Jakari 12:11 - Maktub gə́ To gə Kəmee

¹¹ Mee ndəa’g neelé ndòo yoo a to yaa̰ Jerusalem asəna gə kəmndooyoo gə́ Hadadrimo̰ kəm wəl-loo gə́ Megido bèe.

Jakari 12:11 ပူးပေါင်းရင်းမြစ်များ

2 Mbaije 23:29

Mee ndəa gən lé ɓa Parao̰ Neko, mbai gə́ Ejiptə ɔr rɔ aw rɔ gə mbai gə́ Asiri mbɔr baa gə́ Epratə’g lé. Yen ŋga Jojias, mbai teḛ aw iŋgá tɔ. Leegeneeya loo gə́ kəm Parao̰ oso dəa’g ndá yeḛ tɔlee mee ɓee gə́ Megido tɔ.

2 Sôrta Gḭka Israɛlje 35:22

Nɛ Jojias oo ta neelé gə́ né el ndá yeḛ tel rəa raŋg gə mba kaw rɔ səa lal koo ne ta lə Neko gə́ ḭ ta Ala’g lé. Yeḛ aw kəmee gə́ kédé gə mba kaw rɔ səa kəm wəl-loo gə́ Megido.

2 Sôrta Gḭka Israɛlje 35:24

Kuraje ləa d’unee gə pusu-rɔ d’aw d’ilá mee pusu gə́ njekɔm’g joo gə́ to kea̰-yeḛ ndá d’aw səa Jerusalem. Yeḛ wəi ndá deḛ dubee mee dɔɓar bɔbeeje’g. Dəwje gə́ Juda gə Jerusalem lai d’wa ndòo Jojias tɔ.

Jakari 12:12

Dəw-mee-ɓeeje lai d’a si dan kəmndooyoo’g, gel-bɔje kára-kára lai d’a si ɓəd-ɓəd: gel-bɔje lə Dabid d’a si ɓəd ləm, denéje lé d’a si ɓəd ləm tɔ: gel-bɔje lə Natan d’a si ɓəd ləm, denéje d’a si ɓəd ləm tɔ:

Matiyo 24:30

Yen ŋga, nékwɔji loo ree lə Ŋgon-dəw lé a teḛ dara ndá ginkoji dəwje gə raŋg gə́ dɔ naŋg nee d’a kunda kaar dee no̰ gə kii gèr-gèr ləm, d’a kaa loo koo Ŋgon-dəw gə́ a kḭ dara si ree dan loo-kil’g lə ndi gə siŋgamoŋ gə boo-ronduba ləm tɔ.

Loo gə́ killa rea kəm Ja̰’g 1:7

Aa ooje, yeḛ a gə ree dan loo-kil’g lə ndi. Kəm dəwje lai a mbo̰ na̰ dəa’g ndá deḛ gə́ d’ɔsee gə niŋga kara d’a kée tɔ. Gin koji dəwje-dəwje lai dɔ naŋg nee d’a no̰ sii mbig-mbig gə mbəa. Bèe ya.

Loo gə́ killa rea kəm Ja̰’g 16:16

Deḛ mbo̰ dee dɔ na̰’g loo gə́ deḛ ɓaree gə ta Ǝbrə Harmagedo̰.