Jakari 2:7 - Maktub gə́ To gə Kəmee

⁷ Aa oo, kura gə́ dara gə́ njekwɔji səm ta lé aw lam gə́ kédé ndá kura gə́ dara gə́ raŋg ree iŋgá.

Jakari 2:7 ပူးပေါင်းရင်းမြစ်များ

Gḭ-Néje 19:17

Loo gə́ d’ar dee teḛ raga mba̰ ndá yeḛ gə́ kára mbuna dee’g pa pana: Aḭ gə mba kaji rɔi ɓó ɔm rəd gə́ gooi’g el ləm, aar naŋg dan ndag-mbo’g el ləm tɔ. Aḭ par gə́ dɔ mbal’g nà i a tuji ya.

Esai 47:1

Gə́ rəm si naŋg dan babur’g I ɓee gə́ Babilɔn Gə́ kédé to asəna gə ŋgoma̰də bèe! Gə́ rəm si dɔ naŋg’d lal kalimbai, I ɓee gə́ Kalde Gə́ to asəna gə ŋgon dené lé tɔ. D’a kooi asəna gə ŋgoma̰də Gə́ ma̰də yaa̰ gə njekərkəmloo el ŋga.

Esai 48:20

Undaje loo mee ɓee gə́ Babilɔn teḛje ləm, Ḭje dan Kaldeje’g aḭje ləm tɔ! Paje gə ndu kalrɔ, ilaje ne mberee Ar deḛje gə́ d’isi gwɔi naŋg’d d’oo taree Pajena: Njesigənea̰ uga dɔ kura ləa Jakob!

Esai 52:11

Ḭje lée’g neelé undaje loo teḛje, gə́ teḛje ya! Tibije mbɔr né gə́ mina̰ kára kara el! Saaje rɔ sí rɔ dee’g. Ɔrje won kaiya rɔ sí’g, Seḭ gə́ odoje nékulaje lə Njesigənea̰ lé!

Esai 52:2

Ḭje tar kundaje kor rɔ sí’g! Ḭje tar síje dɔ loo-si sí’g, Seḭ gə́ Jerusalem! Tuduje kúla gə́ to gwɔs sí’g, Seḭ ŋgalə Sio̰ gə́ toje ɓərje lé!

Jeremi 50:8

Maji kar sí ḭje Babilɔn aḭje, Undaje loo mee ɓee gə́ Kalde teḛje, Maji kar sí toje asəna gə bàl bya̰je Gə́ d’ɔr no̰ koso-nékulje bèe.

Jeremi 51:45

Seḭ koso-dəwje ləm, Undaje loo keneŋ teḛje, Gə mba kar nana kara teḛ ne Ta oŋg-boo’g lə Njesigənea̰ aji ne rəa.

Jeremi 51:6

Ḭje Babilɔn aḭje ləm, Maji kar nana kara taa rəa ta yoo’g ləm tɔ Nà banelə seḭ a tujije səa na̰’d! Mbata to kàr dalba̰ lə Njesigənea̰, Yeḛ a ra səa né gə goo kula reaje.

Misee 4:10

Seḭ gə́ Jerusalem, maji kar sí ooje ko̰ né ləm, Gə tuma̰je ŋgururu-ŋgururu To gə́ dené gə́ ndóo tée bèe ləm tɔ! Mbata ɓasinè lé seḭ a kundaje loo mee ɓee-boo’g teḛje Ndá a kaw síje wala, Tɔɓəi seḭ a kawje saar teḛje Babilɔn. Lée neelé ɓa d’a kɔr sí kila sí tar keneŋ ləm, Lée neelé ɓa Njesigənea̰ a kɔr sí ji njéba̰je’g lə sí kɔm sí tar ləm tɔ.

Bula lə Israɛlje 16:26

Yeḛ ula koso-dəwje pana: M’ra ndòo rɔ sí’g mba kar sí ḭje ta kəi-kubuje’g lə dəwje gə́ njémeeyèrje neelé awje əw ləm, gə mba kar sí ɔrɔje rɔ né lə dee kára kara el ləm tɔ nà seḭ a tujije sə dee na̰’d loo gə́ bo̰ kaiya ra deeje a gə kɔs ta dee’g bɔsɔrɔ lé.

Bula lə Israɛlje 16:34

Israɛlje lai gə́ d’aar gugu dɔ dee sub lé d’aḭ, loo gə́ d’oo ndu no̰ gə kii lə dee, mbata deḛ pana: Ar sí j’aḭje nà banelə dɔ naŋg a turu síjeḛ bèe to!

Néra Njékaḭkulaje 2:40

Piɛrə pa taje gə́ raŋg bula ɔm dɔ’g ɓəi ndəji dee ne ləm, man dee ne ləm tɔ pana: Saaje rɔ sí rɔ ginkoji dəwje gə́ dɔ naŋg nee gə́ njéra néje gə́ yèr neelé ɓó gə ajije ne ya.

Loo gə́ killa rea kəm Ja̰’g 18:4

M’oo ndu dəw gə́ raŋg ɓar dara pana: Koso-dəwje ləm, ḭje rəa’g teḛje raga mba ra səa kaiya lé na̰’d el ləm, mba kar boo-tujije gə́ wɔji dəa lé teḛ dɔ sí’g el ləm tɔ.