Jakari 14:7 - Maktub gə́ To gə Kəmee

⁷ A to ndɔ gə́ kára ba gə́ Njesigənea̰ ɓa gər Gə́ a to lookàr el ləm, gə loondul el ləm tɔ, Nɛ loo gə́ kàrkemetag ndá lookàr ɓa a teḛ wai.

Jakari 14:7 ပူးပေါင်းရင်းမြစ်များ

Pakɔsje 37:18

Njéra nédanaje lé Njesigənea̰ gər ndɔje lə dee gao ləm, Nédɔji lə dee kara To saar-saar gə no̰ ya ləm tɔ.

Esai 11:9

Dɔ mbal’g ləm gə́ to gə kəmee bura lé Dəwje d’a ra né gə́ majel əsé d’a tuji né keneŋ el Mbata gər Njesigənea̰ a taa dɔ naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər lé bèe.

Esai 24:23

Naḭ a tel ndul njudu-njudu ləm, Kàr a kɔs el ləm tɔ, Mbata Njesigənea̰ gə́ njeboo-néje a ko̰ɓee Mee ɓee gə́ Jerusalem gə́ to dɔ mbal gə́ Sio̰ Kar rɔnduba ləa ndogó kəm ŋgatɔgje’g ləa ya.

Esai 30:26

Ndogó lə naḭ a tel to to gə́ ka̰ kàr bèe ləm, Kɔs lə kàr lé siŋgá a kur dɔ kɔs’g ləa gə́ ndɔ kára as gɔl siri ləm tɔ Loo gə́ Njesigənea̰ a tɔ ta doo lə koso-dəwje ləa Kar ta dooje gə́ d’iŋga loo gə́ yeḛ kunda dee lé ər kəmsə.

Esai 45:21

Paje taree gə́ raga ləm Tɔjije né gə́ ɔr ginee gə́ raga ləm tɔ! Maji kar dee dəji na̰ ta dɔ’g! See na̰ ɓa pata néje nee Gə́ a gə ree kédé gə́ dɔtar ləm, Ila mberee kédé gə́ ləw ləm lé wa. See to ma Njesigənea̰ el wa. Ala gə́ raŋg godo, Ma nja m’to Ala kára ba kiao Gə́ m’to njera nédanasur ləm, M’to njekaji dəwje ləm ləm tɔ.

Esai 58:10

Ɓó lé i un né ləi gə́ i sí ne kəmba Ar yeḛ gə́ ɓó tɔlee ləm, Ɓó lé i ar mee njendoo ndan tub ləm tɔ ndá Ndogó ləi a ndogó jol-jol loondul’g ləm, Loondulje ləi lé D’a to asəna gə kàr gə́ aar daŋdɔ bèe ləm tɔ.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 30:7

Meeko̰ gə́ ban ɓa bèe wa! Mbata ndɔ neelé to ndɔ gə́ boo! Ndɔ gə́ raŋg gə́ as səa kédé lé godo. To kàr néɓəŋgərəti mbata lə Jakob, Nɛ yeḛ a teḛ ta’g gə majee ya.

Loo gə́ killa rea kəm Daniel’g 12:4

Nɛ i Daniel lé, taje neelé maji kari ŋgəm taree məəi’g ləm, rḛdə ta maktubee mbiao̰ saar teḛ ne ndəa gə́ rudee a gə kun lé ləm tɔ. Bèe ɓa dəwje bula d’a tura taree ləm, négər lə dee a kḭ ne dɔ maree’d gə́ kédé-kédé ləm tɔ.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Amɔs 8:9

Mbaidɔmbaije gə́ Njesigənea̰ pa pana: Mee ndəa’g neelé n’a kar kàr Gə́ aar daŋdɔ bèe ya andə ləm, Dan kàrá kara n’a kar dɔ naŋg ndul ndiŋ-ndiŋ ləm tɔ.

Matiyo 24:36

Ndɔ teḛ lə néje neelé dəw kára kara gər ndəa əsé kàree el. Kuraje gə́ dara lé gər el ləm, Ŋgon-dəw kara gər el ləm tɔ nɛ Bɔbeeje nja gə karee ba ɓa gər.

Mark 13:32

Nɛ ta gə́ wɔji dɔ ndəa əsé dɔ kàree lé dəw kára kara gər el ɓəi, dəwje gə́ dara gər el ləm, Ŋgon kara gər el ləm tɔ, nɛ Bɔ-dəwje nja kára ba kiao ɓa gər ya.

Néra Njékaḭkulaje 1:7

Yeḛ tel ila dee keneŋ pana: Bɔm nja wɔji ndəa gə kàree to gə́ mée ndigi ɓó to ta lə sí-seḭ ɓa gə mba gər ndəa əsé kàree el.

Néra Njékaḭkulaje 15:18

Mbaidɔmbaije gə́ njegɔl néje neelé Gə́ yeḛ riba dɔ dee kédé par-par lé yeḛ nja ɓa pa bèe.

Néra Njékaḭkulaje 17:26

Məs dəw kára ba ya yeḛ unda ne ginka dəwje gə́ loo-loo ləm, yeḛ wɔji ne loo-si dee si dee dɔ naŋg nee ləm tɔ. Yeḛ wɔji ləb si dee si dee ləm, gə rəw-nim ɓeeje lə dee ləm tɔ.

Néra Njékaḭkulaje 17:31

mbata yeḛ unda ndɔ gə́ yeḛ a gə gaŋg rəwta dɔ dəwje gə́ dɔ naŋg neelé gə goo rəbee ləm, dəw gə́ a gə gaŋg rəwta neelé kara yeḛ unda doi ləm tɔ. Yeḛ ar dəwje lai d’oo ta neelé gao loo gə́ yeḛ ar debee neelé unda loo teḛ dan njé gə́ d’wəi’g.

1 Njé gə́ Tesalonikə 5:2

Mbata seḭ lé seḭ gərje gao, ndɔ lə Mbaidɔmbaije lé a kuba sí naŋg bus asəna gə njeɓogo gə́ ree loondul’g bèe.

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 14:6

Ma m’oo kura gə́ dara gə́ raŋg gə́ nar bibibi dan dara’g. Yeḛ ɓa aw gə Tagə́maji gə́ to gə no̰ lé mba kila mberee kar dəwje gə́ dɔ naŋg nee, kar ginkoji dəwje gə raŋg lai ləm, gə gelɓee dəwje-dəwje lai ləm, gə dəwje lai gə́ tapa dee to gə ria-ria ləma, gə koso-dəwje lai ləm tɔ.

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.

Loo gə́ killa rea kəm Ja̰’g 21:25

D’a kudu tarəwje neelé el mbata loo gə́ ndul ɗigi godo keneŋ.

Loo gə́ killa rea kəm Ja̰’g 21:3

Ma m’oo ndu dəw ɓar boi wəl gə́ par gə́ loo kalimbai’g lé pana: Aa ooje, kəi-Ala lé to mbuna dəwje ləa. Yeḛ a sí sə dee ləm, deḛ kara d’a to dəwje ləa ləma, yeḛ kara a to Ala lə dee ləm tɔ.

Loo gə́ killa rea kəm Ja̰’g 22:5

Loondul a godo keneŋ ləm, pərndɔ əsé néndogó kára kara d’a kaw ndée keneŋ el ŋga ləm tɔ mbata Ala gə́ to gə́ Mbaidɔmbaije lé ɓa a ndogó rəw no̰ dee’g. D’a ko̰ɓee gə ləb dee ləb dee saar-saar gə no̰.