Jakari 14:11 - Maktub gə́ To gə Kəmee

¹¹ Dəwje d’a si keneŋ ndá Né gə́ a gə tuji dee a godo. Njé gə́ Jerusalem d’a si dan meekulɔm’g.

Jakari 14:11 ပူးပေါင်းရင်းမြစ်များ

Esai 26:1

Mee ndəa’g neelé d’a kɔs pa nee mee ɓee gə́ Juda pana: Ɓee-boo lə sí lé siŋgá to yaa̰, Njesigənea̰ aa dɔ ndògo-bɔrɔ ləa ləm, Yee aa dɔ gadloo-kula-rɔ sí keneŋ ləm tɔ.

Esai 60:18

Dəw a koo ta néra gə́ kərm-kərm mee ɓee’g ləi el ŋga ləm, D’a koo ta tuji gə tuji-boo dɔ naŋg’d ləi el ŋga ləm tɔ, I a kunda ri kaji dɔ ndògo-bɔrɔje’g ləi ləm, A kunda ri rɔnduba dɔ tarəwkɔgje’g ləi ləm tɔ.

Esai 66:22

Tɔgərɔ ya, to gə́ dara gə́ sigi gə naŋg gə́ sigi gə́ m’a gə kunda dee lé d’a to njaŋg nɔm’g lé togə́bè ɓa ŋgaka síje ləm gə ri sí ləm d’a to njaŋg nɔm’g bèe ya tɔ. Njesigənea̰ ɓa pa bèe.

Jeremi 31:40

Wəl-loo kɔm nin dəwje gə́ bu to keneŋ lai ləm, gə loo-ndɔje lai saar teḛ ne kəm-rəw-mán gə́ Sedro̰ ləma, saar teḛ ne kil tarəwkɔg gə́ ria lə Rəw-kaw-kundaje gə́ to par gə́ bər ləm tɔ lé d’a kunda dee gə kəmee kar Njesigənea̰ ndá d’a koso nda̰ el ləm, d’a tuji nda̰ el ləm tɔ saar gə no̰.

Jeremi 32:37

Aa ooje, m’a kḭ sə dee mee ɓeeje lai gə́ m’tuba dee m’ɔm dee keneŋ gə oŋg, gə meekḭ jugugu gə boo-meekḭ pu lé tel ree mbo̰ dee dɔ na̰’d na̰’d ləm, m’a ree sə dee lée’g neelé ləma, m’a kar dee d’isi keneŋ gə meekulɔm ləm tɔ.

Ejekel 37:26

N’a manrɔ neḛ gə manrɔ gə́ ka̰ meelɔm kar dee ndá manrɔ gə́ to gə no̰ a to mbuna neḛ sə deeje’g. N’a kunda dee tor dee’g ləm, n’a kar bula lə dee ḭ dɔ maree’d gə́ kédé-kédé ləma, n’a kar loo lə neḛ gə́ to gə kəmee to dan dee’g saar gə no̰ ləm tɔ.

Amɔs 9:15

N’a ma̰a dee mee ɓee’g lə dee ndá Dəw a kɔr dee mee ɓee gə́ neḛ nja n’ar dee Mba kaw sə dee raŋg el ŋga, Njesigənea̰, Ala ɓa pa bèe.

Jakari 12:6

Mee ndəa’g neelé n’a kar mbaije gə́ Juda to d’asəna gə kir gə́ pər o̰ keneŋ bilim-bilim mee pil’g ləm, d’a to kasəna gə pərŋgel gə́ o̰ lèm-lèm mee wala’g bèe ləm tɔ. D’a tuji koso-dəwje lai gə́ gugu gir dee par gə́ dɔkɔl gə dɔgel ndá Jerusalem ɓa a nai toree’d gə́ Jerusalem ya.

Jakari 2:4

M’dəjee m’pana: See dee ree gə mba ra ɗi wa. Ndá yeḛ ilam keneŋ pana: Dee to gaji daje gə́ sané ne Judaje saar d’ar dəw kára kara ɔr dəa tar el lé. Njékɔrje neelé ree mba kɔm ɓəl dɔ dee’g ləm, gə mba təd gaji ginkoji dəwje gə raŋg gə́ rɔ ne gə Judaje gə gaji dee ləm, gə mba sané ne dəwje gə́ mee ɓee’g lé kad-kad ləm tɔ.

Jakari 8:13

Seḭ ginkoji Judaje gə ginkoji Israɛlje lé Kédé seḭ toje koso-dəwje Gə́ ndɔl wa dɔ dee mbuna ginkoji dəwje gə raŋg’g Nɛ ɓasinè n’a kaji sí ləm, Seḭ a toje nétɔrndu mbuna dee’g ləm tɔ, Bèe ndá gə́ ɓəlje el, arje ji sí ɓar mèr-mèr.

Jakari 8:4

Njesigənea̰ gə́ njeboo-néje pa togə́bè pana: Ɓugaje gə́ diŋgam gə njé gə́ dené d’a si gə mba̰-rəwje gə́ Jerusalem ya tɔɓəi, Nana kara gə kag-tɔs jia’g-jia’g Mbata lə ləb dee gə́ bula lé.

Jakari 8:8

N’a ree sə dee ndá d’a si Jerusalem, D’a to koso-dəwje lə neḛ ləm, N’a to Ala lə dee Gə goo kankəmta gə néra gə́ danasur ləm tɔ.

Bula lə Israɛlje 21:3

Njesigənea̰ oo ndu Israɛlje ya, bèe ɓa yeḛ ya̰ njé gə́ Kana̰ lé ji dee’g. Togə́bè deḛ manrɔ dee mba tuji dee ne pugudu-pugudu, deḛ ləm, gə ɓee-booje lə dee ləm tɔ, bèe ɓa loo neelé d’unda ne ria lə Ɔrma.

Tel tura Godndu 33:28

Israɛlje d’isi dan meekulɔm’g, Kəm-rəw-manje lə Jakobje to gə kəmee ɓəd Mee ɓee gə́ kó gə mán-nduú to keneŋ, Tàl ḭ mee dara’g ləa wa dɔ’g tɔ.

Loo gə́ killa rea kəm Ja̰’g 21:4

Yeḛ a bɔr mán-no̰ kəm dee’g ləm, yoo a ɓar ri dee gogo el ləm, kəmndooyoo kara a godo ləm, no̰ yoo a godo ləma, meeko̰ kara a godo ləm tɔ mbata néje gə́ dɔtar lé sané pá mba̰.

Loo gə́ killa rea kəm Ja̰’g 22:3

Ndɔl yoo a godo mee ɓee’g neelé. Kalimbai lə Ala gə ka̰ Ŋgonbad a to keneŋ ya. Kuraje ləa d’a kaar gə kula ra dee yéŋgé-yéŋgé gə mba karee ləm, d’a koo kəmee ləma,