Jakari 14:17 - Maktub gə́ To gə Kəmee

¹⁷ Ɓó lé ginkoji dəwje gə́ kára gə́ dɔ naŋg nee a lal kaw Jerusalem Gə mba kunda barmba dəb kəmee naŋg No̰ Mbai gə́ to Njesigənea̰ gə́ njeboo-néje ndá Ndi a koso dəa’g teŋ el.

Jakari 14:17 ပူးပေါင်းရင်းမြစ်များ

Gḭ-Néje 10:32

Deḛ nja ɓa to gel-bɔje lə ŋgalə Noe, gə goo ŋgaka deeje ləm, gə goo ginkojije lə dee ləm tɔ. Loo gə́ mán bélm godo ndá ginkoji dəwje gə raŋg d’ḭ gin dee’g taa ne loo dɔ naŋg nee pəl-pəl tɔ.

Gḭ-Néje 12:3

M’a tɔr ndum dɔ deḛ gə́ tɔr ndu dee dɔi’g ləm, m’a kila ndɔl dɔ deḛ gə́ d’ila ndɔl dɔi’g ləm tɔ. Ginkoji dəwje lai dɔ naŋg nee d’a kiŋga dɔkaisəgərə rɔi’g ya.

Gḭ-Néje 28:14

Ŋgakaije lé d’a bula kasəna gə nduji naŋg. D’a taa loo par gə́ dɔ-gó gə bər ləm, par gə́ dɔgel gə dɔkɔl ləm tɔ ndá ginkoji dəwje gə raŋg lai gə́ dɔ naŋg nee d’a kiŋga dɔkaisəgərə rɔi’g gə rɔ ŋgakaije’g ya.

1 Mbaije 17:1

Eli, dəw gə́ Tisbe gə́ dɔ naŋg gə́ Galaad lé ula Akab pana: Njesigənea̰ Ala lə Israɛlje gə́ m’to kura ləa lé to Njesikəmba! Mee ləbje’g neelé tàl a kwa el ləm, ndi kara a kər el ləm tɔ nɛ gə goo ta gə́ ma nja m’a pa ɓa.

1 Mbaije 8:35

Loo gə́ kəm dara udu ar ndi ər el mbata kaiya gə́ deḛ ra d’ɔsi ne rəw lé, ɓó lé deḛ ra tamaji lée’g neelé d’ula ne rɔnduba dɔ rii’g ləm, ɓó lé deḛ d’uba goo kaiya ra deeje d’ya̰ mbata i ar bo̰ néra dee ɔs ta dee’g ləm tɔ ndá,

2 Sôrta Gḭka Israɛlje 6:26

Loo gə́ kəm dara udu jigi ar ndi ər el gə mbata lə kaiya ra dee gə́ d’ɔsi ne rəw lé ɓa, ɓó lé deḛ ra tamaji lée’g nee d’ula ne rɔnduba dɔ rii’g ləm, ɓó lé d’ɔs badm tel d’ya̰ goo kaiyaje lə dee mbata i wɔji dee kəmkàr dɔ néra dee’g ləm tɔ ndá

2 Sôrta Gḭka Israɛlje 7:13

Loo gə́ m’a kar kəm dara udu jigi kar ndi ər el ləm, loo gə́ m’a kun ndum kar beedéje d’usɔ né mee ɓee’g mbad-mbad ləma, loo gə́ m’a kula gə yoo-koso mbuna koso-dəwje’g ləm lé

Esai 18:7

Mee ndəa’g neelé koso-dəwje gə́ to njésiŋgamoŋje gə́ d’aw kɔgərɔ-kɔgərɔ ləm, koso-dəwje gə́ to ɓəl kədm-kədm un kudee ləw ba gə́ d’isi ne ləma, ginkoji dəwje gə́ to njésiŋgamoŋje gə́ njétuji néje lai lé, deḛ gə́ mán baaje unda ɓeeje lə dee dana gaŋg ləm tɔ lé d’a ree gə nékarje kar Njesigənea̰ gə́ njeboo-néje ya. D’a kaw ne loo gə́ ri Njesigənea̰ gə́ njeboo-néje ɓar keneŋ dɔ mbal gə́ Sio̰ ya.

Esai 45:23

Ma nja ma man rɔm gə rim ləm, Kankəmta ɓa teḛ tam’g Ɓó m’a telee ɓəd el ŋga ləm tɔ, Nana kara a rəm gə no̰ kəjee naŋg nɔm’g ləm, Dəw gə́ rara kara a kubu rəa gə rim-ma ya ləm tɔ.

