gə́ mee naḭ gə́ njekɔm’g sɔ ləm, gə naḭ gə́ njekɔm’g mi ləm, gə naḭ gə́ njekɔm’g siri ləma, gə naḭ gə́ njekɔm’g dɔg ləm tɔ lé a tel to ndɔ kalrɔ gə ndɔ rɔlel gə naḭ gə́ ka̰ ra rɔlel mbata lə koso-dəwje gə́ Juda. Nɛ maji kar sí undaje kankəmta gə meekulɔm ɓa dan kəm sí’g.

Malasi 2:7

Mbata njekinjanéməs ɓa gə́ njeŋgəm ta gosonégər təa’g ləm, d’a dəji gin godndu təa-yeḛ’g nja ləm tɔ mbata yeḛ lé to njekaḭkula lə Njesigənea̰ gə́ njeboo-néje lé.

Matiyo 9:15

Jeju ila dee keneŋ pana: Baokuraje lə njedené-sigi lé see d’a kula rɔ dee ndòo loo gə́ njedené-sigi nai sə dee ɓəi wa. Ndəa gə́ kàree a teḛ lé d’a kɔr njedené-sigi mbuna dee’g ndá d’a kɔg meḛ dee ɓoo ɓəi.

1 Njé gə́ Kɔrḭtə 7:5

Ɔgje na̰ rɔ sí el. Ɓó lé seḭ gaŋgje rɔ sí ŋgəji ndá kara arje meḛ sí asəna keneŋ mba ra tamaji na̰’d waga ɓa a tel kiŋgaje na̰ ɓəi nà banelə malee gə́ ra sí lé Njekurai a kər sí ne.

Tel tura Godndu 33:10

Deḛ ndoo Jakob tornduje ləi ləm, Deḛ ndoo Israɛlje godnduije ləm tɔ, Deḛ d’ɔm né gə́ ə̰də sululu əmi’g ləm, Deḛ d’inja nékinjanéməsje gə́ ka̰ roo dɔ loo-nékinjaməs’g ləi ləm tɔ.