Jakari 14:10 - Maktub gə́ To gə Kəmee

¹⁰ Ɓee bura a tel to kasəna gə ndag-loo gə́ un gelee Geba saar teḛ Rimo̰, Par gə́ dɔkɔl lə Jerusalem, Ndá Jerusalem lé d’a kunee gə́ tar karee to lée’g ya Un gelee tarəwkɔg’d lə Bḛjami ya Saar teḛ ne loo gə́ tarəw gə́ dɔtar ləm, Saar teḛ ne tarəw gə́ to dɔkum kəije’g ləm tɔ, Un kudee kəi-kaar-kɔgərɔ’g lə Hananeel Saar teḛ ne godə loo-mbula-Kandə-nduú’g lə mbai ləm tɔ.

Jakari 14:10 ပူးပေါင်းရင်းမြစ်များ

1 Mbaije 15:22

Mbai Asa ɓar Judaje lai ya̰ dəw kára kara el, ar dee d’odo mbalje gə kagje gə́ Basa wa dɔ gɔlee gə mba tum ne gin Rama lé, bèe ɓa mbai Asa tum ne gin Geba gə́ Bḛjami ləm, gə Mispa ləm tɔ.

2 Mbaije 14:13

Mee ɓee gə́ Bet-Semes ɓa Joas, mbai gə́ Israɛl wa Amasia, mbai gə́ Juda gə́ to ŋgolə Joas, gə́ ŋgoka Ahajia daŋgai keneŋ. Tɔɓəi yeḛ ḭ keneŋ aw Jerusalem ndá yeḛ təd ndògo-bɔrɔ gə́ to Jerusalem ar tadee as kəmkil dəw tɔl-sɔ (400), un kudee tarəwɓee gə́ Eprayim’g saar teḛ ne tarəw’d gə́ ria lə Dɔkum Loo tɔ.

1 Sôrta Gḭka-Israɛlje 4:32

Ɓeeje lə deḛ gə́ raŋg ya tɔɓəi ɓa ri dee to nee: Etam, gə Aḭ, gə Rimo̰, gə Tokḛ gə Asan, to ɓee-booje mi,

2 Sôrta Gḭka Israɛlje 25:23

Loo gə́ Bet-Semes ɓa Joas, mbai gə́ Israɛl wa Amasia, mbai gə́ Juda gə́ to ŋgolə Joas gə́ to ŋgolə Joahas keneŋ. Yeḛ aw səa Jerusalem ndá yeḛ ta̰ ndògo-bɔrɔ gə́ Jerusalem ar kəmee tad as kəmkil dəw tɔl-sɔ (400), un kudee tarəw ɓee gə́ d’unda ria lə Eprayim saar teḛ ne tarəw gə́ ɔr suna’d gə́ ria lə Dɔkumloo tɔ.

2 Sôrta Gḭka Israɛlje 26:9

Ojias ra kəije gə́ duu dɔ loo mee ɓee gə́ Jerusalem dɔ tarəw gə́ ria lə Dɔkumloo ləm, gə dɔ tarəw ɓee gə́ ria lə Wəl-loo ləma, gə dɔ ndògo-bɔrɔ gə́ ɔr suna ləm tɔ ar njérɔje d’isi keneŋ.

Nehemi 12:39

Tɔɓəi j’aw n’dəsje dɔ tarəwkɔg’d gə́ ria lə Eprayim ləm, gə tarəwkɔg’d gə́ ria lə Ləw ləm, gə tarəwkɔg’d gə́ ria lə Ka̰jije ləm, gə kəi-kaar-kɔgərɔ gə́ duu dɔ loo gə́ ka̰ Hananeel ləma, gə ka̰ Méa ləm tɔ saar teḛ ne tarəwkɔg’d gə́ ria lə Badje ləm tɔ. Bèe ɓa deḛ d’aar naŋg tarəwkɔg’d gə́ ria lə Kəi-daŋgai tɔ.

Nehemi 3:1

Eliasib gə́ to ŋgɔ-njekinjanéməs lé ḭ gə ŋgakea̰je gə́ to njékinjanéməsje ar dee ra tarəwkɔg gə́ ria lə Rəw lə Badje lé. Deḛ d’unda gə kəmee ləm, gə tula tabidi-rəwje keneŋ ləm tɔ. Deḛ d’unda gə kəmee un kudee dɔ kəi-kaar-kɔgərɔ gə́ duu dɔ loo gə́ ria lə Méa saar teḛ ne kəi-kaar-kɔgərɔ gə́ duu dɔ loo gə́ ria lə Hananeel tɔ.

Esai 10:29

Deḛ dəs mbuna looje’g Ndá to Geba tɔ, Njé gə́ Rama ndəb pəd-pəd ləm, Njé gə́ Gibea gə́ wɔji dɔ Sawul lé buŋga na̰ d’aḭ ləm tɔ.

Esai 2:2

Ndɔ gə́ rudu ndəaje a gə kun ɗiao ndá Dɔ mbal gə́ wɔji dɔ kəi lə Njesigənea̰ lé D’a tel tum ginee dɔ mbalje gə́ tar. Yeḛ a to tar dɔ dɔdərloo’g Ndá ginkoji dəwje gə raŋg lai d’a kaḭ kaw keneŋ.

