Jakari 12:9 - Maktub gə́ To gə Kəmee

⁹ Meḛ ndəa’g neelé n’a kula rɔ neḛ ndubu gə mba tuji ginkoji dəwje gə raŋg lai gə́ d’a gə ree rɔ gə Jerusalem lé.

Jakari 12:9 ပူးပေါင်းရင်းမြစ်များ

Esai 29:7

Ginkoji dəwje gə raŋg gə́ bula digi-digi lé D’a teḛ kaw rɔ gə Ariel ləm, Deḛ lai d’a rɔ səa-yeḛ gə kəi-kaar-kɔgərɔ ləa ləma, D’a kaḭ dəa sub kwá kègègè ləm tɔ Asəna gə néni gə némḭdi gə́ teḛ loondul’g bèe.

Esai 54:15

Ɓó lé d’ɔm na̰’d téréré gə mba rɔ səi ndá A to né gə́ ḭ rɔm ma’g el, Nana ɓa gə́ ḭ rɔ səi ndá A koso gel dɔmoŋ’d ləi.

Esai 54:17

Nérɔje lai gə́ dəwje ra mba rɔ ne səi lé D’a tel to né gə́ kari ba, Tapaje lai gə́ gaŋg ne rəwta dɔi’g lé I ɓa a kɔr ta kwa dee ne. Yee ɓa gə́ nédɔji lə kuraje lə Njesigənea̰, Yee ɓa gə́ kaji gə́ a kḭ rɔm’g teḛ rɔ dee’g, Njesigənea̰ ɓa pa bèe.

Ajee 2:22

N’a tɔs kalimbai ɓeeko̰je tila ləm, n’a tuji siŋgamoŋ lə ɓeeko̰je lə ginkoji dəwje gə raŋg ləm, n’a tɔs pusu-rɔje gə dee gə́ d’isi dɔ’g tila dee ləma, kundaje gə njékaw rɔ gə kundaje lé d’a tɔl na̰ ləm tɔ.

Jakari 12:2

Aa ooje, n’a kar Jerusalem tel to ŋgo kai oŋg lə neḛ ndá koso-dəwje lai gə́ gugu giree ləm, gə Judaje ləm tɔ lé d’a kai karee ila kəm dee kar dee d’aw jogè-jogè loo gə́ d’a kaḭ dɔ Jerusalem sub gə rɔ lé.