Esai 5:6

M’a kya̰ karee tuji: Dəw a tuga barkəmee el ləm, D’a ndɔ mée el ləm tɔ, Kun-pɔrɔrɔje gə kunje d’a ra tɔg keneŋ ləm, M’a kun ndum kar loo-kil-lə-ndije Gə mba kar dee d’ar ndi ər keneŋ el ləm tɔ.

Esai 60:12

Mbata ginkoji dəwje gə́ rara gə ɓeeko̰ gə́ rara gə́ a ra né kari el ndá a tuji ləm, ginkoji dəwje gə raŋg neelé d’a tuji dee pugudu-pugudu kar dee godo ləm tɔ.

Jeremi 10:25

Ar oŋg-boo ləi ɔm dɔ njépole-magəje’d Gə́ gəri el lé ləm, Gə dɔ koso-dəwje’d Gə́ ɓar rii el lé ləm tɔ, Mbata deḛ gaŋg njé’g lə Jakob mbidi-mbidi, Deḛ gaŋg dee, d’ar dee d’udu ləm, Deḛ tuji loo-si dee pugudu ləm tɔ.

Jeremi 14:22

See mbuna magəje’g lə ginkoji dəwje gə raŋg lé Yee gə́ ar ndi ər to keneŋ wa. Esé see dara ɓa ar ndi ər wa. See to i Njesigənea̰, Ala lə sí el wa. Jeḛ j’unda meḛ sí yel gə́ dɔi’g, Mbata to i ya ɓa ra néje neelé lai.

Jeremi 14:3

Dəwje gə́ boo-boo d’ula kuraje lə dee Kar dee d’aw to mán, Kuraje lə dee d’aw bwa-mán’g lé Nɛ d’iŋga mán el Ndá dee tel gə joje lə dee kari ba. Rɔkul gə́ boo gə kəm sɔḭ ra dee, Ar dee d’ila kubu dɔ dee’g.

Jeremi 14:4

Naŋg ta̰ ɓəgəgə-ɓəgəgə Mbata ndi oso teŋ mee ɓee’g neelé el. Njḛ́dɔje kara rɔ dee kul Ar dee d’ila kubu dɔ dee’g tɔ.

Amɔs 3:2

Ma mbər sí-seḭ ya kára ba Mbuna ginkoji dəwje’g lai-lai gə́ dɔ naŋg nee: Gelee gə́ nee ɓa m’a kar bo̰ néra majel lə sí lai ɔs ta sí’g ya.

Jakari 14:16

Deḛ lai gə́ nai mbuna ginkoji dəwje gə raŋg’d Gə́ ree rɔ gə Jerusalem lé D’a ree gə ləb dee ləb dee Gə mba kunda barmba dəb kəm dee naŋg No̰ Mbai gə́ to Njesigənea̰ gə́ njeboo-néje’g ləm, Gə mba ra naḭ gə́ wɔji dɔ kəi-surumje ləm tɔ.

Jakari 14:9

Njesigənea̰ ya kára ba a to mbai dɔ naŋg nee lai, Mee ndəa’g neelé Njesigənea̰ ya kára ba kiao a to Njesigənea̰ Ndá ria-yeḛ nja a to ri gə́ kára ba kiao tɔ.

Tel tura Godndu 11:17

Ɓó lé seḭ raje bèe ndá oŋg lə Njesigənea̰ a kḭ səa pu dɔ sí’g ndá yeḛ a kar kəm dara udu jigi-jigi kar mán ndi oso naŋg teŋ el, naŋg a kar sí né kára kara el ndá seḭ a tujije ne kalaŋ mee ɓee gə́ maji gə́ Njesigənea̰ ar sí lé.

Maktub gə́ Jak ula ne ar ngan-Allaje 5:17

Eli to gar síje gə́ naŋg nee nja tɔ, yeḛ ra mbai ta Ala’g mba kar ndi ər el ndá ndi oso naŋg teŋ el as ləb munda gə naḭ misa̰.

Loo gə́ killa rea kəm Ja̰’g 11:6

Siŋga dee as kudu loo-kil-lə-ndi kar ndi ər el ndəa gə́ d’ɔr ne goo ta lé saar ləm, mba kar manje tel məs ləma, gə kunda naŋg nee kar rɔko̰je gə́ gə ria-ria oso dɔ dəwje’g to gə́ meḛ dee wɔji lé ləm tɔ.