Jakari 3:4 - Maktub gə́ To gə Kəmee

⁴ Kura gə́ dara un ta ula deḛ gə́ d’aar nea̰’g lé pana: Tɔrje kubuje ləa gə́ mina̰ rəa’g. Tɔɓəi yeḛ ulá pana: Aa oo, ma m’ɔr néra kori-korije ləi rɔi’g ndá ma kula kubu ra naḭ ɓa rɔi’g.

Jakari 3:4 ပူးပေါင်းရင်းမြစ်များ

2 Samel 12:13

Dabid ula Natan pana: M’ra kaiya m’ɔs ne ta lə Njesigənea̰ rəw ya. Natan tel ula Dabid pana: Njesigənea̰ ar mée oso lemsé dɔ kaiya’g ləi ndá i a kwəi el ŋga.

1 Mbaije 22:19

Togə́bè Mise pana: Maji kari oo ta lə Njesigənea̰ ɓa! M’a m’oo Njesigənea̰ si dɔ kalimbai’g ləa ndá boo-njérɔje gə́ dara lai d’aar mbɔree’g dɔ jikɔlee’g ləm, gə dɔ jigelee’g ləm tɔ.

Pakɔsje 51:9

Maji kari ɔr wonm gə barkəm gərgənd ndá m’a kàr ne ŋgad-ŋgad, Togəm ndá m’a tel ndá dum kwɔji.

Esai 43:25

To ma nja ɓa m’tuji kaltaje lə sí Gə goo meenoji ləm ləm, M’a kar məəm olé dɔ kaiyaje’g lə sí Gɔgo el ləm tɔ.

Esai 44:22

Ma m’bɔr nékaltaje lə sí mbɔji Asəna gə kil-lə-ndi gə́ dəs bèe ləm, M’bɔr kaiyaje lə sí mbɔji Asəna gə mum gə́ sané bèe ləm tɔ, Gə́ telje reeje rɔm’g Mbata ma m’uga dɔ sí mba̰.

Esai 52:1

Teḛje kəm sí, seḭ gə́ síje Sio̰! Teḛje kəm sí, undaje siŋga sí dɔ maree’g, Ulaje kubu-naḭ rɔ sí’g, Seḭ gə́ Jerusalem, ɓee-boo gə́ to gə kəmee! Mbata deḛ gə́ lal kinja tamɔd dee gə njé gə́ mina̰ lé D’a kandə mee ɓee’g lə sí el ŋga.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Jeremi 52:33

Yeḛ aree tɔr kubu-daŋgai rəa’g ya̰ tula kubuje gə́ raŋg ndá Jojakḭ sɔ səa né ndɔje kára-kára lai mee ndɔje gə́ yeḛ si ne kəmba lé tɔ.

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Ejekel 42:14

Loo gə́ njékinjanéməsje d’a kandə keneŋ ndá deḛ d’a kḭ loo gə́ to gə kəmee’g kunda loo teḛ kaw gadloo gə́ raga el nɛ lé nee ɓa d’a kɔm kubu-ra-kulaje lə dee keneŋ mbata kubuje neelé to kubuje gə́ to gə kəmee, deḛ d’a tula kubuje gə́ raŋg ɓa kaw ne rɔ koso-dəwje’g.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Misee 7:19

Mée a kaw taḭ-taḭ gə mbata lə sí ya ɓəi ləm, Yeḛ a tuba néra kori-korije lə sí gə gɔlee ləm tɔ. I a kɔm kaiyaje lə sí lai gel baa-boo-kad’g.

Jakari 3:1

Yeḛ am m’oo Jujee ŋgɔ-njekinjanéməs gə́ aar tar no̰ kura’g lə Njesigənea̰ ndá Njekurai aar dɔ jikɔlee’g gə mba kila ta dəa’g.

Jakari 3:7

Njesigənea̰ gə́ njeboo-néje pa togə́bè pana: Ɓó lé i njaa gə goo rəwje lə neḛ ləm, Ɓó lé i aa dɔ tornduje lə neḛ ləm tɔ ndá I a to njegaŋ-rəwta mee kəi’g lə neḛ ləm, I a kaa dɔ gad ndògo lə neḛ ləma, N’a kari askəm kandə mbuna dee-deḛ gə́ d’isi nee lé ləm tɔ.

