Jakari 7:14 - Maktub gə́ To gə Kəmee

¹⁴ Neḛ n’sané dee mbuna ginkoji dəwje gə raŋg’d Gə́ deḛ gər dee el ləm, Ɓee lə dee tel to dɔnduba tor dee’g Ar dəw kára kara dəs keneŋ aw Esé tel keneŋ el ləm tɔ. Ɓee gə́ maji dum lé deḛ d’aree tel to dɔdilaloo ya.

Jakari 7:14 ပူးပေါင်းရင်းမြစ်များ

2 Sôrta Gḭka Israɛlje 36:21

gə mba kar ta gə́ Njesigənea̰ pa ne gə ndu Jeremi lé aw ne lée’g béréré pana: Ɓee lé a to nduba as ləb rɔ-siri saar mba kar dɔ naŋg wa ne rəa mba taa ne tor ləb-kwa-rɔ gə́ yee wa ne rəa kédé el lé bèe.

Pakɔsje 58:9

Maji kar dee léḛ to gə́ toro gə́ ŋgwɔiee godo bèe ləm, Maji kar dee to d’asəna gə ŋgon gə́ dené ɔr gə́ oo kəm kàr el bèe ləm tɔ.

Esai 17:13

Ndu ginkoji dəwje gə raŋg ɓar Asəna gə kaa manje gə́ ula u-u-u bèe. Njesigənea̰ ndaŋg dee sané dee Ndá d’aḭ d’aw əw Asəna gə ləm mu gə́ to dɔ mbalje’g Gə́ lel odo aw ne ləm, Asəna gə pudu kunje Gə́ lel-mal ɓir dee bèe ləm tɔ.

Esai 21:1

Ndərta gə́ wɔji dɔ dɔdilaloo gə́ mbɔr baa-boo-kad’g. To gə́ lel-mal ḭ dɔ jikɔl ree ɓir bèe Ndá njeba̰ ḭ dɔdilaloo’d Gə́ to ɓee gə́ to ɓəl kədm-kədm.

Esai 60:15

Mee loo gə́ d’ubai keneŋ d’ya̰’i ləm, Gə d’ḛjii bəḭ-bəḭ keneŋ ləm tɔ Ar dəw kára kara teḛ rɔi’g el lé M’a kari to néra-rɔ gə́ ndɔḭ saar gə no̰ ləm, M’a kari to gə́ nérɔlel lə ŋgaka dəwje gə́ kédé-kédé ləm tɔ.

Esai 66:15

Mbata aa ooje, Njesigənea̰ si ree dan pər’g ləm, Pusu-rɔje ləa d’aiŋgwɔd to gə́ lel-mal bèe ləm tɔ. Yeḛ ar oŋg ləa taa pər gəgəgə ləm, Ŋgawjia gə́ ula lé to asəna gə ndo̰ pər gə́ o̰ bilim-bilim bèe ləm tɔ.

Jeremi 12:10

Njékulbadje bula tuji ndɔ-nduú ləm ləm, Deḛ mbɔḭ ndɔ ləm naŋg ləm tɔ, Deḛ d’ar ndɔ ləm gə́ maji yaa̰ lé Tel to dɔdilaloo gə́ né godo keneŋ.

Jeremi 23:19

Aa ooje, lel-boo lə Njesigənea̰ Gə́ to oŋg-boo ləa nduba rəa ləm, Ndi bura-boo aw gə́ nee ləm tɔ Ndá jura dɔ njémeeyèrje’g.

Jeremi 30:23

Lel-boo lə Njesigənea̰ Gə́ to oŋg-boo ləa nduba rəa ləm, Ndi bura-boo aw gə́ nee ləm tɔ Ndá jura dɔ njémeeyèrje’g.

Jeremi 36:19

Ŋgan-mbaije lé d’ula Baruk pana: Maji kari aw ar sí-seḭ gə Jeremi iyaje rɔ sí, arje dəw kára kara gər loo-si sí el.

Jeremi 44:6

Ma m’ɓugu oŋg gə meekḭ jugugu ləm dɔ dee’g ndá m’roo ɓee-booje gə́ Juda ləm, gə mba̰-rəwje gə́ Jerusalem ləm tɔ ar dee tuji pugudu ləm, ar dee tel to dɔdilaloo ləm tɔ, to gə́ dəwje d’oo ɓogənè lé.

