Jakari 2:10 - Maktub gə́ To gə Kəmee

¹⁰ Njesigənea̰ pana: Seḭ gə́ ma m’sané sí dɔkum looje gə́ sɔ lé Maji kar sí ḭje ɓee gə́ dɔgel aḭje. Njesigənea̰ pa bèe.

Jakari 2:10 ပူးပေါင်းရင်းမြစ်များ

Pakɔsje 40:7

I lé ndiŋga nékinjaməs əsé nékar el, I ɓa kɔd mbim ila tag ya, I dəji nékinjaməs gə́ ka̰ roo əsé nékoga-kaiya el.

Pakɔsje 68:18

Pusu-rɔje lə Njesigənea̰ lé Kudu kára lé bula digi-digi, bula digi-digi as loo dɔg-dɔg, Mbaidɔmbaije lé si mbuna dee’g, Sinai lé to mee loo gə́ to gə kəmee’g.

Teḛ-Raga 29:45

M’a si mbuna Israɛlje’g ləm, m’a to Ala lə dee ya ləm tɔ.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 37:22

Aa oo, ta gə́ Njesigənea̰ pa wɔji ne dəa ɓa nee: Ŋgoma̰də gə́ to ŋgon dené gə́ Sio̰ Ǝ̰jii bəḭ-bəḭ ləm, yeḛ kogo dɔi’g ləm tɔ, Ŋgon dené gə́ Jerusalem Tuga dəa jəgm-jəgm gooi’g kən tɔ.

Esai 42:10

Ɔsje pa gə́ sigi arje Njesigənea̰, Ɔsje pa pideeje ne Areeje ɔr gwɔi naŋg nee njal, Seḭ gə́ awje dɔ baa-boo-kad’g Gə seḭ gə́ síje ta’g ləm, Seḭ dɔgoré-looje gə dəwje lai gə́ d’isi keneŋ ləm tɔ.

Esai 48:20

Undaje loo mee ɓee gə́ Babilɔn teḛje ləm, Ḭje dan Kaldeje’g aḭje ləm tɔ! Paje gə ndu kalrɔ, ilaje ne mberee Ar deḛje gə́ d’isi gwɔi naŋg’d d’oo taree Pajena: Njesigənea̰ uga dɔ kura ləa Jakob!

Esai 51:11

Togə́bè ɓa deḛ gə́ Njesigənea̰ uga dɔ dee lé D’a tel ree, D’a tel ree Sio̰ gə pa kun baŋga ta dee’g Ndá rɔlel gə́ to gə no̰ a to dɔ dee’g asəna gə dɔgugu bèe, Kalrɔ gə rɔlel d’a ree pər gə́ rɔ dee’g ləm, Meeko̰ gə tuma̰ ŋgururu-ŋgururu d’a sané pá ləm tɔ.

Esai 52:11

Ḭje lée’g neelé undaje loo teḛje, gə́ teḛje ya! Tibije mbɔr né gə́ mina̰ kára kara el! Saaje rɔ sí rɔ dee’g. Ɔrje won kaiya rɔ sí’g, Seḭ gə́ odoje nékulaje lə Njesigənea̰ lé!

Esai 54:1

I ɓee gə́ Jerusalem gə́ to asəna gə kawkad gə́ oji ŋgon el bèe lé Maji kari al rɔi! I gə́ to asəna gə dené gə́ ndóo ulá ndubu gɔl kára el ɓəi lé Ɔr ndui gə́ tar wəl, i gə́ ndòo ulai ndubu kəm kára el ɓəi lé! Mbata dené gə́ deḛ d’ubá d’yá̰ lé Ŋganeeje d’a bula kunda ka̰ dené gə́ njeŋgao ya. Njesigənea̰ ɓa pa bèe.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 66:14

Seḭ a kooje ndá meḛ sí a lel sí ləm, Siŋga rɔ sí kara a ŋgəŋ ne ŋgəŋ-ŋgəŋ To gə́ mu gə́ idi bèe ləm tɔ. Njesigənea̰ a riba dɔ siŋgamoŋ ləa rɔ kuraje’g ləa Nɛ yeḛ a kar njéba̰je ləa d’oo oŋg-boo ləa.

Jeremi 30:19

Ndu ra oiyo gə ndu kalrɔ A ɓar wəl dan dee’g, M’a kar bula lə dee Ḭ dɔ maree’d gə́ kédé-kédé Ɓó bula lə dee a rəm el. M’a kila riɓar dɔ dee’g Ndá d’a kḛji dee bəḭ-bəḭ el.

