Jakari 3:8 - Maktub gə́ To gə Kəmee

⁸ Bèe ndá i Jujee ŋgɔ-njekinjanéməs, Maji kari oo ta, I seḭ gə njéboalookawje ləi gə́ d’isi nɔḭ’g Mbata dəwje neelé d’a to gə́ nétɔji, Aa oo, n’a kar kura lə neḛ gə́ ria lə Barkəm-kag-gə́-uba lé unda loo teḛ.

Jakari 3:8 ပူးပေါင်းရင်းမြစ်များ

Pakɔsje 71:7

Ma lé m’to asəna gə nékɔb mbata lə dəwje bula, Nɛ i ɓa to njo̰loo-kula-dɔm keneŋ gə́ ŋgəŋ ŋgəŋ-ŋgəŋ.

Esai 11:1

Tɔɓəi barkəmrɔ Isai a kidi dɔ jigee’g ləm, Barkəmee a tuba dɔ ŋgiraje’g ləm tɔ.

Esai 20:3

Bèe ɓa Njesigənea̰ pa pana: To gə́ kura ləm Esai njaa ne gə kudee dum ləm, gə gɔlee kari ba ləm tɔ lé, né gə́ a gə teḛ mee ləbje munda gə́ a gə ree lé a to nétɔji ləm gə né gə́ teḛ kédé ar dee d’oo ləm tɔ gə mbata lə Ejiptəje gə Etiopije tɔ.

Esai 4:2

Mee ndəa gən lé barkəm Njesigənea̰ a tel kidi Gə rɔndɔḭ ləm, gə rɔnduba ləm tɔ, Ndá kandə né gə́ mee ɓee’g lé A tel bə̰dərə bə̰ ləm, A tel maji péd-péd ləm tɔ, Mbata lə Israɛlje gə́ teḛ ta yoo’g lé.

Esai 42:1

Aa ooje kura ləm gə́ m’a gə gədee, Yeḛ gə́ m’ɔree m’undá gə kəmee Gə́ rɔm lelm dəa’g. M’ɔm ndiləm dəa’g ya, Yeḛ a kila mber néra gə́ gə dɔ najee Kar ginkoji dəwje gə raŋg.

Esai 49:3

Tɔɓəi yeḛ ulam pana: Ma m’to kura lə neḛ, Ma m’to Israɛl gə́ yeḛ a kiŋga nérɔnduba rɔm’g.

Esai 49:5

Njesigənea̰ pana: Neḛ nja n’gɔlm gə́ kura lə neḛ Un kudee ndɔ kojim’g Gə mba kam m’tel gə njé’g lə Jakob Gə́ to Israɛlje gə́ sanéna̰ lé gə́ rəa’g, Mbata d’ila riɓar dɔm’g kəm Njesigənea̰’g ləm, Ala ləm tɔ siŋgam ləm tɔ.

Esai 52:13

Aa ooje, kura ləm a teḛkɔr, Yeḛ a si tar ɗaŋg ləm, A kiŋga riɓar ləma, A kur dɔ loo’g ləm tɔ.

Esai 53:11

Mbɔl dɔ kula rɔ ndubu ləa lé ɓa Kəmə gə́ orè gée lé a taa ne kəmee rəgm. Mbɔl dɔ négər lə kura ləm gə́ to njegelgodo lé Dəwje bula d’a tel to ne njégelgodoje tɔ, Mbata yeḛ a taa néra kori-korije lə dee kɔm dəa’g.

Esai 53:2

Yeḛ ra tɔg nea̰’g to gə́ ŋgon kag gə́ reao̰ ba ləm, Asəna gə barkəm kag gə́ uba dɔ naŋg gə́ tudu kurum-kurum’g ləm tɔ. Yeḛ ra kura el ləm, Panjaa ləa kara askəm kar kəm sí mbo̰ sɔmɔmo̰ dəa’g el ləma, Rɔndɔḭ ləa as taa kəm sí rəgm el ləm tɔ.

Esai 8:18

Aa ooje, ma jeḛ gə ŋganəmje gə́ Njesigənea̰ am dee lé jeḛ n’toje gə́ nétɔji gə né gə́ teḛ kédé ar dee d’oo mee ɓee gə́ Israɛl, gə́ to né gə́ ḭ rɔ Njesigənea̰ gə́ njeboo-néje’d gə́ si dɔ mbal gə́ Sio̰ lé.

Jeremi 23:5

Njesigənea̰ pana: Aa ooje, mee ndɔje gə́ a gə ree lé M’a kar barkəm Dabid Gə́ to njera né gə dɔ najee uba sigi, Yeḛ a ko̰ɓee gə́ mbai ləm, Yeḛ a teḛkɔr ləm, Yeḛ a gaŋg rəwta gə dɔ najee ləma, A ra né gə goo rəbee mee ɓee’g ləm tɔ.

Jeremi 33:15

Mee ndɔje’g neelé gə mee kàree’g neelé m’a kar barkəm Dabid gə́ to njemeekarabasur lé nduba rəa. Yeḛ a gaŋg rəwta gə dɔ najee ləm, a ra né gə goo rəbee ləm tɔ mee ɓee’g.

Ejekel 12:11

Maji kam m’ula dee m’pana: Ma m’to nétɔji mbata lə dee. Né gə́ ma m’ra lé to né gə́ d’a ra sə dee bèe tɔ, d’a kaw ɓər dɔ ɓee gə́ raŋg’d.

Ejekel 12:6

M’a kun né kila dɔ bagm’g kəm dee’g ya teḛ ne raga gə loo gə́ to piro-piro ndá m’a ko̰kəm gə né ɓó m’a koo naŋg el, mbata neḛ ndigi kam m’to nétɔji mbata gel-bɔje lə Israɛl.

Ejekel 24:24

Ejekiel a to gə́ nétɔji mbata lə sí. Seḭ a raje né kaareeje asəna gə kea̰ béréré. Loo gə́ néje nee a teḛ ndá seḭ a gərje to gə́ neḛ n’to Mbaidɔmbaije gə́ Njesigənea̰ ya.

Ejekel 34:29

N’a kar dee loo-ndɔ gə́ maji kó gə́ ria ɓar, ɓoo a tɔl dee mee ɓee’g neelé el ŋga ləm, ginkoji dəwje gə raŋg gə́ raŋg d’a kɔm rɔkul-boo dɔ dee’g el ŋga ləm tɔ.

Ejekel 37:24

Kura lə neḛ Dabid a to mbai lə dee ndá deḛ lai lé njekul dee a to gə́ kára ba. D’a ndolè goo ndukunje lə neḛ ləm, d’a kaa dɔ godnduje lə neḛ kər-kər ləma, d’a ra née ləm tɔ.

Jakari 6:12

Maji kam m’ulá m’pana: Njesigənea̰ gə́ njeboo-néje pa togə́bè pana: Aa oo, dəw kára gə́ ria lə Barkəm-kag-gə́-uba lé A kuba loo’g ləa teḛ bər ndá Yeḛ a tel kunda kəi lə Njesigənea̰ gə́ to gə kəmee.

Lugu 1:78

Mbɔl dɔ boo-meekɔrjol lə Ala lə sí lé ɓa Ar lookàr ḭ dara ndogó ne dɔ sí’g to gə́ kàr gə́ uba bər bèe,