Jeremi 5:15

Aa ooje, m’a kar ginkoji dəwje D’ḭ loo gə́ əw’g ya ree Mba rɔ sə sí, seḭ gel-bɔje lə Israɛl, Njesigənea̰ ɓa pa bèe. To ginkoji dəwje gə́ to njésiŋgamoŋje ləm, To ginkoji dəwje gə́ ləw ləm, To ginkoji dəwje gə́ seḭ gərje takɔji dee el ləma, Dɔ ta gə́ deḛ pa kara Seḭ a gərje el ləm tɔ.

Jeremi 52:30

Ləb ko̰ɓee lə Nebukadnesar gə́ njekɔm’g rɔ-joo-giree-munda lé Nebujaradan, mbai dɔ njéŋgəmlooje wa Jibje tɔl-siri gə dɔ dee rɔ-sɔ-gir-dee-mi (745) aw sə dee. Bula lə dəwje lai as tɔl-dɔg-loo-sɔ gə dɔ dee tɔl-misa̰ (4.600).

Ejekel 12:19

Tɔɓəi maji kam m’ula koso-dəwje gə́ mee ɓee’g m’pana: Mbaidɔmbaije gə́ Njesigənea̰ pa togə́bè dɔ deḛ gə́ d’isi Jerusalem dɔ naŋg gə́ Israɛl’g pana: D’a ko̰ muru lə dee gə mée tila ŋgaḭla-ŋgaḭla ləm, d’a kai mán lə dee gə meekaar kərm ləm tɔ, mbata néje lai gə́ to mee ɓee’g lə dee lé d’a kodo mbad-mbad gə mba néra kərm-kərm lə dəwje lai gə́ d’isi keneŋ lé.

Ejekel 22:15

N’a sané sí kad-kad mbuna ginkoji dəwje gə raŋg’g ləm, n’a kar sí awje mee ɓeeje’g ɓəd-ɓəd ləma, n’a kar néra sí gə́ mina̰ godo mbuna sí’g ləm tɔ.

Ejekel 5:10

Gelee gə́ nee ɓa bɔ ŋganje d’a sɔ ŋgan deeje mbuna sí’g ləm, ŋganje d’a sɔ bɔ deeje ləm tɔ, n’a gaŋgta dɔ sí’g tɔɓəi n’a sané ne ges sí lai gə́ nai lé kad-kad dan lel’g.

Loo gə́ killa rea kəm Daniel’g 8:9

Gaji da gə́ lam ba uba gel yee gə́ kára’g ndá yee uba ŋgal gə́ kédé-kédé par gə́ dɔkɔl ləm, par gə́ bər ləma, par gə́ ɓee gə́ maji ur dɔ mareeje’g lai ləm tɔ.

Ojee 9:17

Ala ləm a kunda dee ɓad, Mbata deḛ d’udu mbi dee dɔ ta’g ləa, Bèe ɓa d’a kila ne mbir-mbir mbuna ginkoji dəwje gə raŋg’g ya.

Joɛl 2:3

Loo gə́ to no̰ dee’g lé To asəna gə pər gə́ roo loo dula-dula bèe ləm, Loo gə́ goo dee’g lé To asəna gə ndo̰ pər gə́ o̰ loo rug-rug bèe ləm tɔ, Dɔ naŋg gə́ no̰ dee’g kédé lé To asəna gə loo-ndɔ gə́ Edḛ bèe, Nɛ goo dee’g gogo ndá Loo tel to dɔdilaloo gə́ majel, Né kára kara nai keneŋ el.

Ləbije 26:22

M’a kula daje gə́ majel mbuna sí’g kar dee tɔl ŋgan síje ji sí’g ləm, d’a tuji nékulje lə sí ləma, d’a kar bula lə sí nai lam ba bèe ləm tɔ, rəwje lə sí kara d’a kwa ŋgɔ njag-njag ya.

Ləbije 26:33

M’a sané sí mbuna ginkoji dəwje gə raŋg’g, tɔɓəi m’a kar dee d’orè goo sí ndəŋ gə kiambas tɔ. Ɓee lə sí a to nduba ləm, ɓee-booje lə sí kara d’a tel to dɔdilalooje ləm tɔ.

