Jakari 4:14 - Maktub gə́ To gə Kəmee

¹⁴ Yeḛ pana: To dəwje joo gə́ d’wa dɔ dee gə ubu mba kar dee d’aar no̰ yeḛ gə́ to mbai dɔ naŋg nee lai lé.

Jakari 4:14 ပူးပေါင်းရင်းမြစ်များ

1 Mbaije 17:1

Eli, dəw gə́ Tisbe gə́ dɔ naŋg gə́ Galaad lé ula Akab pana: Njesigənea̰ Ala lə Israɛlje gə́ m’to kura ləa lé to Njesikəmba! Mee ləbje’g neelé tàl a kwa el ləm, ndi kara a kər el ləm tɔ nɛ gə goo ta gə́ ma nja m’a pa ɓa.

Esdras 5:2

Yen ŋga Jorobabel, ŋgolə Səaltiel, gə Josué, ŋgolə Josadak, d’ḭ d’un kudu kunda kəi-Ala gə́ to Jerusalem lé. Tɔɓəi njéteggintaje lə Ala gə́ d’isi sə dee keneŋ lé la sə dee tɔ.

Pakɔsje 110:4

Njesigənea̰ man rəa dɔ’g ndá Yeḛ a tel gə ndia dɔ’g el, Yeḛ pana: I lé to njekinjanéməs gə no̰ Gə goo ka̰ Melkisedek lé ya.

Pakɔsje 2:6

Yeḛ pana: Yeḛ gə́ n’undá gə́ mbai lé Neḛ nja n’wa dəa gə ubu. Dɔ mbal’g lə neḛ gə́ Sio̰ gə́ to gə kəmee doi!

Pakɔsje 89:20

Yen ɓa i pa ne ta ar majikojije d’oo ne né gə́ mḭdi pana: N’aw n’la gə bao-siŋgamoŋ lé N’ɔr basa kára mbuna koso-dəwje’g ya.

Teḛ-Raga 29:7

I a kun ubu gə́ ka̰ kunda ne né gə kəmee ndá a tər dəa’g.

Teḛ-Raga 40:15

I a tər ubu neelé dɔ dee’g to gə́ i tər ne dɔ bɔ deeje’g bèe mba kar dee ra ne kula gə́ wɔji dɔ nékinjaməs kam tɔ. Ubu gə́ i tər dɔ dee’g lé a kar dee d’askəm ra kula gə́ wɔji dɔ nékinjaməs lé kam saar gə no̰ mbuna ŋgaka deeje’g.

Esai 5:1

M’a kɔs pa kar yeḛ gə́ m’undá dan kəm’g, Pa lə yeḛ gə́ m’undá dan kəm’g lé wɔji dɔ ndɔ-nduú ləa. Yeḛ gə́ m’undá dan kəm’g lé Ndɔ-nduú ləa to dɔdərloo gə́ maji-nduú’g.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Jeremi 49:19

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ to gə́ toboḭ bèe, Léegəneeya m’a kɔs Edɔm rad Tubá karee aḭ Ndá m’a kunda yeḛ gə́ ma m’ɔree lé toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa Askəm kɔsm ŋgərəŋ wa.

Ləbije 8:12

Yeḛ tər ubu gə́ ka̰ kunda ne né gə kəmee lé dɔ Aaro̰’g mba kundá ne gə kəmee tɔ.

Misee 4:13

Seḭje gə́ Jerusalem lé, ḭje ta tuba deeje naŋg! N’a ra gaji sí gə larndul ləm, Gə ŋgo gɔl sí gə larkas ləm tɔ. Ndá seḭ a rədje dɔ ginkoji dəwje gə raŋg naŋg. Seḭ a kundaje némajije lə dee gə kəmee Kar Njesigənea̰ ləm, Gə nébaoje lə dee gə́ nébanrɔ Kar Mbai dɔ naŋg bura ya ləm tɔ.

Jakari 6:13

Yeḛ a tel kunda kəi lə Njesigənea̰ gə́ to gə kəmee ya. Tɔɓəi yeḛ a kɔm nétɔjije gə́ wɔji dɔ rɔnduba lé rəa’g, Yeḛ a si dɔ kalimbai’g ləa gə mba ko̰ɓee ləm, Yeḛ a to njekinjanéməs dɔ kalimbai’g ləma, Kankəm kɔm na̰’d gə́ maji ɔr njoroŋ A to mbuna dee-deḛ’g joo bɔr ləm tɔ.

Jakari 6:5

Kura gə́ dara lé tel ilam keneŋ pana: Deḛ to lelje gə́ d’ḭ dɔkum looje gə́ sɔ gə́ d’ḭ loo-kaar dee’g no̰ mbai gə́ to mbai dɔ naŋg nee lai.

Lugu 1:19

Kura gə́ dara lé tel ilá keneŋ pana: Ma lé m’to Gabriel gə́ njekaar no̰ Ala’g lé. Yeḛ nja ɓa ulam gə mba karm m’ulai tagə́maji neelé ləm, gə m’unda nea̰ m’ari oo ləm tɔ.

Tel tura Godndu 10:8

Mee ndəa’g neelé Njesigənea̰ ɔr kəm ginkoji Ləbije ɓəd gə mba kar dee d’odo sa̰duk-manrɔ lə Njesigənea̰ ləm, kar dee d’aar ne no̰ Njesigənea̰’g mba ra ne né karee ləma, gə mba kar dee tɔr ne ndu dee dɔ koso-dəwje’g gə ria ləm tɔ, yee ɓa deḛ ra saar teḛ ne ɓogənè ya.

Jujé 3:11

Aa ooje, sa̰duk-manrɔ lə Mbai gə́ njeko̰ɓee dɔ naŋg nee lai lé a gə dəs no̰ sí’g dan baa gə́ Jurdɛ̰.

Jujé 3:13

Loo gə́ njékinjanéməsje gə́ d’un sa̰duk-manrɔ lə Njesigənea̰ gə́ to Mbai gə́ njeko̰ɓee dɔ naŋg nee lai lé d’a kila dabla gɔl dee dan mán’d gə́ Jurdɛ̰ ndá, mán gə́ Jurdɛ̰ lé a kai rəa dana kar mán gə́ ḭ tar ula lé a ndur dɔ na̰’d loo kára ba.

Loo gə́ killa rea kəm Ja̰’g 11:4

Deḛ neelé to gə́ kag koiyoje gə́ joo ləm, gə kag pərndɔje gə́ joo ləm tɔ gə́ d’aar tar no̰ Mbai dɔ naŋg nee.

1 Samel 10:1

Samel un ku-ubu ndá yeḛ tər dɔ Sawul’g. Yeḛ il ɓɔlee tɔɓəi pana: See Njesigənea̰ ɓa tər ubu dɔi’g mba kari to mbai dɔ né kea̰ yeḛ’g el wa.

1 Samel 16:1

Njesigənea̰ ula Samel pana: See ndɔ gə́ ra ɓa i a kəw rɔi no̰ gə mba Sawul wa. Ma m’ubá m’yá̰ gə mba karee o̰ ɓee dɔ Israɛlje’g el ŋga. Ɔm ubu ku-gaji-da’g ləi aree rusu ndá aw: m’a kulai ɓee lə Isai, dəw gə́ Betlehem, mbata ma m’oo ŋgon kára gə́ mbuna ŋganeeje’g, yeḛ gə́ ma m’ndigi karee to mbai lé.