Jakari 4:6 - Maktub gə́ To gə Kəmee

⁶ Tɔɓəi yeḛ tel ilam’g pana: Yee neelé to ta gə́ Njesigənea̰ ula Jorobabel pana: To gə goo né gə́ wɔji dɔ siŋgamoŋ lə njérɔje gə́ d’aw rɔ ne el ləm, Esé gə goo siŋgamoŋ lə dəw el ləm tɔ, Nɛ gə goo Ndil neḛ-neḛ nja kára ba, Njesigənea̰ gə́ njeboo-néje lé ɓa pa bèe.

Jakari 4:6 ပူးပေါင်းရင်းမြစ်များ

Gḭ-Néje 41:16

Jisəb ila Parao̰ keneŋ pana: To né gə́ ḭ rɔm-ma’g el. Nɛ Ala ɓa a kila Parao̰ keneŋ gə ta gə́ kul.

1 Mbaije 19:12

Goo naŋg gə́ yə’g lé ndá pər teḛ to nɛ Njesigənea̰ godo dan pər’g. Goo pər’d ndá ndu dəw ɓar jan-jan bèe.

2 Sôrta Gḭka Israɛlje 14:11

Njesigənea̰ kunda Etiopije tɔl dee no̰ Asa’g gə no̰ Judaje’g ndá Etiopije buŋga na̰ d’aḭ.

Esdras 2:2

Deḛ gə́ ree na̰’d gə Jorobabel lé, Juje, gə Nehemi, gə Seraja, gə Reélaja, gə Mardose, gə Bilsan, gə Mispar, gə Bigbai, gə Rehum, gə Baana tɔ. Bula lə diŋgamje gə́ mee ɓee gə́ Israɛl lé ɓa nee:

Esdras 3:10

Loo gə́ njékulaje tum gin kəi lə Njesigənea̰ gə́ to gə kəmee neelé mba̰ ndá d’ar njékinjanéməsje d’ula kubu-kḭjanéməs rɔ dee’g ree ne gə to̰to̰je ji dee’g ləm, Ləbije gə́ to gel-bɔje lə Asap d’odo ma̰dje ji dee’g ləm tɔ, gə mba kɔs ne gaji Njesigənea̰ gə goo rəw gə́ Dabid, mbai lə Israɛlje tɔji dee kédé lé.

Esdras 5:2

Yen ŋga Jorobabel, ŋgolə Səaltiel, gə Josué, ŋgolə Josadak, d’ḭ d’un kudu kunda kəi-Ala gə́ to Jerusalem lé. Tɔɓəi njéteggintaje lə Ala gə́ d’isi sə dee keneŋ lé la sə dee tɔ.

Pakɔsje 33:16

Kudu boo-njérɔje ɓa d’askəm kaji mbai lé el ləm, Boo-siŋgamoŋ lé kara as kɔr bao-rɔ kilá tar el ləm tɔ.

Njekillamber 9:11

Ma m’tel m’oo dɔ naŋg nee ya ɓəi. To gə́ ŋgwɔd lé To gə mba njékaḭgwɔd kalaŋje ba el ləm, Rɔ lé kara wɔji dɔ bao-rɔje ba el ləm, Nésɔ lé wɔji dɔ njékəmkàrje ba el ləm, Nékiŋga kara wɔji dɔ njégosonégərje ba el ləma, Riɓar kara wɔji dɔ bao-gosɔnégərje ba el ləm tɔ. Mbata néje lai teḛ dɔ dee’g Gə goo ndəaje gə kàreje ɓa.

Esai 30:1

Njesigənea̰ pana: Meeko̰ a koso dɔ ŋgan njékaltaje’g Gə́ d’wɔji-kwɔji ra né lal meḛdigi ləm ləm, Gə d’ɔm na̰’d lal ndukun ləm ləm tɔ Gə mba kar kaiya ḭ ne dɔ maree’d gə́ kédé-kédé!

Esai 32:15

Saar loo gə́ ndil a kḭ tar ree kɔm dɔ sí’g ləm, Saar kar dɔdilaloo tel to loo-ndɔ gə́ maji kó ləma, Kar dee d’oo loo-ndɔ gə́ maji kó lé asəna gə mee kag-kɔr ləm tɔ.