Jeremi 31:12

D’a ree ra ne wəl gə rɔlel Dɔ dɔdərlooje gə́ Sio̰, D’a kaiŋgwɔd gə́ dɔ némajije’g Le Njesigənea̰ gə́ to wa ləm, Gə mán-nduú gə́ sigi ləm, gə ubu ləm, Gə badje ləma, gə maŋgje ləm tɔ, Meḛ dee a to kasəna gə loo-kamnaḭ Gə́ saga mán keneŋ bèe Ndá d’a si dan némeeko̰’g el ŋga.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Ejekel 37:27

Loo-si neḛ a to mbuna dee’g ləm, n’a to Ala lə dee ləma, deḛ d’a to koso-dəwje lə neḛ ləm tɔ.

Ejekel 48:35

Loo gə́ gugu dəa as kəmkil dəw tɔl-dɔg-loo dɔg giree-jinaijoo (18000). Bèe ɓa un kudee mee ndəa’g neelé, ɓee-boo neelé d’a ɓaree pana: Njesigənea̰ si loo gə́ nee ya.

Ləbije 26:12

M’a njaa sə sí ləm, m’a to Ala lə sí ləma, seḭ a toje dəwje ləm ləm tɔ.

Soponi 3:17

Njesigənea̰, Ala lə sí si mbuna sí’g Yeḛ to bao-rɔ gə́ to njekaji sí, Yeḛ a kar sí toje nérɔlel ləa gə́ boo, Yeḛ a kila təa maree’g gə goo meenoji ləa, Yeḛ a kal rəa gə boo-rɔkal mbata lə sí tɔ.

Jakari 1:16

Gelee gə́ nee ɓa Njesigənea̰ pa ne togə́bè pana: N’a gə tel ree Jerusalem gə meemaji Ndá d’a tel kunda kəi lə neḛ gogo ləm, D’a kwɔji Jerusalem gə kúla ləm tɔ.

Jakari 14:5

Togə́bè ɓa seḭ a kaḭje kawje kəm wəl mbalje’g, Mbata wəl mbalje neelé d’a kaw njal teḛ Asel ya. Seḭ a kaḭje to gə́ seḭ aḭje ne no̰ naŋg gə́ yə’g Mee ləbee gə́ Ojias to ne mbai gə́ Juda lé bèe. Ndá Njesigənea̰, Ala ləm, a ree gə njémeendaje ləa lai na̰’d.

Jakari 2:11

Seḭ njé gə́ Sio̰, Seḭ gə́ síje ɓee-ɓər gə́ Babilɔn lé Maji kar sí aḭje ajije rɔ sí.

Jakari 2:5

M’un kəm gə́ tar m’aa loo gərərə ndá aa oo, dəw kára aar gə kúla-kwɔji-né jia’g.

Jakari 8:3

Njesigənea̰ pa togə́bè pana: Neḛ n’tel n’ree Sio̰, Neḛ ndigi si dan njé gə́ Jerusalem’g. D’a ɓar Jerusalem lé ɓee-boo gə́ njekila koji ləm, Mbal lə Njesigənea̰ gə́ njeboo-néje lé D’a ɓaree mbal gə́ to gə kəmee ləm tɔ.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Malasi 3:1

Aa ooje, m’a kula njekaḭkula ləm ndá yeḛ ɓa a gɔl rəw nɔm’g ndá Mbaidɔmbaije gə́ seḭ sa̰geeje lé a teḛ wai kandə kəi-siée’g. Aa ooje, njekaḭkula gə́ ka̰ manrɔ gə́ seḭ ndiŋgaje lé yeḛ si ree ya. Njesigənea̰ gə́ njeboo-néje lé ɓa pa bèe.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tagə́maji gə́ Ja̰ ndang 14:23

Jeju ilá keneŋ pana: Dəw gə́ rara ɓa gə́ undam dan kəmee’g lé a kaa dɔ ta ləm kər-kər ya ndá Bɔm a kundá dan kəmee’g kar síjeḛ səa n’ree rəa’g j’uru kəi mée’g tɔ.

Tel tura Godndu 28:64

Njesigənea̰ a sané sí mbuna ginkoji dəwje gə raŋg’g, un kudee gwɔi naŋg’d bər njal teḛ ne rudee gə́ dɔ-gó, lé gə́ neelé ɓa seḭ a poleje magəje gə́ to kag əsé mbal gə́ seḭ əsé bɔ síje-je gər dee kédé el lé keneŋ.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.

Loo gə́ killa rea kəm Ja̰’g 2:1

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Epesə pana: Aa oo, yeḛ gə́ kéréméje gə́ siri to jikɔlee’g lé yeḛ gə́ njaa dan kag pərndɔje gə́ siri gə́ ra gə larlɔr neelé yeḛ nja ɓa pana:

Loo gə́ killa rea kəm Ja̰’g 21:3

Ma m’oo ndu dəw ɓar boi wəl gə́ par gə́ loo kalimbai’g lé pana: Aa ooje, kəi-Ala lé to mbuna dəwje ləa. Yeḛ a sí sə dee ləm, deḛ kara d’a to dəwje ləa ləma, yeḛ kara a to Ala lə dee ləm tɔ.