Jakari 4:7 - Maktub gə́ To gə Kəmee

⁷ I mbal gə́ boi lé see i to gə́ ɗi ɓa no̰ Jorobabel’g wa. Jorobabel a kari asəna rai-rai. Yeḛ a kɔr ne rudu kɔr mbal kunda ne sém kəi gə́ tar Dan ndu dəwje gə́ ɓar wəl-wəl’d gə́ pana: Maji péd-péd! Maji péd-péd!

Jakari 4:7 ပူးပေါင်းရင်းမြစ်များ

Esdras 3:10

Loo gə́ njékulaje tum gin kəi lə Njesigənea̰ gə́ to gə kəmee neelé mba̰ ndá d’ar njékinjanéməsje d’ula kubu-kḭjanéməs rɔ dee’g ree ne gə to̰to̰je ji dee’g ləm, Ləbije gə́ to gel-bɔje lə Asap d’odo ma̰dje ji dee’g ləm tɔ, gə mba kɔs ne gaji Njesigənea̰ gə goo rəw gə́ Dabid, mbai lə Israɛlje tɔji dee kédé lé.

Pakɔsje 114:4

Mbalje lé tal jagəra-jagəra to gə́ bàl bya̰je bèe ləma, Dɔ diŋgri mbalje lé kara tal jagəra-jagəra asəna gə ŋgan badje bèe ləm tɔ.

Pakɔsje 114:6

Seḭ mbalje lé See ɗi ɓa ra sí ɓa talje jagəra-jagəra to gə́ bàl bya̰je bèe wa. Esé seḭ dɔ diŋgri mbalje lé See ɗi ɓa ra sí ɓa tel talje jagəra-jagəra asəna gə ŋgan badje ne ɓəi wa.

Pakɔsje 118:22

Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd tɔ.

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Esai 28:16

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, ma m’unda mbal gə́ moŋg kəi mee ɓee gə́ Sio̰, To mbal gə́ neán, To mbal kunda dɔ kum kəi gə́ gadee to yaa̰ Gə́ d’unda d’aree to njaŋg, Ndá yeḛ gə́ ɔm mée dɔ’g ndá A ndəb-ndəb kaḭ el.

Esai 41:15

Aa ooje, ma m’un sí m’ar sí toje Asəna gə gɔl pusu gə́ wɔji dɔ kó Gə́ to gə́ sigi ləm, adə làm-làm ləma, Ŋgaŋgee to keneŋ ləm tɔ. Seḭ a tɔje dɔ mbalje pɔs-pɔs Təd dee ne njigi-njigi ləm, Seḭ a puguduje dɔdərlooje lé naŋg pugudu-pugudu To gə́ ləm mu bèe ləm tɔ.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Jeremi 51:25

Njesigənea̰ ɓa pa togə́bè, Aa ooje, m’aw səi gə ta, I to mbal gə́ ka̰ tuji loo ləm, I gə́ tuji naŋg nee lai lé ləm tɔ. M’a kula jim ndiŋ gə́ dɔi’g ləm, M’a kɔri dɔ mbalje’g Kilai kari nduburi oso naŋg ləma, M’a kari to mbal gə́ taa pər gəgəgə ləm tɔ.

Misee 1:4

Mbalje léḛ gel gɔlee’g sələlə-sələlə To gə́ ya̰-tḛji léḛ ne ta pər’g bèe ləm, Kəm wəl-looje ta̰ To gə́ mán ula ne loo gə́ suru ɗum’g bèe ləm tɔ.

Misee 4:1

Mee ndɔje gə́ aw ree’g lé. Ndá dɔ mbal gə́ wɔji dɔ kəi lə Njesigənea̰ lé D’a tum ginee dɔ sém mbalje’g, Yee a kḭ dəs dɔdərloo gə́ tar Ndá koso-dəwje d’a kaḭ kaw keneŋ.