Esai 34:16

Saŋje mee maktub’g lə Njesigənea̰ Turaje ta nee gə́ pana: Yeḛ gə́ kára mbuna dee’d gə́ a lal ree lé godo ləm, Yeḛ gə́ rara kara gə́ a lal lé godo ləm tɔ, Mbata Njesigənea̰ nja ɓa pa mba̰ ləm, Ndilee-yeḛ nja ɓa a mbo̰ dee dɔ na̰’d keneŋ.

Esai 59:19

Un kudee dɔ-gó lé D’a ɓəl ri Njesigənea̰ keneŋ ləm, Un kudee loo gə́ kàr uba’g lé D’a ɓəl rɔnduba ləa keneŋ ləm tɔ. Loo gə́ njeba̰ lé a ree to gə́ mán baa bèe Ndá Ndil Njesigənea̰ a rəa karee aḭ.

Loo gə́ killa rea kəm Daniel’g 2:34

I aa loo ndá i oo kɔr mbal ɔr kaar mbal’g gə dɔrea, lal kar ji dəw ɓa ɔrɔ ndá wa gɔl néndaji gə́ to larndul gə a̰ji lé ar gɔleeje təd njigi-njigi.

Ojee 1:7

Nɛ m’a kar məəm ti mbidi dɔ koso-dəwje gə́ Juda ya, ɓandaŋg, əsé kiambas, əsé nérɔ, əsé njérɔ gə kundaje ɓa m’a kaji dee ne el nɛ jim-ma Njesigənea̰, Ala lə dee ɓa m’a kaji dee ne ya.

Ajee 1:1

Mee ləb gə́ njekɔm’g joo gə́ Darius to ne mbai, mee ndɔ gə́ dɔtar’g lə naḭ gə́ njekɔm’g misa̰ lé ɓa Njesigənea̰ ula Aje, njetegginta ta nee aree un aw ula Jorobabel, ŋgolə Səaltiel, gə́ to njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləm tɔ pana:

Ajee 2:21

Maji kari ula Jorobabel, njeguburuɓee gə́ Juda togə́bè pana: N’a gə yə dara gə naŋg nee.

Jakari 6:12

Maji kam m’ulá m’pana: Njesigənea̰ gə́ njeboo-néje pa togə́bè pana: Aa oo, dəw kára gə́ ria lə Barkəm-kag-gə́-uba lé A kuba loo’g ləa teḛ bər ndá Yeḛ a tel kunda kəi lə Njesigənea̰ gə́ to gə kəmee.

Bula lə Israɛlje 27:16

Maji kar Njesigənea̰, Ala gə́ njekar dəwje lai d’aw kəmba lé ɔr dəw kára undá dɔ koso-dəwje’g

Njé gə́ Epesə 6:17

Tulaje dɔgugu-kaji dɔ sí’g ləm, gə odoje niŋga lə Ndil gə́ to ta gə́ ḭ ta Ala’g lé ləm tɔ.

1 Piɛrə 1:12

Ala ɓa riba sə dee dəa ar dee gər gao, néje neelé to mbata lə dee-deḛ el nɛ to mbata lə sí-seḭ ɓa deḛ nja to gə́ njékɔrgoo tareeje ya. Ɓasinè deḛ gə́ Ndilmeenda gə́ ḭ dara ɔs dee ɓɔḭ-ɓɔḭ ɓa d’ɔr gée d’ila ne mber Tagə́maji d’ar sí. Kuraje gə́ dara kara ndiŋga rɔ dee gə mba koo néje neelé tɔ.

1 Samel 14:6

Jonatan ula basa gə́ odo nérɔje ləa lé pana: Gə́ ree ar sí j’aw saar n’teḛje loo-si njé gə́ lal kinja tamɔd dee’g. Banelə Njesigənea̰ a ra né mbata lə sí mbata Njesigənea̰ lé ɓó lé njé gə́ ləa jebəre ba əsé deḛ bula kara né gə́ njekɔgee loo kaji dəwje lé godo.

1 Samel 17:47

Bèe ɓa koso-dəwje lai neelé d’a gər ne to gə́ kiambas əsé niŋga ɓa Njesigənea̰ aji ne dəw el. Mbata kun baŋga lé to ka̰ Njesigənea̰, yeḛ gə́ ɔm sí ji sí’g lé ya.