Jakari 14:4 - Maktub gə́ To gə Kəmee

⁴ Mee ndəa’g neelé yeḛ a kila gɔlee dɔ mbal gə́ ria lə Mbal-Koiyoje Gə́ wɔji dɔ Jerusalem njoroŋ mbɔr loo gə́ bər’g, Mbal gə́ ria lə Mbal-Koiyoje lé A ta̰ dana par gə́ bər ləm, gə dɔ-gó ləm tɔ Ndá a tel to wəl-loo gə́ boo tɔ. Ges mbal lé a rəm gə gée par gə́ dɔgel ləm, Gesee a rəm gə gée par gə́ dɔkɔl ləm tɔ.

Jakari 14:4 ပူးပေါင်းရင်းမြစ်များ

2 Samel 15:30

Dabid uba dɔ mbal gə́ ria lə mbal Koiyoje. Yeḛ aw no̰ gə mán-no̰ kəmee’g ləm, on dəa gə kubu ləma, njaa gə gɔlee kari ba ləm tɔ. Deḛ lai gə́ d’aw səa lé d’ɔn dɔ dee gə kubu ləm, d’aw no̰ gə mán-no̰ kəm dee’g ləm tɔ.

Ejekel 11:23

Rɔnduba lə Njesigənea̰ ḭ mee ɓee-boo’g aw aar dɔ mbal’d gə́ to par gə́ bər lə ɓee-boo lé.

Ejekel 38:20

Ka̰jije gə́ dan baa-boo-kad’g ləm, gə yelje gə́ pə̰ dara’g ləm, gə daje gə́ wala ləm, gə néje lai gə́ d’ag naŋg gə ta mee dee ləma, gə dəwje lai gə́ dɔ naŋg nee ləm tɔ lé d’a kunda bala tigi-tigi no̰ neḛ’g. Mbalje d’a tɔr toso ləm, biri mbalje d’a jura naŋg ləma, ndògo-bɔrɔje lai d’a təd kərm-kərm ləm tɔ.

Ejekel 43:2

Ndá aa oo, nérɔnduba lə Ala lə Israɛlje ḭ bər aw gə́ nee. Keaa ɓar asəna gə kaa mán bélm ləm, rɔnduba ləa ar naŋg ndogó ne ɔr jol-jol ləm tɔ.

Habakuk 3:6

Yeḛ aar naŋg ndá yeḛ wɔji loo gə́ dɔ naŋg nee gə kəmee, Yeḛ aa loo gərərə ndá ar ginkoji dəwje gə raŋg d’unda bala, Dɔ mbalje gə́ to gə ləb dee ləb dee gə no̰ lé Tɔ pɔs-pɔs ləm, Dɔdərlooje gə́ ləw lé Rəm gə́ naŋg ləm tɔ, Deḛ ɓa gə́ kila-rəwje gə́ yeḛ njaa keneŋ kédé lé.

Jakari 14:10

Ɓee bura a tel to kasəna gə ndag-loo gə́ un gelee Geba saar teḛ Rimo̰, Par gə́ dɔkɔl lə Jerusalem, Ndá Jerusalem lé d’a kunee gə́ tar karee to lée’g ya Un gelee tarəwkɔg’d lə Bḛjami ya Saar teḛ ne loo gə́ tarəw gə́ dɔtar ləm, Saar teḛ ne tarəw gə́ to dɔkum kəije’g ləm tɔ, Un kudee kəi-kaar-kɔgərɔ’g lə Hananeel Saar teḛ ne godə loo-mbula-Kandə-nduú’g lə mbai ləm tɔ.

Jakari 14:7

A to ndɔ gə́ kára ba gə́ Njesigənea̰ ɓa gər Gə́ a to lookàr el ləm, gə loondul el ləm tɔ, Nɛ loo gə́ kàrkemetag ndá lookàr ɓa a teḛ wai.

Jakari 14:8

Mee ndəa’g neelé manje gə́ d’aḭ teḛ kuji-kuji d’a kḭ Jerusalem Kar gesee a kula par gə́ baa-boo-kad gə́ par gə́ bər ləm, Kar Gesee gə́ raŋg a kula par gə́ baa-boo-kad gə́ dɔ-gó ləm tɔ. A to togə́bè gə naḭ kàr ləm, gə naḭ ɓar ləm tɔ.

Jakari 4:7

I mbal gə́ boi lé see i to gə́ ɗi ɓa no̰ Jorobabel’g wa. Jorobabel a kari asəna rai-rai. Yeḛ a kɔr ne rudu kɔr mbal kunda ne sém kəi gə́ tar Dan ndu dəwje gə́ ɓar wəl-wəl’d gə́ pana: Maji péd-péd! Maji péd-péd!

Mark 11:23

Ma m’ula sí təsərə, ɓó lé nana ɓa ula mbal neelé pana: Ɔr rɔi loo gə́ nee’g al uru dan baa-boo’g, ɓa yeḛ ɔm mée dɔ’g jəb-jəb pana: A to bèe ya to ɓó maḭ gə rəa dɔ’g el ndá yeḛ a koo née gə́ a to torndia’g lé gə kankəmee ya tɔ.