Jakari 6:14 - Maktub gə́ To gə Kəmee

¹⁴ Dɔguguje d’a to mbata lə Helem gə Tobija gə Jedaeja ləm, mbata lə Hḛ, ŋgolə Soponi ləm tɔ asəna gə nékolé-mee dɔ’g mee kəi’g lə Njesigənea̰.

Jakari 6:14 ပူးပေါင်းရင်းမြစ်များ

2 Mbaije 25:18

Ɓé-njéŋgəmlooje wa Seraja gə́ to ŋgɔ-njekinjanéməs ləm, gə Soponi, njekinjanéməs gə́ njekɔm’g joo ləma, gə dəwje munda gə́ to njéŋgəm tarəwkəije ləm tɔ.

Teḛ-Raga 12:14

Seḭ a karje meḛ sí olé dɔ ndɔ’g neelé ndá seḭ a raje ne naḭ gə́ wɔji dɔ Njesigənea̰. Seḭ a raje kaareeje to asəna gə godndu gə́ a to saar-saar gə no̰ mbata lə ŋgaka síje ya.

Teḛ-Raga 28:12

D’a tula jərje gə́ joo neelé dɔ kubu gə́ dɔ bag épod’d gə mba karee to nékolé-mee dɔ Israɛlje’g, bèe ɓa a to asəna gə nékolé-mee bèe gə́ Aaro̰ a kodo ne ri dee no̰ Njesigənea̰’g dɔ bageeje’d gə́ joo’g lé.

Teḛ-Raga 28:29

Loo gə́ Aaro̰ a kandə loo gə́ to gə kəmee’g ndá yeḛ a kodo ne ri Israɛlje gə́ diŋgam dɔɓəŋgəree’g, ri dee gə́ d’inja dɔ ɓɔl kubu gə́ tɔ kaar dee’g gə́ ka̰ gaŋg rəwta’g lé, a ra togə́bè mba karee to ne nékolé mee no̰ Njesigənea̰’g ta-ta.

Jakari 6:10

Maji kam m’taa nénojije gə́ Heldai, gə Tobija, gə Jedaeja, deḛ gə́ to ɓərje gə́ ree neelé ndá ma nja m’a kaw ne gə rɔm mee ndəa’g neelé, m’a kaw ne mee kəi’g lə Jojias, ŋgolə Soponi, loo gə́ deḛ gə́ d’ḭ Babilɔn ree lé d’aw keneŋ tɔ.

Jakari 6:11

Maji kam m’taa larnda gə larlɔr ndá m’a ra gə́ dɔguguje mba kula dɔ Jujee, ŋgolə Josadak’g, yeḛ gə́ to ŋgɔ-njekinjanéməs lé.

Bula lə Israɛlje 31:54

Moyis gə Eləajar gə to njekinjanéməs lé taa larlɔr ji ɓé-njérɔje gə́ tɔl-dɔg-dɔg’d (1.000) ləm, gə ɓé-njérɔje gə́ tɔl-tɔl’d (100) ləm tɔ ndá d’odo d’aw ne mee kəi-kubu-kiŋga-na̰ gə́ to gə kəmee asəna gə nékolé-mee dɔ’g lə Israɛlje no̰ Njesigənea̰’g bèe.

Matiyo 26:13

Ma m’ula sí təsərə, loo gə́ rara gə́ dɔ naŋg nee gə́ d’a gə kila mber tagə́maji keneŋ lé ndá d’a kɔr sor né gə́ dené ra səm neelé mba kar meḛ dee olé ne dəa’g ya.

Mark 14:9

Ma m’ula sí təsərə, loo gə́ rara gə́ dɔ naŋg nee gə́ d’a gə kila mber tagə́maji lé keneŋ ndá d’a kɔr sor dené neelé mba kar meḛ dee olé ne dɔ né gə́ yeḛ ra’g lé ya tɔ.

Néra Njékaḭkulaje 10:4

Yeḛ aa kəm dəw gə́ dara neelé gəl-gəl ləm, ɓəl undá badə gaŋgee ləm tɔ aree tel pana: Mbaidɔmbaije ban ŋga nee wa. Kura lə Ala gə́ dara tel ilá keneŋ pana: Tamaji gə́ i ra ləm, gə nojikwa ləi ləm tɔ uru loo teḛ no̰ Ala’g, yee ɓa ar mée olé ne dɔi’g gə mbəa ya.

Jujé 4:7

seḭ a kula deeje pajena: Man baa gə́ Jurdɛ̰ lé kai rəa dana no̰ sa̰duk-manrɔ’g lə Njesigənea̰, loo gə́ d’unee gaŋg ne mán baa gə́ Jurdɛ̰ ndá mán baa gə́ Jurdɛ̰ kai rəa dana, yee ɓa kɔr mbalje neelé d’a to gə́ nékolé-mee lə Israɛlje gə́ a to gə no̰ lé tɔ.

1 Samel 2:30

Gelee gə́ nee ɓa aa oo, ta gə́ Njesigənea̰, Ala lə Israɛlje pa pana: Kédé lé ma m’pa njaŋg m’pana: Njémeekəije ləi gə gel bɔbije lé d’a njaa no̰m’g saar gə no̰. Nɛ ɓasinè Njesigənea̰ pana: Neḛ n’godo keneŋ ŋga! Mbata yeḛ gə́ ila riɓar dɔ neḛ’g lé n’a kila riɓar dəa’g tɔ. Nɛ deḛ gə́ d’ə̰ji neḛ gə́ kḛji lé d’a kḛji dee gə́ kḛji tɔ.