Jakari 2:9 - Maktub gə́ To gə Kəmee

⁹ Njesigənea̰ pa pana: Ma nja m’a to asəna gə ndògo lə pər gə́ gugu dəa sub ləm, m’a riba dɔ rɔnduba ləm keneŋ ləm tɔ.

Jakari 2:9 ပူးပေါင်းရင်းမြစ်များ

Esai 10:32

Deḛ d’aar naŋg Nob as ndɔ kára Ndá deḛ sɔb ji dee ndaŋg ne mbal gə́ Sio̰ Gə́ to dɔdərloo gə́ Jerusalem lé.

Esai 11:15

Njesigənea̰ a kar duu-mán lə baa-boo-kad gə́ Ejiptə yi tə ləm, Yeḛ a kula jia ndiŋ dɔ baa’g tó lel dɔ’g gə siŋgamoŋ ləm tɔ, Ndá yeḛ a kai kəm rəbeeje loo siri Kar dəwje dəs keneŋ gə né gɔl dee’g.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 13:2

Dɔ mbal gə́ sémee to kari ba lé Raje nétɔji keneŋ, Ɔrje ndu sí gə́ tar gə́ rɔ dee’g, Raje nétɔjije gə ji sí Gə mba kar dee d’andə gə tarəw lə njé gə́ boo!

Esai 14:2

Ginkoji dəwje gə raŋg d’a kwa dee kaw sə dee mee ɓeeje’g lə dee gogo ndá ŋgaka Israɛlje d’a taa ɓee neelé gə́ né ka̰ dee-deḛ asəna gə kuraje gə́ diŋgam gə njé gə́ dené bèe, d’a kwa dee-deḛ gə́ d’wa dee ɓər kédé lé gə́ ɓərje lə dee ləm, d’a ko̰ɓee dɔ deḛ gə́ kédé d’ula kəm dee ndòo lé ləm tɔ.

Esai 19:16

Mee ndəa’g neelé Ejiptəje d’a to kasəna gə denéje, d’a kunda bala ləm, d’a ɓəl ləm tɔ loo gə́ d’oo ji Njesigənea̰ gə́ njeboo-néje gə́ ula gə́ dɔ dee’g ləm, loo gə́ yeḛ un jia gə́ tar rɔ ne sə dee ləm tɔ.

Esai 26:1

Mee ndəa’g neelé d’a kɔs pa nee mee ɓee gə́ Juda pana: Ɓee-boo lə sí lé siŋgá to yaa̰, Njesigənea̰ aa dɔ ndògo-bɔrɔ ləa ləm, Yee aa dɔ gadloo-kula-rɔ sí keneŋ ləm tɔ.

Esai 33:1

Meeko̰ a koso dɔi-i gə́ njetujilooje lai’g Nɛ deḛ tujii el ɓəi ləm, I gə́ njekun dɔ loo Nɛ deḛ d’un dɔi el ɓəi ləm tɔ! Loo gə́ i a kunda ŋgaŋ tuji looje lai ndá D’a tujii ləm, Loo gə́ i a kunda ŋgaŋ kun dɔ loo lé ndá D’a kun dɔi ləm tɔ!

Esai 33:21

Tɔgərɔ ya, lé neelé Njesigənea̰ a riba dɔ boo-ronduba ləa kar sí, Lée neelé yeḛ a kar baaje gə kəm-rəw-manje gə́ tad rəg-rəg to keneŋ ləm, To kaw-rɔje a dəs keneŋ el ləma, Bato kára kara a dəs keneŋ el ləm tɔ.

Esai 33:23

D’ya̰ goo kúla tɔ kag-batoje lə sí lé yɔgɔ, Deḛ tɔ gel kag-bato lé el ləm, D’ar kubu lelee kara tudu rəa el ləm tɔ. Yen ŋga deḛ kai na̰ nébanrɔje lé, Njémədje ya kara d’aw d’odo né ka̰ dee-deḛ ya tɔ.

Esai 4:5

Ndá mee looje lai gə́ dɔ mbal gə́ Sio̰ ləm, Gə loo-mbo̰-dɔ-na̰je lə koso-dəwje ləm tɔ lé Njesigənea̰ a kar mum gə́ to asəna gə sa pər bèe oso dan kàrá ləm, A kar pər gə́ ndəa̰ teḛ bilim-bilim Ndogó ɔr jol-jol loondul’g ləm tɔ, Mbata nérɔnduba gə́ rara kara né a ko̰ dəa mbèd ya.

