Jakari 13:1 - Maktub gə́ To gə Kəmee

¹ Mee ndəa’g neelé kəm-rəw-mán a to tag mba togo ne kaiya gə né gə́ mina̰ lə gel-bɔje lə Dabid ləm, gə ka̰ njé gə́ Jerusalem ləm tɔ.

Jakari 13:1 ပူးပေါင်းရင်းမြစ်များ

Pakɔsje 51:2

Loo gə́ Natan njetegginta lé ree rəa’g gə goo kaw gə́ Dabid aw ne rɔ Bat-Seba’g lé.

Pakɔsje 51:7

Aa oo, d’ojim dan néra gə́ kori-kori’g ləm, Kɔm kara taa kèm ləm dan kaiya’g ləm tɔ.

Esai 12:3

Seḭ a toje mán gə rɔlel Mee kəm-rəw-manje gə́ wɔji dɔ kaji.

Esai 4:4

Njesigənea̰ a kar lel néra gə́ gə dɔ najee gə lel gə́ ka̰ tuji lé ula. Loo gə́ yeḛ a kɔr ne néje gə́ mina̰ lə denéje gə́ Sio̰ mba̰ ləm, A kɔr won Jerusalem gə mba məs gə́ to keneŋ mba̰ ləm tɔ.

Jeremi 17:13

Ǝi Njesigənea̰ i lé to nékunda-mee-yel dɔ’g lə Israɛlje! Deḛ lai gə́ d’ubai d’ya̰’i lé D’a nai gə rɔkul. Deḛ gə́ d’unda rɔ dee ŋgərəŋ rɔi’g lé D’a ndaŋg ri dee babur’g, Mbata deḛ d’uba Njesigənea̰ Gə́ to kəm-rəw-mán gə́ aḭ kuji-kuji lé d’ya̰.

Jeremi 2:13

Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Jeremi 29:26

Njesigənea̰ undai gə́ njekinjanéməs tor Jeojoda, njekinjanéməs’g gə mba kar njekaa-dɔ-loo si mee kəi’g lə Njesigənea̰ mba koo ne goo dəw gə́ rara gə́ to mbə gə́ unda rəa gə́ njetegginta ləm, gə mba kari ilá kəi-daŋgai’g ila ɗa gɔlee’g ləm tɔ.

Jeremi 33:8

M’a kɔr won néra kori-korije lə dee gə́ deḛ ra d’ɔsm ne rəw lé ndɔs-ndɔs ləm, m’a kar məəm oso lemsé dɔ néra kori-korije gə́ deḛ ra d’ar meḛ dee ɔs ne səm gel ləm, d’ɔs ne ta ləm rəw ləm tɔ.

Ejekel 36:17

I ŋgon-dəw lé deḛ gə́ to gel-bɔje lə Israɛl lé loo gə́ d’isi mee ɓee’g lə dee ndá panjaa deeje gə néra deeje ar ɓee lə dee mina̰, panjaa dee to nɔm’g asəna gə mina̰ lə dené gə́ ndɔ kwɔməs’g ləa bèe.

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Ejekel 36:29

N’a kɔr sí dan néje’g lə sí lai gə́ mina̰ lé. N’a ɓar kó karee taa loo pəl-pəl, n’a kula gə ɓoo-boo dɔ sí’g el ŋga.

Ejekel 47:1

Yeḛ tel ree səm par gə́ tarəw kəi gə́ to gə kəmee doi’g. Ndá aa oo, mán ḭ gin tarəwkəi gə́ naŋg teḛ ula gə́ bər mbata kəi lé təa to par gə́ bər. Man lé ula par gə́ dɔkɔl lə kəi gə́ to gə kəmee ləm, gə dɔkɔl lə loo-nékinjaməs ləm tɔ.

Ləbije 11:36

Nɛ kəm-rəw-manje əsé godə-bwaje gə́ mán aar keneŋ lé ɓa d’a koo gə́ néje gə́ mina̰ el, nɛ dəw gə́ a kɔrɔ rɔ yoo né ndá rəa a mina̰ ne ya.

Misee 5:12

N’a kar magəje gə néndajije Godo mbuna sí’g ləm, Seḭ a kundaje barmba no̰ né’d Gə́ seḭ raje gə ji sí lé el ŋga ləm tɔ,

Jakari 12:14

Gel deeje gə́ raŋg kára-kára lai lé d’a si ɓəd-ɓəd ləm, denéje d’a si ɓəd ya ləm tɔ.

Jakari 12:3

Mee ndəa’g neelé n’a kar Jerusalem to asəna gə biri mbal gə́ wɔi yaa̰ mbata lə koso-dəwje lai. Deḛ lai gə́ ndigi karee ḭta gogo lé d’a kiŋga doo keneŋ ndá ginkoji dəwje gə raŋg lai gə́ dɔ naŋg nee d’a kɔm na̰’d mba rɔ səa.

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

Tagə́maji gə́ Ja̰ ndang 5:4

Mbata kura gə́ dara ree duu-mán’g neelé teg-teg aree ləŋg təji-təji, njerɔko̰ gə́ rara ɓa lé risi ur mán kédé aree ləŋg ɔm dəa’g ndá lé to rɔko̰ gə́ ban-ban kara rəa tel to kari péd-péd ya.

1 Njé gə́ Kɔrḭtə 6:11

Yee nja ɓa gə́ néra sí-seḭ gə́ na̰je mbuna sí’g. Nɛ ɓasinè Ndil Ala ɔr won kaiya lə sí ndɔs-ndɔs mba̰ ləm, ɔr sí ne unda sí gə kəmee ləma, ɔr ta dɔ sí’g gə ri Mbaidɔmbaije Jeju Kristi lé ləm tɔ.

1 Piɛrə 1:19

Nɛ məs Kristi gə́ gadee dum ndogo ɓa yeḛ uga sí ne. Kristi lé to asəna gə ŋgon badə gə́ rəa mina̰ el ləm, rəa ila ɓal el ləm tɔ,

1 Ja̰ 1:7

Nɛ ɓó lé jeḛ njaa dan kàrá to gə́ yeḛ nja nai dan kàrá lé ndá jeḛ j’ɔm meḛ sí na̰’d sad ya, bèe ɓa məs Jeju Ŋgonee ɔr ne won kaiyaje lə sí ɓə̰dərə-ɓə̰dərə tɔ.

1 Ja̰ 5:6

Yeḛ nja ɓa to Jeju Kristi gə́ ree lé, yeḛ ree gə mán ləm, gə məs ləm tɔ. Yeḛ ree gə mán ɓa goo kára ba el, nɛ yeḛ ree gə mán gə məs na̰’d ya. Ndil ɓa ɔr goo ta neelé ar sí mbata Ndil lé to darɔ kankəmta.