Jakari 3:9 - Maktub gə́ To gə Kəmee

⁹ Mbata aa oo, n’unda kɔr mbal lé no̰ Jujee’g, Kɔr mbal gə́ kára neelé kəmeeje siri to keneŋ, Aa oo, neḛ nja n’a tḭja né gə́ kəm tḭja keneŋ, Njesigənea̰ gə́ njeboo-néje ɓa pa bèe. Tɔɓəi n’a tɔr ta néra gə́ kori-kori dɔ ɓee’g neelé Mee ndɔ gə́ kára ba ya.

Jakari 3:9 ပူးပေါင်းရင်းမြစ်များ

1 Mbaije 1:20

Ǝi mbai ləm, kəm Israɛlje lai to dɔi’g mba kari ar dee gər yeḛ gə́ a si dɔ kalimbai’g tor mbai’g ya.

2 Sôrta Gḭka Israɛlje 16:9

Mbata kəm Njesigənea̰ lé un naŋg nee lad ya mba gəd deḛ gə́ d’ya̰ meḛ dee bura d’aree. Nɛ i ra némbə ndá un gelee ɓasinè lé i a si dan rɔ’g tɔ.

Pakɔsje 103:12

To gə́ kḭ bər kaw gə́ dɔ-gó əw yaa̰ lé Kaltaje lə sí kara yeḛ ɔm dee əw sə sí togə́bè tɔ.

Pakɔsje 118:22

Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd tɔ.

Teḛ-Raga 28:11

D’a kinja ri Israɛlje gə́ diŋgam dɔ jərje gə́ joo’g lé to gə́ ra ne nétorjije bèe ləm tɔ, d’a ra néməmə dɔ jərje’g lé gə larlɔr gə mba kwa dee ne na̰’d.

Teḛ-Raga 28:21

Jərje neelé d’a kas dɔg-gir-dee-joo gə goo ri Israɛlje gə́ diŋgam tɔ, d’a tḭja dee to gə́ tḭja ne nétorjije bèe, jər kára wɔji dɔ gin koji Israɛl kára-kára bèe ya saar as gin dee gə́ dɔg-gir-dee-joo lé.

Teḛ-Raga 28:36

D’a léḛ larlɔr gə́ àr ŋgad-ŋgad ndá d’a tḭja né keneŋ to gə́ tḭja ne nétorjije bèe pana: TO GƎ KƎMEE KAR NJESIGƎNEA̰.

Esai 28:16

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, ma m’unda mbal gə́ moŋg kəi mee ɓee gə́ Sio̰, To mbal gə́ neán, To mbal kunda dɔ kum kəi gə́ gadee to yaa̰ Gə́ d’unda d’aree to njaŋg, Ndá yeḛ gə́ ɔm mée dɔ’g ndá A ndəb-ndəb kaḭ el.

Jeremi 31:34

Dəw kára kara a ndoo maree əsé ŋgokea̰ pana: Maji kar sí gərje Njesigənea̰ a pa bèe el! Mbata dəwje lai d’a gərm təsərə un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. Njesigənea̰ pa bèe. Mbata məəm a koso lemsé dɔ néra kori-kori’g lə dee ləm, m’a kar məəm olé dɔ kaiya ra dee’g el ŋga ləm tɔ.

Jeremi 50:20

Njesigənea̰ pana: Mee ndəaje gə mee kàree’g neelé D’a saŋg néramajel lə Israɛlje Nɛ d’a kiŋga el ləm, D’a saŋg kaiya ra Judaje Nɛ d’a kiŋga kára kara el ləm tɔ. Mbata m’a kar məəm oso lemsé Dɔ ges deeje gə́ m’a kya̰ dee lé.

Jakari 13:1

Mee ndəa’g neelé kəm-rəw-mán a to tag mba togo ne kaiya gə né gə́ mina̰ lə gel-bɔje lə Dabid ləm, gə ka̰ njé gə́ Jerusalem ləm tɔ.

Jakari 3:4

Kura gə́ dara un ta ula deḛ gə́ d’aar nea̰’g lé pana: Tɔrje kubuje ləa gə́ mina̰ rəa’g. Tɔɓəi yeḛ ulá pana: Aa oo, ma m’ɔr néra kori-korije ləi rɔi’g ndá ma kula kubu ra naḭ ɓa rɔi’g.