Esai 48:16

Rəmje pər gə́ rɔm’g nee ooje ta! Un kudee kédé gə́ dɔtar lé Ma m’pata loo-ŋgəḭ’g el, Un kudee kédé gə́ dɔtar ndɔ tum gin néje’g neelé M’isi keneŋ ya. (Nɛ ɓasinè Mbaidɔmbaije gə́ Njesigənea̰ ulam gə ndilee na̰’d.)

Esai 60:18

Dəw a koo ta néra gə́ kərm-kərm mee ɓee’g ləi el ŋga ləm, D’a koo ta tuji gə tuji-boo dɔ naŋg’d ləi el ŋga ləm tɔ, I a kunda ri kaji dɔ ndògo-bɔrɔje’g ləi ləm, A kunda ri rɔnduba dɔ tarəwkɔgje’g ləi ləm tɔ.

Esai 60:19

Kàr ɓa a to néndogó ləi dan kàrá el ləm, Naḭ ɓa a kar loo àr ŋgad-ŋgad dɔi’g loondul’g el ləm tɔ, Nɛ Njesigənea̰ ɓa a to lookàr ləi saar-saar gə no̰ ləm, Ala ləi ɓa a to gə́ nérɔnduba ləi ləm tɔ.

Jeremi 27:7

Ginkoji dəwje gə raŋg lai d’a ra né karee-yeḛ ləm, gə ŋgonee ləma, gə ŋgokea ləm tɔ saar kar ndɔ gə́ wɔji dɔ ɓee ləa teḛ kar ginkoji dəwje gə raŋg gə́ to njésiŋgamoŋje, gə mbaije gə́ boo-boo dum ne dɔ ɓee ləa.

Jeremi 28:9

nɛ ɓó lé njetegginta pata wɔji ne dɔ meelɔm ndá kaw gə́ ginta teg ləa aw lée’g béréré lé ɓa d’a gəree ne gə́ yeḛ gə́ Njesigənea̰ ulá tɔgərɔ ya.

Jeremi 8:19

Aa ooje, ndu no̰ lə koso-dəwje ləm ɓar Dɔ naŋg ɓeeje gə́ əw’g pana: See Njesigənea̰ godo Sio̰ wa. See mbai lə dee godo keneŋ wa. See gelee ban ɓa Deḛ tɔl néndajije gə́ magəje Gə́ to magəje gə́ dɔ ɓee’g D’ar oŋg ḭ ne səm pu wa.

Ejekel 39:10

D’a kodo kirje gə́ mee wala’g el ləm, d’a tuga kirje gə́ mee kag-kɔr’g el ləm tɔ mbata nérɔje ɓa d’a ra ne pər. Deḛ gə́ d’unda dee banrɔ lé deḛ d’a kunda dee-deḛ nja kara banrɔ tɔ, deḛ gə́ d’odo néje lə dee lé deḛ d’a kodo néje lə dee-deḛ tɔ. Mbaidɔmbaije gə́ Njesigənea̰ ɓa pa bèe.

Joɛl 2:27

Togə́bè ɓa seḭ a gərje gao To gə́ ma m’isi mbuna Israɛlje’g ya, Ma m’to Ala lə sí gə́ Njesigənea̰, Ɓó yeḛ gə́ raŋg godo, Bèe ɓa rɔkul a dəb dɔ dəwje’g ləm nda̰ el ŋga.

Habakuk 2:17

Mbata néraje gə́ kərm-kərm gə́ seḭ raje mee ɓee gə́ Liba̰ lé D’a tel koso dɔ sí’g ləm, Tuji gə́ seḭ tujije dakulje lé Dakulje kara d’a kɔm ɓəl dɔ sí’g ləm tɔ. Mbata seḭ ɔmje məs dəwje naŋg ləm, Seḭ raje né gə́ kərm-kərm mee ɓee’g Oma̰je ne gə ɓee-boo gə dəwje lai gə́ d’isi keneŋ ləm tɔ.

