Jakari 14:12 - Maktub gə́ To gə Kəmee

¹² Aa ooje, yoo-koso gə́ Njesigənea̰ a kunda ne koso-dəwje lai Gə́ d’a kḭ rɔ gə Jerusalem ɓa nee: Darɔ dee a ndum koso ludu Loo gə́ d’a kaar tar gə gɔl dee ya ɓəi ləm, Kəm dee a ndum koso ndərəg mee toree’g ləma, Ndo̰ dee kara a ndum koso ludu mee kil dee’g ləm tɔ.

Jakari 14:12 ပူးပေါင်းရင်းမြစ်များ

2 Sôrta Gḭka Israɛlje 21:15

i ndá yeḛ a kundai gə rɔko̰ gə́ to ɓəl ŋgansiḭ’g karee ḭ dɔ maree’d gə́ kédé-kédé saar kar ŋgansiḭje teḛ raga gə goo siŋga lə rɔko̰ lé.

Maktub gə́ wɔji dɔ Jɔb 18:13

Ndareje bɔr mbuji-mbuji gə́ kédé-kédé ləm, Yoo gə́ teḛ gə dɔtar ya tuji barkəmreaje pugudu-pugudu ləm tɔ.

Pakɔsje 90:11

See na̰ ɓa a gər siŋgamoŋ oŋg ləi wa. See na̰ ɓa ɓəli mbata meeko̰ ləi gə́ i a kḭ ne səa wa.

Ləbije 26:16

aa ooje, né gə́ m’a gə ra sə sí ɓa nee: M’a kula gə néɓəlje, gə rɔko̰ gə́ sɔ siŋga dəw, gə rɔnuŋga dɔ sí’g ndá kəm sí a to ne ndòo ləm, seḭ a síje dan némeeko̰’g ləm tɔ, seḭ a dubuje né ya nɛ a kiŋgaje née el mbata njéba̰je lə sí d’a sɔ lai.

Ləbije 26:18

Ɓó lé seḭ ooje ta ləm el ya ɓəi ndá m’a kar bo̰ néra sí ɔs ta sí’g unda nje gə́ kédé as gɔl siri mbata lə kaiyaje lə sí.

Ləbije 26:21

Ɓó lé seḭ ɔsmje rəw ləm ndigije kooje ta ləm el ləm tɔ ndá m’a kar bo̰ néra sí ɔs ta sí’g unda nje gə́ kédé as gɔl siri gə goo kaiyaje lə sí.

Ləbije 26:24

m’a kar bo̰ néra sí ɔs ta sí’g unda nje gə́ kédé as gɔl siri mbata kaiyaje lə sí ləm tɔ.

Ləbije 26:28

m’a kɔs sí rəw gə oŋg gə́ to ɓəl kədm-kədm, tɔɓəi m’a kar bo̰ néra sí ɔs ta sí’g unda nje gə́ kédé as gɔl siri mbata kaiyaje lə sí ləm tɔ.

Jakari 1:15

Neḛ lé oŋg ḭ sə neḛ al dɔ neḛ sula Dɔ ginkoji dəwje gə raŋg’d gə́ to njébeeleje, Mbata kédé lé n’ar oŋg ḭ sə neḛ lam ba ya, Nɛ dee lé d’ar némeekonje lə dee ḭ dɔ maree’d gə́ kédé-kédé.

Jakari 12:9

Meḛ ndəa’g neelé n’a kula rɔ neḛ ndubu gə mba tuji ginkoji dəwje gə raŋg lai gə́ d’a gə ree rɔ gə Jerusalem lé.

Jakari 14:15

Yoo-koso a koso dɔ kundaje’g ləm, Dɔ kundaje-mulayḛ̀jeje’g ləm, Gə dɔ jambalje’g ləm, gə dɔ mulayḛ̀je-je’g ləma, Gə dɔ daje lai gə́ d’aar loo-kaar dee’g neelé ləm tɔ. Yoo-koso neelé a to kasəna gə yee gə́ kédé lé ya.

Jakari 14:18

Ɓó lé ginkoji dəwje gə́ Ejiptə d’ḭ ree el ndá Ndi a koso dəa’g teŋ el, Yoo-koso a koso dəa’g gə́ to Njesigənea̰ unda ne ginkoji dəwje gə raŋg Gə́ lal kaw gə mba ra naḭ gə́ wɔji dɔ kəi-surumje lé bèe tɔ.

Jakari 14:3

Njesigənea̰ a teḛ ndá A rɔ gə ginkoji dəwje gə raŋg neelé To gə́ yeḛ rɔ ne ndɔ rɔ gə́ kédé lé tɔ.

Jakari 2:4

M’dəjee m’pana: See dee ree gə mba ra ɗi wa. Ndá yeḛ ilam keneŋ pana: Dee to gaji daje gə́ sané ne Judaje saar d’ar dəw kára kara ɔr dəa tar el lé. Njékɔrje neelé ree mba kɔm ɓəl dɔ dee’g ləm, gə mba təd gaji ginkoji dəwje gə raŋg gə́ rɔ ne gə Judaje gə gaji dee ləm, gə mba sané ne dəwje gə́ mee ɓee’g lé kad-kad ləm tɔ.

Néra Njékaḭkulaje 12:23

Léegəneeya kura lə Mbaidɔmbaije gə́ dara daree bus mbata yeḛ ula rɔnduba dɔ Ala’g el. Ndá kuruje d’o̰ ne mée aree oso ne gə̰gərə wəi.

Tel tura Godndu 28:21

Njesigənea̰ a kar yoo-koso reḛ́ dɔ sí’g saar gə mba karee tuji sí mee ɓee gə́ seḭ a kawje kaw taaje gə́ né ka̰ sí lé.

Tel tura Godndu 28:22

Njesigənea̰ a kunda sí gə rɔko̰ rɔnuŋga gə́ kaar ləm, gə rɔko̰ néti ləm, gə rɔko̰ loo-nuŋga gə́ yolé loo to gə́ pər bèe ləm, gə rɔtudu kurum-kurum ləm, gə kəmkas ləma, gə rɔko̰ gə́ a kar sí eŋje ne kəŋ-kəŋ ləm tɔ ndá d’a ndolè goo sí saar kar sí uduje ne guduru.

Tel tura Godndu 28:59

Njesigənea̰ a kunda sí gə ŋgaka síje gə dooje gə́ boo gə́ to ɓəl ləm, a kunda sí gə rɔko̰je gə́ to ɓəl yaa̰ ləm tɔ.

Loo gə́ killa rea kəm Ja̰’g 17:16

Gajee dɔg gə́ i oo lé deḛ gə da lé deḛ nja d’a kḛji kaiya-dené lé bəḭ-bəḭ ləm, d’a ti ne kubu rəa’g mbidi-mbidi karee aw gə kudee dum ba ləm, d’a sɔ darəa ləma, d’a rée dula-dula ləm tɔ.