Jakari 6:6 - Maktub gə́ To gə Kəmee

⁶ Kundaje gə́ ndul gə́ ndɔr pusu-rɔ gə́ kára mbuna mareeje’g lé d’aw par gə́ ɓee gə́ to dɔgel ləm, deḛ gə́ to kunda-ndulije d’aw goo dee’g ləm tɔ. Deḛ gə́ to kunda-mwɔjije d’aw par gə́ ɓee gə́ dɔkɔl tɔ.

Jakari 6:6 ပူးပေါင်းရင်းမြစ်များ

Esai 30:6

Ndərta gə́ wɔji dɔ da-kulje gə́ kel dɔkɔl! Deḛ d’unda mee ɓee gə́ néurti gə nékəmndoo to keneŋ gaŋg, To loo gə́ ko̰ toboḭ gə bɔ toboḭ ree keneŋ ləm, Li-meewai gə da-kɔb gə́ ḭ gə bagee ree keneŋ ləm tɔ, Deḛ d’odo nékiŋgaje lə dee gir mulayḛ̀je-je’g lə dee ləm, D’odo nébaoje lə dee dɔ dun jambalje’g ləm tɔ D’aw ne d’ar koso-dəwje gə́ d’askəm ra né kára kara mbata lə dee el.

Esai 43:6

M’a kula loo gə́ par gə́ dɔgel lé pana: Am dee! M’a kula loo gə́ par gə́ dɔkɔl lé pana: Ɔgm dee el! Arje ŋganəmje gə́ diŋgam d’ḭ ɓee gə́ əw ree ləm, Arje ŋganəmje gə́ dené kara d’ḭ gwɔi naŋg’d ree ləm tɔ.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 4:6

Waje nétɔji tar par gə́ Sio̰! Aḭje ɓó aarje naŋg el! Mbata m’a gə kar némeeko̰ gə nétuji gə́ boo D’a kḭ par gə́ dɔgel ree.

Jeremi 46:10

Ndɔ gə́ ɓogənè to ndɔ lə Mbaidɔmbaije, Njesigənea̰ gə́ njeboo-néje, Ndɔ neelé to ndɔ dalba̰, Areeje dal ne ba̰ gə njéba̰je ləa. Kiambas sɔ né aree asee nag-nag ləm, Yee ai məs dee ndan tub-tub ləm tɔ. Mbata deḛ to nékinjanéməsje Le Mbaidɔmbaije gə́ Njesigənea̰ gə́ njeboo-néje Mee ɓee gə́ dɔgel ləm, Gə dɔ koŋgo baa-boo gə́ Epratə ləm tɔ.

Jeremi 51:48

Baŋga rɔlel a kḭ mee dara’g Gə dɔ naŋg nee ɓar kiu-kiu dɔ Babilɔn’g Gə dɔ néje lai gə́ to keneŋ. Mbata njétujilooje d’a kḭ dɔgel Ree ɓugu na̰ dəa’g. Njesigənea̰ ɓa pa bèe.

Jeremi 6:1

Seḭ Bḛjamije, undaje loo teḛje Mee ɓee gə́ Jerusalem. Imje to̰to̰ mee ɓee gə́ Tekoa ləm, Waje nékwɔji loo-rɔ tar mee ɓee Gə́ Bet-Hakerem ləm tɔ, Mbata némeeko̰ ḭ dɔgel si ree To nétuji gə́ boo.

Ejekel 1:4

Ma m’aa loo gərərə ndá aa oo, lel ḭ gigigi ləm, gə kil-lə-ndi gə́ ḭ udu loo pḛ-pḛ ləma, gə pər gə́ tɔ na̰ ar ndogó ləa ɔr loo jol-jol ləm tɔ lé ḭ par gə́ dɔgel ree. Ŋgaw danee ndɔḭ to gə́ larkas gə́ d’usu d’aree ndɔḭ wər-wər gə́ ḭ dan pər’d bèe.

Loo gə́ killa rea kəm Daniel’g 11:40

Ndəa gə́ rudee a kun ɗiao lé mbai gə́ dɔkɔl a kubá naŋg bus rɔ səa. Tɔɓəi mbai gə́ dɔgel a ɓugu dəa’g asəna gə lel-boo gə pusu-rɔje gə njérɔ gə kundaje ləm, gə bato-rɔje bula ləm tɔ. Yeḛ a kaw kəmee gə́ kédé-kédé asəna gə kəm-rəw-mán gə́ ruba pɔ-pɔ bèe.

Loo gə́ killa rea kəm Daniel’g 11:9

Mbai neelé a kɔr rɔ kaw rɔ gə ɓeeko̰ lə mbai gə́ dɔkɔl ndá yeḛ a tel ree mee ɓee’g ləa gogo.

Loo gə́ killa rea kəm Ja̰’g 6:5

Loo gə́ Ŋgonbad lé ɔr nérḛdə gə́ njekɔm’g munda ndá m’oo ndu nékunda lə Ala gə́ njekɔm’g munda lé pana: Maji kari gə́ ree. M’aa loo gərərə ndá m’oo kunda-nduli. Njekubá lé nékwɔji kwɔi lə néje to jia’g.