Jakari 3:5 - Maktub gə́ To gə Kəmee

⁵ Tɔɓəi ma m’pana: Maji kar dee d’ula jɔg gə́ àr ŋgad-ŋgad dəa’g. Bèe ɓa deḛ d’ula jɔg gə́ àr ŋgad-ŋgad lé ya dəa’g ləm, d’ula kubuje rəa’g ləm tɔ. Kura lə Njesigənea̰ aar lée’g neelé.

Jakari 3:5 ပူးပေါင်းရင်းမြစ်များ

Maktub gə́ wɔji dɔ Jɔb 29:14

Néra gə́ gə dɔ najee lé ma m’ula gə́ kubu rɔm’g, Néra gə́ danasur to gə́ kubu ləm gə́ boi yul ləm, gə kubu kə́ dɔm ləm tɔ.

Teḛ-Raga 29:6

I a kula dɔgugu dəa’g ləm, a tɔ mbɔr gə́ to gə kəmee lé no̰ dɔgugu’g lé ləm tɔ.

Esai 3:23

Gə nékoo-kəmje ləm, gə kubu-kaar gə́ ra gə kúla palégal ləm, Gə jɔg-kula-dɔ’g ləma, gə kubu gə́ ka̰ kila dɔ maree’g ləm tɔ.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Ejekel 42:14

Loo gə́ njékinjanéməsje d’a kandə keneŋ ndá deḛ d’a kḭ loo gə́ to gə kəmee’g kunda loo teḛ kaw gadloo gə́ raga el nɛ lé nee ɓa d’a kɔm kubu-ra-kulaje lə dee keneŋ mbata kubuje neelé to kubuje gə́ to gə kəmee, deḛ d’a tula kubuje gə́ raŋg ɓa kaw ne rɔ koso-dəwje’g.

Jakari 3:6

Kura lə Njesigənea̰ pata neelé gə ndia njaŋg ar Jujee pana:

Jakari 6:11

Maji kam m’taa larnda gə larlɔr ndá m’a ra gə́ dɔguguje mba kula dɔ Jujee, ŋgolə Josadak’g, yeḛ gə́ to ŋgɔ-njekinjanéməs lé.

Loo gə́ killa rea kəm Ja̰’g 4:10

Ndá ŋgatɔgje gə́ rɔ-joo-gir-dee-sɔ lé d’unda barmba dəb kəm dee naŋg no̰ yeḛ gə́ si kalimbai’g lé gə́ si gə ləbee-ləbee gə nea̰ d’wá ne meḛ dee’g ləm, deḛ tɔr ne dɔgugu lə dee d’ɔm no̰ kalimbai’g lé ləm tɔ pana:

Loo gə́ killa rea kəm Ja̰’g 4:4

Kalimbai lé mareeje rɔ-joo-giree-sɔ gugu dəa sub ndá ŋgatɔgje rɔ-joo-giree-sɔ d’isi dɔ kalimbai’g lé. Deḛ d’ula kubu gə́ nda rɔ dee’g ləm, dɔgugu larlɔr to dɔ dee’g ləm tɔ.