Jakari 6:15 - Maktub gə́ To gə Kəmee

¹⁵ Deḛ gə́ d’ɔr rɔ dee d’aw əw lé d’a tel ree ləm, d’a ra kula gɔl kəi lə Njesigənea̰ gə́ to gə kəmee gogo ləm tɔ. Ndá seḭ a gərje gao to gə́ Njesigənea̰ gə́ njeboo-néje ɓa ulam rɔ sí’g. Ɓó lé seḭ ilaje ŋgonkoji dɔ ndukun’g lə Njesigənea̰ gə́ to Ala lə sí lé ndá né neelé a kaw lée’g béréré ya.

Jakari 6:15 ပူးပေါင်းရင်းမြစ်များ

Esai 3:10

Maji kar sí ulaje pajena: Njéra nédanaje lé d’a si dan maji’g Mbata d’a kal rɔ dee dɔ kandə néraje’g lə dee.

Esai 49:12

Aa oo deeje, D’ḭ əw ɓa ree, Njé gə́ na̰je d’ḭ dɔgel gə dɔ-gó ləm, Njé gə raŋg d’ḭ ɓee gə́ Sinim ləm tɔ!

Esai 57:19

M’a kar ta pidi oji na̰ ta dee’g. Meelɔm, meelɔm mbata deḛ gə́ d’isi əw Gə deḛ gə́ d’isi dəb! Njesigənea̰ ɓa pa bèe pana: M’a kaji dee ya.

Esai 60:10

Dəw-dɔ-ɓeeje d’a gɔl ndògo-bɔrɔ ləi gogo ləm, Mbaije lə dee d’a tel to kuraje ləi ləm tɔ, Mbata loo gə́ oŋg ram lé ɓa m’kundai ya Nɛ gə goo meekoso lemsé ləm lé M’tel m’oo ne kəmtondoo ləi.

Jeremi 7:23

Nɛ ndukun gə́ m’un m’ar dee ɓa nee: Ooje ndum ndá m’a to Ala lə sí ləm, seḭ a toje dəwje ləm ləm tɔ. Njaaje gə goo rəwje gə́ ma m’tɔji sí mba kar sí síje ne dan rɔlel’g.

Jakari 2:13

Aa ooje, neḛ n’tɔji dee ji neḛ Ndá deḛ d’a tel to nékunda-ba̰rɔ lə ɓərje lə dee gə́ ra kula d’ar dee kédé lé. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam ya.

Jakari 3:7

Njesigənea̰ gə́ njeboo-néje pa togə́bè pana: Ɓó lé i njaa gə goo rəwje lə neḛ ləm, Ɓó lé i aa dɔ tornduje lə neḛ ləm tɔ ndá I a to njegaŋ-rəwta mee kəi’g lə neḛ ləm, I a kaa dɔ gad ndògo lə neḛ ləma, N’a kari askəm kandə mbuna dee-deḛ gə́ d’isi nee lé ləm tɔ.

Jakari 6:12

Maji kam m’ulá m’pana: Njesigənea̰ gə́ njeboo-néje pa togə́bè pana: Aa oo, dəw kára gə́ ria lə Barkəm-kag-gə́-uba lé A kuba loo’g ləa teḛ bər ndá Yeḛ a tel kunda kəi lə Njesigənea̰ gə́ to gə kəmee.

Néra Njékaḭkulaje 2:39

Mbata ndukun lé wɔji dɔ sí-seḭ ləm, gə dɔ ŋgan síje ləma, gə dɔ deḛ lai gə́ d’isi ŋgərəŋ, deḛ lai gə́ Ala lə sí a gə ɓar dee gə mbəa lé ləm tɔ.

Njé gə́ Rɔmə 16:26

nɛ ɓasinè ta gə́ njéteggintaje ndaŋg lé riba dəa təsərə gə goo ndukun lə Ala gə́ njesikəmba lé ləm, ar ginkoji dəwje gə raŋg lai-lai d’oo mba kar dee d’un ne meḛ dee d’ila ne ŋgonkoji dəa’g ləm tɔ lé

Tel tura Godndu 30:10

loo gə́ seḭ a kilaje koji dɔ torndu Njesigənea̰ Ala’g lə sí gə mba kaaje ne dɔ godndiaje gə ndukunje lai gə́ ndaŋg mee maktub godndu’g neelé ləm, loo gə́ seḭ a telje reeje rɔ Njesigənea̰ Ala’g lə sí gə dɔɓəŋgərə sí bura gə rɔ sí bura ləm tɔ.