Jakari 14:6 - Maktub gə́ To gə Kəmee

⁶ Mee ndəa’g neelé loo a ndogó el ləm, Kul gə kwɔji ɓa a to ləm tɔ.

Jakari 14:6 ပူးပေါင်းရင်းမြစ်များ

Pakɔsje 112:4

Lookàr lé ḭ ndogó loondul’g Mbata lə njéra nédanaje lé ləm, Mbata lə dəw gə́ to njemeekoso lemsé Gə njekoo kəmtondoo gə njemeekarabasur ləm tɔ.

Esai 13:10

Mbata kéréméje gə́ boi Gə ŋgan kéréméje gə́ gugu dɔ dee lé D’a kar rɔndɔḭ lə dee ndogó el ləm, Léegəneeya kàr gə́ a kuba bər lé a tel ndul njudu-njudu ləma, Naḭ kara a kar ndá ləa ndogó el ləm tɔ.

Esai 24:23

Naḭ a tel ndul njudu-njudu ləm, Kàr a kɔs el ləm tɔ, Mbata Njesigənea̰ gə́ njeboo-néje a ko̰ɓee Mee ɓee gə́ Jerusalem gə́ to dɔ mbal gə́ Sio̰ Kar rɔnduba ləa ndogó kəm ŋgatɔgje’g ləa ya.

Esai 50:10

Nana ɓa mbuna sí’g gə́ ɓəl Njesigənea̰ lé Maji karee oo ndu kura ləa! Nana ɓa gə́ njaa dan loondul’g lal lookàr ɓəi lé Maji karee ɔm mée dɔ ri Njesigənea̰’g ləm, Karee nduna rəa kaar Ala’g ləa ləm tɔ.

Jeremi 4:23

Ma m’aa naŋg gərərə Ndá aa oo, naŋg nee to kari ba Ar né kára kara godo keneŋ, M’aa dara kara néndogó ləa sané pa.

Ejekel 32:7

Loo gə́ n’a kar néndogó ləi wəi misi ndá n’a kila né kəm dara’g ndá n’a kar kéréméje gə́ keneŋ ndogó el ləm, n’a kar mum o̰ kəm kàr ləma, nai a ndogó el ləm tɔ.

Ejekel 32:8

N’a kar néndogóje gə́ mee dara’g tel ndogó el gə mbata ləi, tɔɓəi n’a kar loondul dəb dɔ ɓee’g ləi rigim. Mbaidɔmbaije gə́ Njesigənea̰ ɓa pa bèe.

Ojee 6:3

Ar sí n’gərje Njesigənea̰ ndolèje gée, Ree ləa lé to tɔgərɔ to gə́ kàr gə́ uba kuji’g bèe. Yeḛ a ree asəna gə mán ndi bèe mbata lə sí ləm, Asəna gə ndi gə́ doŋgɔr gə́ yɔm dɔ naŋg bèe ləm tɔ.

Joɛl 2:2

To ndɔ ka̰ loo gə́ ndul njudu-njudu Gə loo gə́ dəb bigim ləm, To ndɔ gə́ mum a koso ləm Ndi a kḭ loḭ-loḭ ləm tɔ. Yee ree asəna gə kàr gə́ uba kuji’d Gə́ ar loo àr dɔ mbalje’g bèe. Aa ooje, ginkoji dəwje gə́ bula digi-digi Gə́ to njésiŋgamoŋje Gə́ dəw oo gar dee kédé el ləm, D’a koo gar dee gə́ togə́bè gogo nda̰ el ləm tɔ.

Tagə́maji gə́ Ja̰ ndang 1:5

Lookàr neelé inja loondul’g njai-njai, loondul lé oma̰ səa nɛ oma̰ səa pi.

Tagə́maji gə́ Ja̰ ndang 12:46

M’ree dɔ naŋg nee asəna gə lookàr mba kar nana ɓa gə́ ɔm mée dɔm’g ndá a nai dan loondul’g el.

Néra Njékaḭkulaje 2:16

Nɛ né gə́ ra dee lé njetegginta gə́ ria lə Joɛl pa taree kédé pana:

Néra Njékaḭkulaje 2:19

M’a kar néje gə́ dumkoo teḛ mee dara gə́ tar ləm, Nétɔjije d’a teḛ dɔ naŋg nee ləm tɔ: Məs ləm, gə pər ləma, gə sa pər gə́ uba ŋgɔg-ŋgɔg ləm tɔ.

Njé gə́ Kolosə 1:12

Bɔ síje gə́ gɔl sí mba kar sí iŋgaje nédɔji lə sí na̰’d gə deḛ gə́ to gə kəmee gə́ d’isi dan lookàr’g lé maji kar sí reaje oiyo.

2 Piɛrə 1:19

Yee ɓa, jeḛ j’oo ne ta lə njéteggintaje gə́ pa kédé lé to ne lée’g njaŋg ya. Seḭje kara maji kar sí waje ta neelé dɔɓəŋgərə sí’g bururu ya mbata ta neelé to asəna gə pərŋgel gə́ ndogó loondul’g saar ar loo àr ɓó gə kar duje lookàr inja ne dɔɓəŋgərə sí’g.

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 11:3

M’a kun ndum kar njékɔrgootaje ləm gə́ joo lé siŋga dee mba kɔr ne goo ta kar ndɔ dee tɔl-dɔg-giree-joo gə dəa rɔ-misa̰, d’a kaar gə kubu-kwa-ndòo rɔ dee’g.