Habakuk 2:8

To gə́ seḭ taaje néje lə ginkoji dəwje gə raŋg bula lé Ndá koso-dəwje gə́ nai lé d’a taa néje lə sí-seḭ tɔ, Mbata seḭ ɔmje məs dəwje naŋg ləm, Seḭ raje néje gə́ kərm-kərm mee ɓee’g ləma, Seḭ ɔsje ɓee-boo gə dəwje lai gə́ d’isi keneŋ rəw ləm tɔ.

Soponi 2:9

Gelee gə́ nee ɓa Njesigənea̰ gə́ njeboo-néje, Ala lə Israɛlje lé pa ne bèe pana: Neḛ n’to njesikəmba ya! Moab a tel to kasəna gə Sɔdɔm ləm, Amo̰je kara d’a tel to kasəna gə Gɔmɔr ləm tɔ. D’a to loo gə́ kun-pɔrɔrɔje d’a taa loo keneŋ pəl-pəl ləm, D’a to kasəna gə puna kad ləma, D’a to dɔdilaloo ya saar gə no̰ ləm tɔ. Ges koso-dəwje lə neḛ D’a taa néje lə dee ləm, Ges ginkoji dəwje lə neḛ kara D’a kiŋga ɓee lə dee gə́ né ka̰ dee-deḛ ya ləm tɔ.

Soponi 3:15

Njesigənea̰ ya̰ goo bo̰ néra sí Gə́ yeḛ wɔji mba karee ɔs ta sí’g ləm, Yeḛ ɔs njeba̰ lə sí rɔ sí’g rəw gə́ raŋg ləm tɔ, Mbai gə́ Israɛl gə́ to Njesigənea̰ lé Si mbuna sí’g ya, Seḭ a ɓəlje némeeko̰ gə́ a teḛ dɔ sí’g nda̰ el.

Jakari 2:11

Seḭ njé gə́ Sio̰, Seḭ gə́ síje ɓee-ɓər gə́ Babilɔn lé Maji kar sí aḭje ajije rɔ sí.

Jakari 2:8

Yeḛ ulá pana: Aḭ aw ula basa neelé pana: Jerusalem lé a to ɓee-boo gə́ to raga ndəgsə lal ndògo-bɔrɔ gə mbata dəwje gə́ bula digi-digi gə́ d’isi keneŋ ləm, gə nékulje gə́ dum tura gə́ d’a kaar keneŋ ləm tɔ.

Jakari 4:9

Ji Jorobabel ɓa tum ne gel kəi neelé ləm, Jia-yeḛ nja a kunda ne tɔl ləm tɔ. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam rɔ sí’g ya.

Jakari 6:15

Deḛ gə́ d’ɔr rɔ dee d’aw əw lé d’a tel ree ləm, d’a ra kula gɔl kəi lə Njesigənea̰ gə́ to gə kəmee gogo ləm tɔ. Ndá seḭ a gərje gao to gə́ Njesigənea̰ gə́ njeboo-néje ɓa ulam rɔ sí’g. Ɓó lé seḭ ilaje ŋgonkoji dɔ ndukun’g lə Njesigənea̰ gə́ to Ala lə sí lé ndá né neelé a kaw lée’g béréré ya.

Jakari 9:15

Njesigənea̰ gə́ njeboo-néje a kaa dɔ dee, D’a tuji loo pugudu ləm, D’a dum dɔ kɔri-ər yɔroŋ-dooje lə njéba̰je lə dee ləm tɔ, D’a kai né ləm, D’a kunda bula to gə́ njékai mán-nduú gə́ mḭje bèe ləm tɔ, Nékai a rusu meḛ dee to gə́ mán gə́ rusu ŋgo-dɔ-mán bèe ləm, To gə́ məs gə́ aḭ dɔkum loo-nékinjaməs’g bèe ləm tɔ.

Tagə́maji gə́ Ja̰ ndang 13:19

Un kudee ɓasinè ya ma m’ula sí taree ɓad ɓa gə mba kar née teḛ ɓəi, mba kar loo gə́ née teḛ ndá seḭ a kɔmje ne meḛ sí dɔm’g to gə́ ma m’to yeḛ lé nja.

Tagə́maji gə́ Ja̰ ndang 16:4

Ta néje neelé ma m’ula sí mba kar loo gə́ kàree a gə teḛ ndá meḛ sí a kolé ne dɔ ta gə́ ma m’ula sí’g lé ya. Ta gə́ ma m’ula sí ɓasinè lé ma m’ula sí kédé gə́ ləw el mbata ma m’nai sə sí ɓəi.