Jakari 2:5 - Maktub gə́ To gə Kəmee

⁵ M’un kəm gə́ tar m’aa loo gərərə ndá aa oo, dəw kára aar gə kúla-kwɔji-né jia’g.

Jakari 2:5 ပူးပေါင်းရင်းမြစ်များ

Pakɔsje 125:2

To gə́ mbalje gugu ne dɔ Jerusalem sub bèe lé Njesigənea̰ kara aḭ bada dɔ dəwje’g ləa togə́bè ya ləm tɔ Un kudee ɓasinè ləm, saar-saar gə no̰ ləm tɔ.

Pakɔsje 3:3

See dəwje ka̰da ɓa pata d’wɔji ne dɔm pana: M’a kiŋga kaji rɔ Ala’g lé pai godo, ɓa pa bèe wa.

Pakɔsje 46:5

Baa-boo to keneŋ, manee gə́ ula ar rɔlel to mee ɓee’g lə Ala, Yee ɓa gə́ kəi gə́ to gə kəmee mbuna kəije’g lə Njekurdɔloo’g.

Pakɔsje 48:12

Njé gə́ dɔ mbal gə́ Sio̰ ra rɔlel ləm, Deḛ gə́ mee ɓee-booje gə́ Juda kara d’al rɔ dee ləm tɔ Mbata rəwta-gaŋgje ləi.

Pakɔsje 48:3

Dɔ diŋgri mbal gə́ to mbal gə́ Sio̰ lé To loo gə́ maji péd-péd ləm, Yee to nérɔlel lə dəwje lai dɔ naŋg nee ləm tɔ, Loo gə́ par gə́ dɔgel lé To ɓee-boo lə mbai gə́ boi.

Pakɔsje 85:9

M’a kur mbim mba koo ne ta gə́ Ala Njesigənea̰ pa lé Mbata yeḛ pata wɔji ne dɔ meelɔm Ar koso-dəwje ləa ləm, gə majikojije ləa ləm tɔ Mba kar dee tel d’oso ne dan néra mbə’g gogo el.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 31:9

Yeḛ gə́ to dɔ mbal lə dee a kaḭ gə kəm ɓəl ləm, Mbaije lə dee d’a kunda bala no̰ nétɔji’g ləm tɔ, Njesigənea̰ gə́ pər ləa to Sio̰’g ləm, Gə bwa-bṵda ləa to Jerusalem’g ləm tɔ lé ɓa pa bèe.

Esai 32:18

Koso-dəwje ləm d’a si gə́ majee dan meelɔm’g Mee kəije gə́ ŋgəŋ’d Dan loo-kwa-rɔ gə́ néjɔg godo keneŋ.

Esai 33:21

Tɔgərɔ ya, lé neelé Njesigənea̰ a riba dɔ boo-ronduba ləa kar sí, Lée neelé yeḛ a kar baaje gə kəm-rəw-manje gə́ tad rəg-rəg to keneŋ ləm, To kaw-rɔje a dəs keneŋ el ləma, Bato kára kara a dəs keneŋ el ləm tɔ.

Esai 4:5

Ndá mee looje lai gə́ dɔ mbal gə́ Sio̰ ləm, Gə loo-mbo̰-dɔ-na̰je lə koso-dəwje ləm tɔ lé Njesigənea̰ a kar mum gə́ to asəna gə sa pər bèe oso dan kàrá ləm, A kar pər gə́ ndəa̰ teḛ bilim-bilim Ndogó ɔr jol-jol loondul’g ləm tɔ, Mbata nérɔnduba gə́ rara kara né a ko̰ dəa mbèd ya.

Jeremi 31:39

Kula kwɔjee lé d’a kwa njoroŋ saar teḛ ne dɔdərloo gə́ Gareb ndá d’a kɔr go̰ teḛ ne par gə́ Goat.

Ejekel 38:14

Gelee gə́ nee ɓa i ŋgon-dəw lé maji kari tegginta ula Gɔg pana: Mbaidɔmbaije gə́ Njesigənea̰ pa togə́bè pana: Oiyo, ndɔ gə́ koso-dəwje lə neḛ gə́ Israɛl d’a si gə́ majee ndá i a koo ya.

Ejekel 42:20

Yeḛ wɔji kil ndògo-bɔrɔ gə́ sɔ gə́ gugu gir kəi gə́ to gə kəmee lé ndá ŋgalee as kag-kwɔji-né tɔl mi (500) ləm, tadee as kag-kwɔji-né tɔl mi (500) ləm tɔ, ndògo-bɔrɔ neelé ɓa gaŋg mbuna loo gə́ to gə kəmee gə loo gə́ to kari lé.

Ejekel 47:3

Loo gə́ dəw neelé aw par gə́ bər ndá kúla-kwɔji-né to jia’g ndá yeḛ wɔji ne loo as kəmkil dəw tɔl-dɔg (1.000), yeḛ am m’ur mán lé ndá mán lé aw saar wa ŋgərə̰-gɔlm.

Jakari 1:16

Gelee gə́ nee ɓa Njesigənea̰ pa ne togə́bè pana: N’a gə tel ree Jerusalem gə meemaji Ndá d’a tel kunda kəi lə neḛ gogo ləm, D’a kwɔji Jerusalem gə kúla ləm tɔ.

Jakari 2:10

Njesigənea̰ pana: Seḭ gə́ ma m’sané sí dɔkum looje gə́ sɔ lé Maji kar sí ḭje ɓee gə́ dɔgel aḭje. Njesigənea̰ pa bèe.

Jakari 2:11

Seḭ njé gə́ Sio̰, Seḭ gə́ síje ɓee-ɓər gə́ Babilɔn lé Maji kar sí aḭje ajije rɔ sí.

Jakari 9:14

Njesigənea̰ a nduba rəa dɔ dee’g tar Ndá kandə ɓandaŋg ləa a teḛ to gə́ tel lə ndi bèe, Mbaidɔmbaije gə́ Njesigənea̰ a kar to̰to̰ ləa ɓar, Yeḛ a kaw kəmee gə́ kédé dan lel-boo gə́ dɔkɔl.

Jakari 9:8

N’a kaḭ dɔ kəi lə neḛ sub gə mba kɔs njérɔje rəw Koma̰ ne gə deḛ gə́ d’a gə dəs kaw əsé deḛ gə́ d’a gə tel, Bèe ɓa njekula kəm loo ndòo a dəs mbɔr dee’g dəb el, Mbata ɓasinè n’orè kəm neḛ dɔ dee’g sḭ.

Lugu 2:32

Yee neelé to lookàr gə́ a ndogó jol-jol dɔ ginkoji dəwje gə raŋg’g ləm, A kula rɔnduba dɔ koso-dəwje ləi gə́ Israɛl lé ləm tɔ.

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.