Jakari 4:10 - Maktub gə́ To gə Kəmee

¹⁰ Mbata deḛ gə́ d’ə̰ji ndɔ gə́ d’un kudu né lam ba bèe gə́ kḛji lé D’a ra rɔlel loo gə́ d’oo kúla-kwɔji-né ji Jorobabel’g ya. Pərndoje gə́ siri neelé ɔr gel kəm Njesigənea̰ gə́ un naŋg nee lad tɔ.

Jakari 4:10 ပူးပေါင်းရင်းမြစ်များ

2 Sôrta Gḭka Israɛlje 16:9

Mbata kəm Njesigənea̰ lé un naŋg nee lad ya mba gəd deḛ gə́ d’ya̰ meḛ dee bura d’aree. Nɛ i ra némbə ndá un gelee ɓasinè lé i a si dan rɔ’g tɔ.

Maktub gə́ wɔji dɔ Jɔb 8:7

Nékiŋgaje ləi gə́ kédé lé i a tel koo dee gə́ né gə́ lam ba, Ndá njé gə́ d’a gə ree gogo lé a kur dɔ dee’g pubug.

Pakɔsje 33:14

Loo-siée gə́ tar nu lé Yeḛ tən ne dəwje lai gə́ d’isi dɔ naŋg nee.

Gosota-Kəmkàrje 15:3

Kəm Njesigənea̰ un loo lad-lad, Aree oo ne njémeeyèrje gə njémeemajije gao.

Gosota-Kəmkàrje 4:18

Kila-rəwkaw lə njémeekarabasurje To asəna gə lookàr gə́ ndogó ɔr jol-jol, Ndogó ləa lé aw gə́ kédé-kédé Saar kàr aar daŋdɔ.

Esai 66:11

Gə mba kar sí ulje rɔ sí gə mbəaa Gə́ ka̰ gɔl mée lé karee as sí nag-nag ləm, Gə mba kar sí ooje boo-ronduba ləa gə́ al dɔ loo sula dan meemaji’g ləm tɔ.

Esai 66:14

Seḭ a kooje ndá meḛ sí a lel sí ləm, Siŋga rɔ sí kara a ŋgəŋ ne ŋgəŋ-ŋgəŋ To gə́ mu gə́ idi bèe ləm tɔ. Njesigənea̰ a riba dɔ siŋgamoŋ ləa rɔ kuraje’g ləa Nɛ yeḛ a kar njéba̰je ləa d’oo oŋg-boo ləa.

Jeremi 16:17

Mbata kəm wəi siḭ dɔ rəw-kaw deeje’g lai ɓó deḛ d’iya rɔ dee kəm’g el ləm, néra kori-korije lə dee kara d’iya rɔ dee kəm’g el ləm tɔ.

Ejekel 1:14

Nékundaje lé d’aḭ yo gə́ nee to gə́ ndi gə́ tèl wərərə-wərərə bèe.

Ojee 6:3

Ar sí n’gərje Njesigənea̰ ndolèje gée, Ree ləa lé to tɔgərɔ to gə́ kàr gə́ uba kuji’g bèe. Yeḛ a ree asəna gə mán ndi bèe mbata lə sí ləm, Asəna gə ndi gə́ doŋgɔr gə́ yɔm dɔ naŋg bèe ləm tɔ.

Amɔs 7:2

Loo gə́ deḛ d’o̰ muje gə́ dɔ naŋg’d nee lai-lai lé ma m’pa pana: Mbaidɔmbaije gə́ Njesigənea̰, m’ra ndòo rɔi’g, ar məəi oso lemsé ɓòo ŋgaka Jakobje d’a si kəmba to gə́ ban wa. Mbata siŋga dee as el.

Amɔs 7:5

Ma m’pa pana: Mbaidɔmbaije gə́ Njesigənea̰ m’ra ndòo rɔi’g, əw rɔi kɔgərɔ ya. See ŋgaka Jakobje d’a si kəmba to gə́ ban wa. Mbata siŋga dee as el.

Ajee 2:3

See dəw gə́ oo kəi neelé gə rɔnduba ləa gə́ kédé lé nai mbuna sí’g ɓəi wa. Ŋga ɓasinè gə́ seḭ éeje lé see to to gə́ ban wa. See to asəna gə né gə́ əḭ kəm sí’g el əsé ban wa.

Jakari 3:9

Mbata aa oo, n’unda kɔr mbal lé no̰ Jujee’g, Kɔr mbal gə́ kára neelé kəmeeje siri to keneŋ, Aa oo, neḛ nja n’a tḭja né gə́ kəm tḭja keneŋ, Njesigənea̰ gə́ njeboo-néje ɓa pa bèe. Tɔɓəi n’a tɔr ta néra gə́ kori-kori dɔ ɓee’g neelé Mee ndɔ gə́ kára ba ya.

Jakari 9:1

Ndərta gə́ Njesigənea̰ pa wɔji ne dɔ ɓee gə́ Hadrak ləm, Ta neelé wɔji dɔ ɓee-boo gə́ Damas ləm tɔ. Mbata kəm Njesigənea̰ to dɔ dəwje gə́ raŋg’d To gə́ to dɔ ginkoji Israɛlje’g bèe tɔ ,

Lugu 15:32

nɛ ra rɔlel gə kalrɔ lə sí lé j’al lée’g ya mbata ŋgokɔḭ nee gə́ wəi lé yeḛ tel sí kəmba ləm, yeḛ ndəm igi nɛ j’iŋgá mba̰ ləm tɔ.

Loo gə́ killa rea kəm Ja̰’g 5:6

M’aa loo ndá loo gə́ dan kalimbai’g ləm, gə mbuna nékundaje lə Ala sɔ gə́ d’aw kəmba ləma, gə mbuna ŋgatɔgje’g ləm tɔ lé m’oo Ŋgonbad gə́ to asəna gə ŋgonbad gə́ d’inja gə́ məs ya aar keneŋ. Ŋgonbad neelé lé gajee siri ləm, kəmee siri ləm tɔ. Deḛ ɓa gə́ ndilje lə Ala gə́ siri gə́ yeḛ ula deḛ gə́ d’un loo lad-lad dɔ naŋg nee.

Loo gə́ killa rea kəm Ja̰’g 8:2

Ndá ma m’oo kuraje lə Ala gə́ dara siri gə́ d’aar no̰ Ala’g ləm, gə to̰to̰ siri gə́ d’ar dee ləm tɔ.