Jeremi 20:2

Ndá Pasur lé kunda Jeremi njetegginta tɔɓəi ila ɗa gɔlee’g tarəw gə́ lə Bḛjamije dɔ maree gə́ tar mee kəi’g lə Njesigənea̰.

Jeremi 30:18

Njesigənea̰ pa togə́bè pana: Aa ooje, njé gə́ mee kəi-kubu’g Le Jakob gə́ d’wa dee ɓər lé Ma m’tel ree sə dee ɓée. M’oo kəmtondoo lə loo-si deeje, D’a tel gɔl ɓee-boo lé lée’g Gə́ tuji to keneŋ ləm, D’a tel gɔl kəi-mbai lé Karee to to gə́ kédé ya ləm tɔ.

Jeremi 37:13

Loo gə́ yeḛ teḛ tarəwkɔg’d lə Bḛjamije ndá ɓé-njéŋgəmlooje gə́ ria lə Jireija gə́ to ŋgolə Selemia, ŋgolə Hanania aar lée’g neelé ndá yeḛ uba Jeremi, njetegginta wá pana: I si aw mba kɔm gə Kaldeje na̰’d.

Jeremi 38:7

Ebed-Melek, dəw gə́ Etiopi gə́ to njekaa dɔ néje gə́ si mee kəi’g lə mbai oo sor kila gə́ d’ila Jeremi bwa-mán’g lé. Mbai lé si tarəwkɔg’d lə Bḛjami.

Amɔs 9:11

Mee ndəa’g neelé n’a kun ɓeeko̰ lə Dabid Gə́ to asəna gə kəi gə́ oso lé Kuree tar lée’g gogo ləm, N’a gɔl kəmee gə́ ta̰ ləm, N’a gɔl néje gə́ tuji keneŋ Kunda dee tar lée’g ɗaŋg ləma, N’a rəa sigi to gə́ to ne keneŋ ləw lé ləm tɔ.

Misee 4:1

Mee ndɔje gə́ aw ree’g lé. Ndá dɔ mbal gə́ wɔji dɔ kəi lə Njesigənea̰ lé D’a tum ginee dɔ sém mbalje’g, Yee a kḭ dəs dɔdərloo gə́ tar Ndá koso-dəwje d’a kaḭ kaw keneŋ.

Jakari 12:6

Mee ndəa’g neelé n’a kar mbaije gə́ Juda to d’asəna gə kir gə́ pər o̰ keneŋ bilim-bilim mee pil’g ləm, d’a to kasəna gə pərŋgel gə́ o̰ lèm-lèm mee wala’g bèe ləm tɔ. D’a tuji koso-dəwje lai gə́ gugu gir dee par gə́ dɔkɔl gə dɔgel ndá Jerusalem ɓa a nai toree’d gə́ Jerusalem ya.

Jakari 2:4

M’dəjee m’pana: See dee ree gə mba ra ɗi wa. Ndá yeḛ ilam keneŋ pana: Dee to gaji daje gə́ sané ne Judaje saar d’ar dəw kára kara ɔr dəa tar el lé. Njékɔrje neelé ree mba kɔm ɓəl dɔ dee’g ləm, gə mba təd gaji ginkoji dəwje gə raŋg gə́ rɔ ne gə Judaje gə gaji dee ləm, gə mba sané ne dəwje gə́ mee ɓee’g lé kad-kad ləm tɔ.

Jakari 8:3

Njesigənea̰ pa togə́bè pana: Neḛ n’tel n’ree Sio̰, Neḛ ndigi si dan njé gə́ Jerusalem’g. D’a ɓar Jerusalem lé ɓee-boo gə́ njekila koji ləm, Mbal lə Njesigənea̰ gə́ njeboo-néje lé D’a ɓaree mbal gə́ to gə kəmee ləm tɔ.

Jujé 15:32

gə Lebaot, gə Silim, gə Aḭ, gə Rimo̰. Bula lə ɓee-booje lai neelé d’as rɔ-joo-giree-jinaikara ləm, gə ɓee-kogoje lə dee ləm tɔ.

Jujé 21:17

mbuna ginkoji Bḛjamije’g lé d’ar dee Gabao̰ gə looje gə́ gugu dəa sub ləm, gə Geba gə looje gə́ gugu dəa sub ləm tɔ,

Njéga̰g-Rəwtaje 20:45

Mbuna deḛ gə́ tel gir dee mba kaḭ par gə́ dɔdilaloo’g mbɔr mbal gə́ Rimo̰ lé Israɛlje d’ar dee d’udu tɔl-dɔg-loo-mi (5.000) kag-rəwje’g, deḛ tuba dee saar teḛ ne Gideom ndá deḛ tɔl dee keneŋ tɔl-dɔg-loo-joo (2.000).

Njéga̰g-Rəwtaje 20:47

Dəwje tɔl-misa̰ (600) gə́ tel gir dee d’aḭ par gə́ dɔdilaloo gə́ to mbɔr mbal gə́ Rimo̰ lé d’isi keneŋ as naḭ sɔ.

Njéga̰g-Rəwtaje 21:13

Koso-dəwje d’ula njékaḭkulaje rɔ Bḛjamije’g gə́ d’isi dɔ mbal gə́ ria lə Rimo̰ mba kar dee d’ila mber meekulɔm d’ar dee.