Jakari 7:13 - Maktub gə́ To gə Kəmee

¹³ Yen ŋga Njesigənea̰ gə́ njeboo-néje pa ne njaŋg pana: Loo gə́ neḛ m’ɓar dee ndá Deḛ mbad koo ta lə neḛ. Togə́bè ɓa loo gə́ deḛ ɓar neḛ ndá Neḛ kara neḛ mbad koo ta lə dee tɔ.

Jakari 7:13 ပူးပေါင်းရင်းမြစ်များ

Gosota-Kəmkàrje 21:13

Yeḛ gə́ udu mbia jigi dɔ ndu no̰’g lə njendoo lé Yeḛ nja kara a no̰ ya to nɛ d’a kilá keneŋ el saar.

Gosota-Kəmkàrje 28:9

Ɓó lé dəw kára un mbia rəw dɔ godndu’g ndá Tamaji ləa kara to né gə́ mina̰ tɔ.

Esai 1:15

Loo gə́ seḭ odoje ji sí gə́ tar ndá Ma m’un kəm dɔ’g rəw, Loo gə́ tamajije lə sí d’ɔs goo na̰ goo na̰ kara Ma m’udu mbim dɔ’g tɔ, Məs wa ji sí mbəgə-mbəgə.

Esai 50:2

Loo gə́ m’ree ndá See gelee ban ɓa dəw kára kara godo wa. Loo gə́ m’ɓar m’ɓar ndá See ban ɓa dəw ndigi tam’g el wa. See jim na tas gə mba kwa sí ne wɔgədɔ kɔr sí wa. See siŋgam as gə mba kɔm sí ne tar el wa. Loo gə́ m’tɔji jim ndá Baa-boo-kad tudu kurum-kurum ləm, M’ar baa-booje tel to dɔdilalooje ləm tɔ, Ka̰jije gə́ keneŋ ndum d’ə̰də mbo̰ Mbata mán godo ləm, Deḛ d’wəi yoo-kunda-mán ləm tɔ.

Jeremi 11:10

Deḛ tel d’uru dan néraje gə́ kori-kori’g lə bɔ deeje-je gə́ dɔtar gə́ mbad koo taje ləm lé ləm, deḛ ndolè goo magəje gə́ dɔ ɓee’g ɓa pole dee ləm tɔ. Gel-bɔje lə Israɛl gə gel-bɔje lə Juda d’uba goo ta manrɔ lə neḛ gə́ n’ar bɔ deeje-je lé d’ya̰ ya.

Jeremi 11:11

Gelee gə́ nee ɓa Njesigənea̰ pa ne pana: Aa ooje, n’a gə kar nékəmndooje ree dɔ dee’d gə́ d’a kaskəm kɔr rɔ dee keneŋ el. D’a no̰ gə́ rɔ neḛ’g ndá n’a koo ta lə dee el.

Jeremi 11:14

Nɛ i Jeremi lé a ra tamaji mbata lə dəwje neelé el ləm, a k’ɔr ndui gə́ tar ra ne ndòo əsé tamaji mbata lə dee el ləm tɔ, mbata loo gə́ d’a no̰ ɓarm gə mba némeeko̰ gə́ ra dee ndá m’a koo ta lə dee el.

Jeremi 14:12

Ɓó lé d’ɔg meḛ dee ɓoo kara n’a koo ndu no̰ lə dee el ləm, əsé lé d’un nékinjanéməsje gə́ ka̰ roo əsé nékarje kara n’a taa el ləm tɔ. Mbata neḛ ndigi tuji dəwje neelé gə kiambas ləm, gə ɓoo-boo ləma, gə yoo-koso ləm tɔ.

Jeremi 14:2

Judaje d’isi dan kwa-ndòo-yoo’g ləm, Ɓee-booje ləa d’unda ndolè ləm, D’isi dan meeko̰’g ləma, Deḛ tuji dee pugudu-pugudu ləm tɔ, Tɔɓəi ndu kii lə njé gə́ Jerusalem ɓar wəl.

Jeremi 7:27

Jeremi, ɓó lé i ula dee néje lai neelé ndá deḛ d’a kun mbi dee rəw dɔ’g, ɓó lé i ɓar dee gə ndui wəl ya kara d’a kilai keneŋ el ləm tɔ.

Nɔ̰-ndôo gə́ wɔji dɔ Jerusalem 3:44

I o̰ rɔi gə mum Mba kar tamaji lə sí teḛ rɔi’g el tɔ.

Ejekel 14:3

Ma ŋgon-dəw lé dəwje neelé d’wa magəje lə dee meḛ dee’g ləm, d’orè kəm dee sḭ dɔ né gə́ ar dee d’oso dan néra gə́ kori-kori’g lé ləm tɔ. See n’a kya̰ loo kar dee dəji neḛ ta wa.

Ejekel 20:3

Ma ŋgon-dəw lé maji kam m’ula ŋgatɔgje lə Israɛlje m’pana: Njesigənea̰ pa togə́bè pana: See gə mba dəji neḛ ta ɓa seḭ reeje ne nee wa. Mbaidɔmbaije gə́ Njesigənea̰ ɓa pa bèe.

Ejekel 8:18

Neḛ kara n’a ra né gə goo boo-oŋg ləm, kəm neḛ a kas ŋgɔgərɔ dɔ dee’g ləma, n’a koo kəmtondoo lə dee nda̰ el ləm tɔ. Loo gə́ d’a no̰ wəl mbi neḛ’g kara n’a kun mbi neḛ rəw dɔ’g ya tɔ.

Misee 3:4

Yen ŋga d’a no̰ wəl gə́ rɔ Njesigənea̰’g, Nɛ yeḛ a kila dee keneŋ el. Mee ndəa’g neelé yeḛ a kiya rəa kəm dee’g Mbata néraje lə dee gə́ to kḛji lé.

Lugu 13:25

Loo gə́ njekəi lé a kuba naŋg kḭ tar gə mba kudu takəi ɓa seḭ a naije raga ndá a kunje kudu kundaje tabidi rəw-kəi, a pajena: Mbai, mbai, ɔr rəw ar sí. Nɛ yeḛ a kila sí keneŋ pana: Ma m’gər loo gə́ seḭ ḭje keneŋ el.

Maktub gə́ Jak ula ne ar ngan-Allaje 4:3

Seḭ kwɔiyeeje nɛ seḭ iŋgaje el mbata seḭ kwɔiyeeje kəmee’g el, seḭ kwɔiyeeje gə mba tɔl ne malee gə́ ra sí ɓa.