Habakuk 3:6

Yeḛ aar naŋg ndá yeḛ wɔji loo gə́ dɔ naŋg nee gə kəmee, Yeḛ aa loo gərərə ndá ar ginkoji dəwje gə raŋg d’unda bala, Dɔ mbalje gə́ to gə ləb dee ləb dee gə no̰ lé Tɔ pɔs-pɔs ləm, Dɔdərlooje gə́ ləw lé Rəm gə́ naŋg ləm tɔ, Deḛ ɓa gə́ kila-rəwje gə́ yeḛ njaa keneŋ kédé lé.

Jakari 4:8

Njesigənea̰ ulam ta gə rɔtaje nee pana:

Jakari 4:9

Ji Jorobabel ɓa tum ne gel kəi neelé ləm, Jia-yeḛ nja a kunda ne tɔl ləm tɔ. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam rɔ sí’g ya.

Matiyo 21:21

Jeju ila dee keneŋ pana: Ma m’ula sí təsərə, ɓó lé seḭ awje gə meekun gə́ seḭ maḭje gə rɔ sí dɔ’g el ndá né gə́ ra gə kodé neelé gə karee ba ɓa seḭ a raje el, nɛ ɓó lé mbal gə́ boo nee nja ɓa a kulaje pajena: Ɔr rɔi gə ŋgirai oso dan baa-boo’g nee kara né neelé a to togə́bè ya.

Matiyo 21:42

Yen ɓa Jeju ula dee pana: See ta nee gə́ to mee maktub gə́ to gə kəmee lé seḭ turaje el wa. Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd tɔ. Mbaidɔmbaije ɓa ra ar sí. To né gə́ dum kəm sí ya tɔ.

Mark 12:10

Ta nee gə́ to mee maktub gə́ to gə kəmee lé see seḭ turaje el ɓəi wa. Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd tɔ.

Lugu 20:17

Nɛ Jeju aa kəm dee njal ɔr ula dee pana: See ta gə́ deḛ ndaŋg mee maktub’g lé see ginee to gə́ ban ɓəi wa. Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd tɔ.

Lugu 3:5

Kəm godə wəlje lai lé d’a tula ləm, Dɔ mbalje gə dɔdərlooje kara d’a pugudu naŋg pugudu-pugudu ləm tɔ. Kila rəwje gə́ nduni koŋ-koŋ lé d’a kar dee d’ar dana njoroŋ-njoroŋ ləm, Rəwje gə́ to guduru-guduru lé kara d’a gɔl dee yəg-yəg kar dee d’asəna rai-rai ləm tɔ.

Néra Njékaḭkulaje 4:11

Jeju neelé to gə́ Pil mbal gə́ seḭ njékṵdakəije mbadeeje iláje ne kɔrɔ lé. Nɛ yee nja tel to mbal kunda dɔ kum kəi gə́ gəd tɔ.

Njé gə́ Rɔmə 11:6

Bèe ndá ɓó lé yeḛ ɔr dee gə goo nojikwa ləa ndá to gə goo kula ra dee el. Ɓó lé bèe el ndá to nojikwa gə́ gəd el. Tɔɓəi ɓó lé yeḛ ɔr dee gə goo kula ra dee ndá to gə́ nojikwa el tɔ. Ɓó lé bèe el ndá to gə́ kula ra gə́ gəd el tɔ.

Njé gə́ Epesə 2:20

Seḭ toje kəi gə́ deḛ rɔd dɔ njékaḭkulaje gə njéteggintaje gə́ to gin kəi ləm, Jeju Kristi lé to mbal gə́ moŋg kəi gə́ d’unda ne dɔ kum kəi lé ləm tɔ.

1 Piɛrə 2:7

Seḭ gə́ ɔmje meḛ sí dəa’g lé ndá rɔ sí lel sí mbata yeḛ to gə́ né gə́ to gə́ ŋgonkəm sí ya. Nɛ deḛ gə́ d’ɔm meḛ dee dəa’g el ndá Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd ləm, Gə nétuga gɔl dee ləma, Gə né gə́ a kar dee d’oso ne nja ləm tɔ.

Loo gə́ killa rea kəm Ja̰’g 16:20

Dɔgoré-looje lai kara tula yal-yal ləm, dɔ mbalje kara d’igi pa-pa.