Jakari 11:12 - Maktub gə́ To gə Kəmee

¹² Ma m’ula dee m’pana: Ɓó lé seḭ ooje gə́ nékəmra ndá amje nékoga-dɔ-jim, ɓó lé bèe el tɔ ndá to ta lə sí ya. Togə́bè ɓa deḛ d’wɔji nékoga-dɔ-jim as larnda rɔ-munda .

Jakari 11:12 ပူးပေါင်းရင်းမြစ်များ

Gḭ-Néje 23:16

Abrakam oo ta lə Epro̰ maji. Ndá Abrakam wɔji larnda ar Epro̰ to gə́ yeḛ ulá lé kəm ŋgalə Het’g ndá to larnda tɔl-sɔ (400) gə goo kwɔji lar lə njékṵda néndogoje gə́ mee ndəa’g neelé.

Gḭ-Néje 37:28

Loo gə́ njérab-néndogoje gə́ Madian d’isi dəs ndá deḛ d’un Jisəb mee godə-bwa-mán’g d’uree raga. Deḛ ndogee gə Ismaelje gə lar gə́ ndá rɔ-joo ɓa deḛ neelé d’aw səa Ejiptə ɓəi.

1 Mbaije 21:2

Akab dəji Nabot togə́bè pana: Am loo ndɔ-nduú ləi mba kam m’ra gə́ loo-kamnaḭ mbata to mbɔr kəi’g ləm dəb. M’a kari loo ndɔ-nduú gə́ maji undá, əsé ɓó lé i ndigi ndá m’a ndogo səi gə lar tɔ.

1 Mbaije 5:6

Salomo̰ ar dee ra gel-jala kaar kundaje tɔl-dɔg-loo-sɔ (4.000) wɔji ne dɔ pusuje ləa ləm, gə njékundaje tɔl-dɔg-loo dɔg-giree joo (12.000) kaar dee d’isi keneŋ ləm tɔ.

2 Sôrta Gḭka Israɛlje 30:4

Ta neelé lel mbai gə koso-dəwje lai gə́ mbo̰ dɔ na̰ lé ar dee ndigi ra bèe ya tɔ,

Teḛ-Raga 21:32

nɛ ɓó lé maŋg neelé wa ɓər gə́ diŋgam əsé yeḛ gə́ dené ndá d’a kuga ɓée ɓərje neelé gə larnda rɔ-munda ləm, d’a tila maŋg lé gə kɔri-ər tɔlee ləm tɔ.

Jeremi 32:9

M’ndogo gə Hananeel, ŋgolə bɔm lé ndɔ gə́ to Anatot ndá m’wɔji ŋgan larnda as dɔg-giree-siri m’aree.

Ləbije 27:4

gad dené a to ŋgan larnda rɔ-munda tɔ.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Matiyo 26:15

dəji dee pana: See ɗi ɓa seḭ a kamje mba karm m’ula ne Jeju ji sí’g wa. Ndá deḛ tura larnda as rɔ-munda d’ɔm jia’g.

Matiyo 27:10

D’odo lar ndogo ne dɔ naŋg lə njekubajo gə goo ndukun gə́ Mbaidɔmbaije nja un am.

Matiyo 27:9

Togə́bè ɓa ta gə́ Jeremi, njetegginta pa lé aw lée’g béréré mbata yeḛ pana: Deḛ taa larnda rɔ-munda neelé to lar gə́ deḛ ra ne gad dəw gə́ ŋgan Israɛlje ra gadee lé.

Tagə́maji gə́ Ja̰ ndang 13:2

Loo gə́ d’isi ta ka-nésɔ’g lé njekurai ula njuma̰ mee Judas Iskariot gə́ to ŋgolə Simo̰ lé mba̰ gə mba karee un ne dɔ Jeju lé ŋga.