Jakari 14:21 - Maktub gə́ To gə Kəmee

²¹ Ŋgoroje lai gə́ to Jerusalem gə Juda lé D’a to gə kəmee mbata lə Njesigənea̰ gə́ njeboo-néje, Deḛ lai gə́ d’a gə kinja nékinjanéməsje lé d’a ree Ndá d’a ndiri ne daje. Bèe ɓa njételkəmlarje d’a godo mee kəi’g lə Njesigənea̰ gə́ njeboo-néje, mee ndəa’g neelé.

Jakari 14:21 ပူးပေါင်းရင်းမြစ်များ

Nehemi 8:10

Deḛ d’ula dee tɔɓəi pana: Aw sɔje da gə́ to ubu ləm, aw aije nékai gə́ lel ləma, ulaje gə gesee arje deḛ gə́ d’wa dɔ gɔl ka̰ dee el ləm tɔ mbata ɓogənè to ndɔ gə́ to gə kəmee mbata lə Mbaidɔmbaije lə sí. Arje kəm sí to ndòo el mbata rɔlel lə Njesigənea̰ ɓa a to siŋga sí ya.

Esai 35:8

Rəw gə́ kul yududu gə́ to rəw-kwɔi a to keneŋ Ndá d’a ɓaree rəw gə́ to gə kəmee, Dəw gə́ mina̰ kára kara a dəs keneŋ el, Rəbee a to mbata lə koso-dəwje lə Njesigənea̰, Deḛ gə́ d’a njaa keneŋ lé Lé to mbəje kara D’a kaskəm ndəm rəw el.

Esai 4:3

Bèe ɓa ges njé gə́ Sio̰ gə ges njé gə́ Jerusalem Gə́ nai d’a ɓar dee njémeendaje, To nana ɓa gə́ Njesigənea̰ ndaŋg ria Mbuna deḛ gə́ d’isi kəmba Jerusalem lé.

Esai 52:1

Teḛje kəm sí, seḭ gə́ síje Sio̰! Teḛje kəm sí, undaje siŋga sí dɔ maree’g, Ulaje kubu-naḭ rɔ sí’g, Seḭ gə́ Jerusalem, ɓee-boo gə́ to gə kəmee! Mbata deḛ gə́ lal kinja tamɔd dee gə njé gə́ mina̰ lé D’a kandə mee ɓee’g lə sí el ŋga.

Ejekel 44:9

Mbaidɔmbaije gə́ Njesigənea̰ pa togə́bè pana: Dəw-dɔ-ɓee gə́ rara kara gə́ mée tɔ kujita el ləm, gə́ lal kinja tamɔdee ləm tɔ lé a kandə mee kəi’g lə neḛ gə́ to gə kəmee lé el, dəw-dɔ-ɓee gə́ si mbuna Israɛlje’g lé a kandə keneŋ el tɔ.

Ejekel 45:1

Loo gə́ seḭ a raje tḛ́ kaije ne na̰ ɓee karee to gə́ né ka̰ sí ka̰ sí lé ndá seḭ a kaije dəb ɓee karje ŋgalee as kag-kwɔji-né tɔl-dɔg-loo rɔ joo giree-mi (25.000) ləm, tadee as kag-kwɔji-né tɔl-dɔg-loo dɔg (10.000) ləm tɔ, kundaje gə́ nékar gə́ to gə kəmee mbata lə Njesigənea̰, loo neelé lai a to loo gə́ to gə kəmee.

Ojee 12:7

I lé maji kari tel ree rɔ Ala’g lé ləi, Né gə́ to gə́ nḛ́go̰koji ləm, Gə néra gə́ gə goo rəbee ləm tɔ lé Maji kari aar dɔ’g njaŋg Unda ne məəi yel dɔ Ala’g lé ləi ta-ta.

Soponi 1:11

Seḭ dəwje gə́ síje Maktes lé Gə́ no̰je tuma̰je ŋgururu-ŋgururu ya! Mbata deḛ lai gə́ to njérab-néndogoje lé D’wəi mba̰ ləm, Deḛ lai gə́ to njételkəmlarje lé D’udu guduru mba̰ ləm tɔ.

Jakari 14:20

Mee ndəa’g neelé d’a ndaŋg taree dɔ ma̰dje gə́ gwɔs kundaje’g Pana: TO GƎ KƎMEE ƁƎD KAR NJESIGƎNEA̰. Tɔɓəi ŋgoroje gə́ mee kəi’g lə Njesigənea̰ lé D’a to kasəna gə baije gə́ to no̰ loo-nékinjaməs’g bèe.

Jakari 7:6

Tɔɓəi loo gə́ seḭ sɔje gə aije lé See to seḭ ya ɓa sɔje gə aije el wa.

1 Njé gə́ Kɔrḭtə 10:31

Bèe ndá lé né gə́ sɔje əsé né gə́ aije əsé né gə́ rara gə́ seḭ raje kara maji kula ne rɔnduba dɔ Ala’g lé.

Tel tura Godndu 12:12

Lée gə́ neelé ɓa seḭ a kalje rɔ sí keneŋ no̰ Njesigənea̰ Ala’g lə sí, seḭ ləm gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləma, gə Ləbije gə́ d’isi mbuna sí’g ləm tɔ, mbata deḛ lé d’a kiŋga néka̰ dee əsé nédɔji dee mbuna sí’g el.

Tel tura Godndu 12:7

Lée gə́ neelé ɓa seḭ a ko̰je muru no̰ Njesigənea̰ Ala’g lə sí keneŋ, seḭje gə njémeekəije lə sí lai a raje rɔlel mbata némeemajije lai gə́ Ala lə sí gə́ Njesigənea̰ ar sí, loo gə́ yeḛ tɔr ne ndia dɔ sí’g lé.

1 Timote 3:15

ɓa ɓó lé gɔlm nai ti ɓəi ndá i a gər ne néje gə́ kəm ra mee kəi’g lə Ala gə́ to Eglisə lə Ala gə́ njesikəmba lé ləm, gə́ to gaji ŋgɔ-kag gə́ gəd kankəmta lé ləm tɔ.

Ǝbrəje 3:6

Nɛ Kristi gə́ njaa gə ŋgonkoji mee kəi’g lə Ala lé to gə́ Ŋgonee. Ndá jeḛ nja n’to gə́ kəi ləa-yeḛ lé loo gə́ j’aar njaŋg dɔ né gə́ j’ɔm meḛ sí dɔ’g ləm, gə dɔ némeekundayel gə́ jeḛ n’ti ne rɔ sí dɔ’g ləm tɔ.

1 Piɛrə 4:17

Rəwta-gaŋg lé ndəa teḛ mba̰ ndá d’a kun kudee mee kəi’g lə Ala ya. Nɛ ɓó lé d’un kudee ɓee lə síjeḛ ŋga, see deḛ gə́ d’ila koji dɔ Tagə́maji’g lə Ala el lé see ndɔ gə́ rudu lə dee-deḛ lé a to né gə́ ban dɔ dee’g wa.

Loo gə́ killa rea kəm Ja̰’g 21:27

Né gə́ rara gə́ to né gə́ mina̰ əsé ram-dəw gə́ ula rəa dan néndɔlje’g əsé dan néŋgɔmje’g lé d’a kandə mee ɓee’g neelé el. Deḛ gə́ ri dee to mee maktub kəmə’g lə Ŋgonbad lé ɓa d’a kandə keneŋ ya.

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.