Jakari 4:10

Mbata deḛ gə́ d’ə̰ji ndɔ gə́ d’un kudu né lam ba bèe gə́ kḛji lé D’a ra rɔlel loo gə́ d’oo kúla-kwɔji-né ji Jorobabel’g ya. Pərndoje gə́ siri neelé ɔr gel kəm Njesigənea̰ gə́ un naŋg nee lad tɔ.

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

Tagə́maji gə́ Ja̰ ndang 6:27

Maji kar sí raje kula mba nésɔ gə́ a sané darɔ sí’g kari ba el. Nɛ raje kula mbata nésɔ gə́ a nai sə sí saar-saar gə́ a kar sí sije ne gə kəməgə́ gə no̰ lé gə́ Ŋgon-dəw a kar sí lé ya. Mbata yeḛ nja ɓa Ala Bɔ-dəwje lé ɔree unda gə kəmee gə dɔ jia.

Néra Njékaḭkulaje 4:11

Jeju neelé to gə́ Pil mbal gə́ seḭ njékṵdakəije mbadeeje iláje ne kɔrɔ lé. Nɛ yee nja tel to mbal kunda dɔ kum kəi gə́ gəd tɔ.

Njé gə́ Rɔmə 9:33

to gə́ maktub gə́ to gə kəmee pa lé: Aa ooje, m’unda pil mbal mee ɓee gə́ Sio̰, To mbal gə́ a tuga gɔl dee kar dee d’oso ne Ndá yeḛ gə́ ɔm mée dəa’g ndá rɔkul a dəb dəa’g el.

2 Njé gə́ Kɔrḭtə 1:22

Yeḛ ɔr sí unda sí gə dɔ jia ar sí ndilee gə́ nétorjia tɔl ne meḛ sí bém.

2 Njé gə́ Kɔrḭtə 3:3

Tɔgərɔ ya, seḭ toje asəna gə maktub kɔrginrɔ sí gə́ ḭ rɔ Kristi’g gə goo kula gə́ jeḛ n’ra mbuna sí’g. Ta gə́ ndaŋg keneŋ lé jeḛ ndaŋg gə manee kari ba el nɛ Ndil Ala gə́ njesikəmba lé yeḛ nja ɓa gə́ njḛda̰gee ləm, to ta gə́ ndaŋg bəgərə mbal’g el, nɛ seḭ dəwje lé dɔɓəŋgərə sí ɓa gə́ loo ndaŋgee ya ləm tɔ.

2 Timote 2:19

Nɛ ta gə́ Ala tum ginee lé kiriŋ naŋg kiriŋ-kiriŋ. Tor jia ɓa to ta nee gə́ deḛ ndaŋg kédé lé pana: Mbaidɔmbaije gər dee gə́ to kea̰je gao. Tɔɓəi pa ya ɓəi pana: Maji kar nana ɓa gə́ ɓar ri Mbaidɔmbaije ndá unda rəa ɓad dɔ néje gə́ ndɔji pɔdɔdɔ’g.

Ǝbrəje 7:27

Ŋgɔ-njékinjanéməsje gə́ neen lé ndɔ dee ndɔ dee d’inja nékinjanéməsje mba kuga ne kaiya lə dee-deḛ nja kédé ɓa ka̰ koso-dəwje lé ɓəi. Nɛ kea̰-yeḛ lé to togə́bè el. Mbata yeḛ ya̰ rəa ar yoo tel ne nékoga-kaiya lə dəwje gɔl kára ba kiao gə́ ŋgaŋgee.

1 Ja̰ 2:2

Yeḛ nja d’inja gə́ məs, d’udu ne bwa-kaiya lə sí lé, bwa-kaiya lə síjeḛ ɓa gə kar sí el, nɛ ka̰ dəwje lai-lai dɔ naŋg neelé nja tɔ.

Loo gə́ killa rea kəm Ja̰’g 5:6

M’aa loo ndá loo gə́ dan kalimbai’g ləm, gə mbuna nékundaje lə Ala sɔ gə́ d’aw kəmba ləma, gə mbuna ŋgatɔgje’g ləm tɔ lé m’oo Ŋgonbad gə́ to asəna gə ŋgonbad gə́ d’inja gə́ məs ya aar keneŋ. Ŋgonbad neelé lé gajee siri ləm, kəmee siri ləm tɔ. Deḛ ɓa gə́ ndilje lə Ala gə́ siri gə́ yeḛ ula deḛ gə́ d’un loo lad-lad dɔ naŋg nee.