Amɔs 1:14

Mee kàree gə́ lul njérɔje ɓar loo-rɔ’g ləm, Dan lel-mal gə́ ḭ mee ndəa gən ɓir lé bèe ləm tɔ lé N’a kula gə pər dɔ ndògo-bɔrɔ’d gə́ Raba Karee roo kəi-mbaije dula-dula.

Nahum 1:3

Njesigənea̰ lé to njekar oŋg ḭ səa kalaŋ el, Yeḛ to Bao-siŋgamoŋ: Dəw gə́ njera némajel lé Yeḛ a lal kar bo̰ nérea ɔs təa’g el. Njesigənea̰ njaa dan ko̰ ndi’g ləm, Gə dan lel-mal’g ləm tɔ. Ndije gə́ pélé dara lé to kor gə́ ḭ tor gɔlee’g.

Habakuk 3:14

I tɔs dɔ mbaije lə dee lé gə kandə ɓandaŋgje lə dee-deḛ ya mbudu Deḛ gə́ d’ḭ kalaŋ gə mba sané sí kad to gə́ lel-mal bèe ləm, Deḛ gə́ ra né gə ndu dee wəl gə rɔlel Asəna gə deḛ gə́ tuji njenékəmndooje duu-looje’g lə dee mba̰ bèe ləm tɔ.

Soponi 3:6

Ma m’tuji ginkoji dəwje gə raŋg M’ar dee d’udu guduru ləm, Kəi-kaar-kɔgərɔje lə dee kara Ma m’tuji ləm tɔ, M’ar mba̰-rəwje lə dee tuji pugudu ləm, Njedəs keneŋ kara godo ləm tɔ! Ɓee-booje lə dee tuji pugudu ləm, Dəwje gə́ d’isi keneŋ kara godo ləm tɔ.

Jakari 2:6

Ma m’dəjee m’pana: See aw gə́ ra wa. Ndá yeḛ ilam keneŋ pana: M’a gə kaw kwɔji Jerusalem gə mba koo tadee ləm, gə ŋgalee ləm tɔ.

Jakari 8:1

Njesigənea̰ gə́ njeboo-néje riba dɔ rəa gə rɔtaje nee pana:

Jakari 9:14

Njesigənea̰ a nduba rəa dɔ dee’g tar Ndá kandə ɓandaŋg ləa a teḛ to gə́ tel lə ndi bèe, Mbaidɔmbaije gə́ Njesigənea̰ a kar to̰to̰ ləa ɓar, Yeḛ a kaw kəmee gə́ kédé dan lel-boo gə́ dɔkɔl.

Tel tura Godndu 28:33

Koso-dəwje gə́ seḭ a gər deeje el ya d’a sɔ néndɔ lə sí ləm, gə néje lai gə́ seḭ iŋgaje loo-kula’g lə sí ləm tɔ ndá ndɔje lai d’a kula kəm sí ndòo ləm, d’a ra sə sí né gə́ kədərə ləm tɔ.

Tel tura Godndu 28:49

Njesigənea̰ a kar ginkoji dəwje gə́ d’isi gwɔi naŋg’d əw ya d’ḭ ree rɔ sə sí, to ginkoji dəwje gə́ d’a ree kalaŋ to gə́ niŋgatə̰də gə́ nar bèe, to ginkoji dəwje gə́ seḭ a gərje ta lə dee el ləm,

Tel tura Godndu 28:64

Njesigənea̰ a sané sí mbuna ginkoji dəwje gə raŋg’g, un kudee gwɔi naŋg’d bər njal teḛ ne rudee gə́ dɔ-gó, lé gə́ neelé ɓa seḭ a poleje magəje gə́ to kag əsé mbal gə́ seḭ əsé bɔ síje-je gər dee kédé el lé keneŋ.

Tel tura Godndu 4:27

Njesigənea̰ a sané sí mbuna ginkoji dəwje gə raŋg’d gə́ raŋg ndá seḭ a naije jebəre ba mbuna ginkoji dəwje’d gə́ Njesigənea̰ a kar sí awje mbuna dee’g lé.