Jakari 2:12 - Maktub gə́ To gə Kəmee

¹² Mbata Njesigənea̰ gə́ njeboo-néje pa togə́bè pana: Goo néje gə́ neelé ɓa rɔnduba a ree ɓəi. Yeḛ ulam rɔ ginkoji dəwje gə́ njékṵda sí banrɔje lé: Mbata nana ɓa gə́ ɔrɔ rɔ sí ndá Ɔrɔ rɔ ŋgonkəm neḛ-neḛ nja.

Jakari 2:12 ပူးပေါင်းရင်းမြစ်များ

2 Sôrta Gḭka Israɛlje 6:6

nɛ Jerusalem ɓa ma m’ɔree gə mba kar rim ɓar keneŋ ləm, Dabid ɓa ma m’ɔree mba karee to mbai dɔ koso-dəwje’g ləm gə́ Israɛl ləm tɔ!

Este 6:13

Aman ɔr sor néje lai gə́ teḛ dəa’g lé ar Jeres gə́ to dené ləa ləm, gə deḛ lai gə́ to baokuraje ləa ləm tɔ. Yen ŋga deḛ lai gə́ to njékwɔjita-kəmkàrje ləa ləm, gə Jeres, dené ləa ləm tɔ d’ulá pana: Ɓó lé Mardose gə́ i un kudu koso kas nea̰’g lé to gə́ ginkoji Jip ndá i a kaskəm ra səa né kára el nɛ i ɓa a koso kas nea̰’g ya.

Pakɔsje 105:15

Pana: Njé’g ləm gə́ m’wa dɔ dee gə ubu lé Maji kar sí ɔrɔje rɔ dee el ləm, Njéteggintaje ləm lé kara Raje sə dee majel el ləm tɔ.

Pakɔsje 132:13

Bèe ya, Njesigənea̰ lé mbər Sio̰ ləm, Yeḛ ndiŋga rəa gə mba karee to loo-siée ləm tɔ pana:

Pakɔsje 132:14

To loo-kwa-rɔ lə neḛ gə́ a to saar-saar gə no̰ ləm, N’a si keneŋ ləm tɔ Mbata neḛ nja neḛ ndigi togə́bè.

Pakɔsje 135:4

Mbata Njesigənea̰ lé nja ɓa mbər Jakob ləm, Ar Israɛl to gə́ kea̰ nja doŋgɔ doi ləm tɔ.

Pakɔsje 33:12

Ginkoji dəwje gə́ Njesigənea̰ to Ala lə dee lé D’isi dan rɔlel’g ya, Koso-dəwje gə́ yeḛ ɔr dee unda dee gə kəmee gə́ nédɔji ləa lé Rɔ dee lel dee tɔ.

Pakɔsje 82:8

Ǝi Ala, maji kari uba naŋg ḭtar, Gaŋ rəwta dɔ naŋg nee ya, Mbata ginkoji dəwje gə raŋg lai lé to gə́ kaḭ-i nja kára ba.

Esai 14:1

Mbata Njesigənea̰ a koo kəmtondoo lə ŋgaka Jakob ləm, yeḛ a mbər Israɛlje ya ləm tɔ ndá, a tel kunda dee mee ɓee’g lə dee gogo, dəw-dɔ-ɓeeje d’a kɔm sə dee na̰’d ləm, d’a kɔm na̰’d gə ŋgaka Jakob ləm tɔ.

Esai 17:14

Loo gə́ kàrkemetag ndá aa ooje, ɓəl-boo wa dee, Kédé ɓa gə mba kar loo àr ɓəi lé Deḛ godo ŋga! Yee ɓa to gə́ nékoga-dɔ-ji dee-deḛ Gə́ to njétuji néje lə sí ləm, Gə né ka̰ dee-deḛ Gə́ to njéɓogo síje lé ləm tɔ.

Esai 41:9

Seḭ gə́ m’ɔr sí gwɔi naŋg’d ləm, M’ɓar sí ɓee gə́ əw’g m’ree sə sí ləm tɔ lé M’ula sí m’pana: Seḭ toje kuraje ləm, Ma nja m’ɔr sí ɓó m’uba sí m’ya̰ sí el.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 30:16

Nɛ deḛ lai gə́ rumi lé d’a rum dee tɔ, Deḛ lai gə́ to njéba̰je ləi lé D’a kwa dee kaw sə dee ɓee-ɓər’g ya tɔ. Deḛ lai gə́ d’odo néje ləi lé D’a kodo néje lə dee tɔ, Deḛ lai gə́ d’undai banrɔ lé M’a kar dee d’unda dee banrɔ tɔ.

Jeremi 51:19

Ala gə́ to ka̰ Jakob lé To to gə́ deḛ bèe el, Mbata yeḛ nja to njera néje lai ləm, Israɛlje to ginkoji gə́ to nédɔji ləa ləm tɔ. Njesigənea̰ gə́ njeboo-néje ɓa gə́ ria.

Jakari 1:17

Maji kam m’ra né wəl ya tɔɓəi m’pana: Njesigənea̰ gə́ njeboo-néje pa togə́bè pana: Ɓee-booje lə neḛ d’a tel kiŋga némajije Gə́ a taa rɔ dee pəl-pəl ya ɓəi, Njesigənea̰ a gɔl mee Sio̰ ya ɓəi ləm, A tel kɔr kəm ɓee gə́ Jerusalem gə́ nékea̰ ɓəi ləm tɔ.

Jakari 3:2

Njesigənea̰ ula Njekurai pana: Njekurai, maji kar Njesigənea̰ ila ta dɔi’g. Maji kar Njesigənea̰ yeḛ gə́ njekɔr Jerusalem kundá gə kəmee lé ila ta dɔi’g ya. See dəw neelé to asəna gə dɔdum kag gə́ d’ɔree ta pər’g el wa.

Tel tura Godndu 32:10

Yeḛ iŋga dee dɔdilaloo’g, Dan ndu no̰’g lə daje gə́ wala gə́ to ɓəl, Yeḛ aḭ bada dɔ dee’g ləm Yeḛ aa dɔ dee kər-kər ləm tɔ, Yeḛ tɔs kəmee dɔ dee’g Asəna gə ŋgonkəmee bèe,

Tel tura Godndu 32:9

Mbata né lə Njesigənea̰ lé To koso-dəwje ləa, Jakob lé ɓa to nénduba ləa tɔ.