Jakari 3:9

Mbata aa oo, n’unda kɔr mbal lé no̰ Jujee’g, Kɔr mbal gə́ kára neelé kəmeeje siri to keneŋ, Aa oo, neḛ nja n’a tḭja né gə́ kəm tḭja keneŋ, Njesigənea̰ gə́ njeboo-néje ɓa pa bèe. Tɔɓəi n’a tɔr ta néra gə́ kori-kori dɔ ɓee’g neelé Mee ndɔ gə́ kára ba ya.

Matiyo 22:11

Mbai lé andə aw kəi mba koo deḛ gə́ d’isi ta ka-nésɔ’g lé nɛ yeḛ oo diŋgam kára si keneŋ gə́ yeḛ ula kubu-naḭ rəa’g el.

Lugu 1:19

Kura gə́ dara lé tel ilá keneŋ pana: Ma lé m’to Gabriel gə́ njekaar no̰ Ala’g lé. Yeḛ nja ɓa ulam gə mba karm m’ulai tagə́maji neelé ləm, gə m’unda nea̰ m’ari oo ləm tɔ.

Lugu 15:22

Nɛ bɔbeeje ula kuraje ləa pana: Ɔdje kalaŋ unje kubu gə́ ŋgal yududu gə́ bḭ maji ur dɔ mareeje’g lai ree ulaje rəa’g, reeje gə ŋgama ulaje ŋgon jia’g ləm, reeje gə markob ulaje gɔlee’g ləm tɔ.

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

Njé gə́ Rɔmə 3:22

Meekarabasur lə Ala lé to ka̰ dee-deḛ gə́ d’ɔm meḛ dee dɔ Jeju Kristi’g. Dəw a kɔr kəm maree el.

Njé gə́ Rɔmə 6:23

Mbata nékoga dɔ ji kaiya lé to yoo, nɛ nojikwa lə Ala gə́ yeḛ wa sə sí lé to kəmə gə́ gə no̰ lé gə́ j’a kiŋga loo kɔm na̰’d gə Jeju Kristi Mbaidɔmbaije lə síjeḛ lé.

1 Njé gə́ Kɔrḭtə 6:11

Yee nja ɓa gə́ néra sí-seḭ gə́ na̰je mbuna sí’g. Nɛ ɓasinè Ndil Ala ɔr won kaiya lə sí ndɔs-ndɔs mba̰ ləm, ɔr sí ne unda sí gə kəmee ləma, ɔr ta dɔ sí’g gə ri Mbaidɔmbaije Jeju Kristi lé ləm tɔ.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Njé gə́ Kolosə 3:10

ndá dəw gə́ sigi ɓa seḭ ulaje rɔ sí’g ya. Dəw gə́ sigi lé négər ləa ḭ mbaḭ-mbaḭ gə́ kédé-kédé aree tel to tana gə njekṵdá.

Ǝbrəje 8:12

Mbata məəm a koso lemsé dɔ néra dee gə́ ndɔji pɔdɔdɔ’g ləm, M’a kar məəm olé dɔ kaiyaje’g lə dee nda̰ el ləm tɔ.

Loo gə́ killa rea kəm Ja̰’g 5:11

M’aa loo ndá m’oo ndu kuraje lə Ala gə́ dara bula gə́ gugu dɔ kalimbai gə dɔ nékundaje lə Ala gə́ d’aw kəmba gə dɔ ŋgatɔgje lé sub lé ɓar. Deḛ bula digi-digi dum tura ya.

Loo gə́ killa rea kəm Ja̰’g 7:14

Ma m’ula m’pana: Mbai ləm, i gər gao ya. Yeḛ ilam keneŋ pana: Deḛ lé d’ḭ dan némeeko̰ gə́ boo ya, deḛ togo kubuje lə dee ndá məs Ŋgonbad ɓa d’ar kubuje lə dee àr ne raŋg-raŋg.