Jakari 14:5 - Maktub gə́ To gə Kəmee

⁵ Togə́bè ɓa seḭ a kaḭje kawje kəm wəl mbalje’g, Mbata wəl mbalje neelé d’a kaw njal teḛ Asel ya. Seḭ a kaḭje to gə́ seḭ aḭje ne no̰ naŋg gə́ yə’g Mee ləbee gə́ Ojias to ne mbai gə́ Juda lé bèe. Ndá Njesigənea̰, Ala ləm, a ree gə njémeendaje ləa lai na̰’d.

Jakari 14:5 ပူးပေါင်းရင်းမြစ်များ

Pakɔsje 96:13

No̰ Njesigənea̰’g mbata yeḛ si ree ya, Yeḛ ree gə mba gaŋg rəwta dɔ naŋg nee, Yeḛ a gaŋg rəwta gə dɔ najee dɔ naŋg nee ləm, Yeḛ a gaŋg rəwta lə dəwje gə goo meenda londoŋ ləa ləm tɔ.

Pakɔsje 98:9

No̰ Njesigənea̰’g ya, Mbata yeḛ ree gə mba gaŋg rəwta dɔ naŋg nee ya. Rəwta-gaŋg gə́ yeḛ a gaŋg dɔ dəwje gə́ dɔ naŋg neelé Yeḛ a gaŋg gə goo meekarabasur ya ləm, Ka̰ koso-dəwje lé kara Yeḛ a gaŋg gə dɔ najee ya ləm tɔ.

Esai 29:6

Ndá Njesigənea̰ gə́ njeboo-néje a ree rɔi’g Gə ndije gə́ ndaŋg ləm, Gə́ naŋg gə́ yə ɓugu-ɓugu ləm, Gə kaa né gə́ ɓar gə́ to ɓəl kədm-kədm ləm, Gə ko̰ ndi gə lel-boo ləma, Gə ndo̰ pər gə́ roo loo dula-dula ləm tɔ.

Amɔs 1:1

Taje lə Amɔs gə́ to yeḛ gə́ kára mbuna njékulbadje’d gə́ Tekoa lé. Némḭdije gə́ yeḛ oo wɔji dɔ Israɛl mee ndəa gə́ Ojias to ne mbai gə́ Juda ləm, Jeroboam, ŋgolə Joas to ne mbai gə́ Israɛl ləm tɔ lé ləb joo ɓad ɓa kar naŋg yə ɓəi lé.

Misee 1:11

Seḭ dəw-mee-ɓeeje gə́ Sapir lé Maji kar sí dəsje awje kudu sí dum gə rɔkul! Seḭ gə́ síje Saanan lé Seḭ asjekəm kundaje loo teḛje el ləm, Kəmndooyoo gə́ Bet-Haəsel lé Ɔg sí loo-kula-dɔ sí keneŋ ləm tɔ.

Jakari 4:7

I mbal gə́ boi lé see i to gə́ ɗi ɓa no̰ Jorobabel’g wa. Jorobabel a kari asəna rai-rai. Yeḛ a kɔr ne rudu kɔr mbal kunda ne sém kəi gə́ tar Dan ndu dəwje gə́ ɓar wəl-wəl’d gə́ pana: Maji péd-péd! Maji péd-péd!

Bula lə Israɛlje 16:34

Israɛlje lai gə́ d’aar gugu dɔ dee sub lé d’aḭ, loo gə́ d’oo ndu no̰ gə kii lə dee, mbata deḛ pana: Ar sí j’aḭje nà banelə dɔ naŋg a turu síjeḛ bèe to!

Matiyo 16:27

Mbata Ŋgon-dəw lé a ree gə kuraje ləa gə́ dara na̰’d gə rɔnduba gə́ bɔbeeje a kula dəa’g. Ndəa neelé yeḛ a kuga nana kara gə goo kula rəa-rəa ya.

Matiyo 24:3

Loo gə́ yeḛ rəm si naŋg dɔ mbal gə́ ria lə Koiyoje lé ndá njékwakiláje ya gə kar dee ba rəm pər gə́ rəa’g dəjee pana: Maji kari ula sí, see ndɔ gə́ ra ɓa a to ndɔ teḛ ləa ɓəi wa. Esé see ɗi ɓa a tɔji sí ndɔ ree ləi gə ndɔ rudu naŋg nee lé ɓəi wa.

Matiyo 25:31

Loo gə́ Ŋgon-dəw a gə ree dan rɔnduba’g ləa gə kuraje gə́ dara lé ndá yeḛ a kuba dɔ kalimbai rɔnduba’g ləa lé ndoi si keneŋ.

Lugu 21:27

Yen ŋga d’a koo Ŋgon-dəw gə́ a teḛ dan loo-kil’g lə ndi gə siŋgamoŋ ləm, gə rɔnduba ləm tɔ.

Tel tura Godndu 33:2

Yeḛ pana: Njesigənea̰ ḭ mbal gə́ Sinai ree ləm, Yeḛ ḭ aar dɔ dee’g dɔ mbal’d gə́ Seir, Yeḛ ndogó jol-jol dɔ mbal gə́ Paran, Yeḛ unda loo mbuna deḛ gə́ to gə kəmee’d gə́ bula digi-digi lé teḛ, Yeḛ ula gə pər gə godndu Gə́ to jikɔlee’g lé ar dee.

1 Njé gə́ Tesalonikə 3:13

Maji karee ar meḛ sí to kɔgərɔ mba kar sí toje dəwje gə́ to gə kəmee gə́ ta kára kara wa dɔ sí no̰ Ala Bɔ síje’g el mee ndəa gə́ Jeju Mbaidɔmbaije a ree gə dəwje ləa lai gə́ to gə kəmee lé.

2 Njé gə́ Tesalonikə 2:8

Ndəa neelé, yeḛ gə́ njekɔs Ala rəw lé a nduba rəa gə́ raga, nɛ lel ta Mbaidɔmbaije gə́ a tó dəa’g pu lé a tujee ne ləm, rɔnduba gə́ wɔji dɔ ndɔ ree ləa lé a guree naŋg rug-rug ləm tɔ.

Maktub gə́ Jak ula ne ar ngan-Allaje 5:8

Seḭ nja kara ilaje meḛ sí dɔ maree’g ləm, aije meḛ sí sam-sam mbata ndɔ ree lə Mbaidɔmbaije nai ŋgwɔi bèe.

Loo gə́ killa rea kəm Ja̰’g 11:13

Mee kàree’g neelé naŋg yə ɓugu-ɓugu ndá dəb ɓee-boo lé tuji loo-kára ndá debeeje nai jinaikara. Dəwje tɔl-dɔg-loo-siri d’wəi keneŋ ndá dɔkal deeje gə́ nai lé ɓəl yaa̰ ləm, d’ula ne rɔnduba dɔ Ala’g gə́ si dara lé ləm tɔ.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.

Loo gə́ killa rea kəm Ja̰’g 20:4

Ma m’oo kalimbaije lé, deḛ gə́ d’isi keneŋ lé d’un ndu dee d’ar dee gə mba gaŋg rəwta. M’oo ndu dəwje gə́ goré gwɔb dee mbata goo ta lə Jeju gə goo ta lə Ala gə́ d’ɔr lé tɔ. D’wa néndaji rɔ da lé meḛ dee’g el ləm, d’iŋga nétorji ŋgo no̰ dee’g əsé ji dee’g el ləm tɔ. Deḛ tel d’isi kəmba gogo ndá d’o̰ ɓee gə Kristi na̰’d ləb dee tɔl-dɔg.