Jakari 10:7 - Maktub gə́ To gə Kəmee

⁷ Eprayimje d’a to kasəna gə bao-rɔje, Meḛ dee a lel dee asəna gə dəw gə́ ai mán-nduú bèe, Ŋgan deeje d’a koo ndá d’a kal rɔ dee ləm, Meḛ dee a lel dee dɔ Njesigənea̰’g ləm tɔ.

Jakari 10:7 ပူးပေါင်းရင်းမြစ်များ

Gḭ-Néje 18:19

Mbata ma nja m’ɔree mba karee un ndia ar ŋganeeje, gə njémeekəije ləa gə́ d’a gə korè gée lé mba kar dee d’aa dɔ rəw lə Njesigənea̰ ləm, gə mba kar dee ra né gə́ dana gə né gə́ to gə dɔ najee ləm tɔ. Bèe ɓa ndukunje gə́ wɔji dɔ Abrakam gə́ Njesigənea̰ un aree lé d’a kaw ne lée’g béréré ya.

Gḭ-Néje 43:34

Jisəb ar dee d’un nésɔ gə́ to nea̰’g d’aw kai dee ndá Bḛjami iŋga kea̰-yeḛ ur dɔ ka̰ dee-deḛ’g gɔl mi. Deḛ d’ai ndá d’al rɔ dee səa na̰’d.

Pakɔsje 102:28

Nɛ i nja si to gə́ kédé ɓó rɔi tel ɓəd el ləm, Ləb sii kara rudee a kun ɗiao el ləm tɔ.

Pakɔsje 104:15

Gə mán-nduú mba kar rɔ dəw lelee ne ləm, Gə mba kar rəa ndɔḭ ne unda ubu ləma, Gə muru gə mba kar siŋgá to ne ləm tɔ.

Pakɔsje 13:5

Mba kar njeba̰ ləm ḭ pana: Neḛ n’dum dɔm mba̰ bèe el ləma, Mba kar njékoma̰ səmje lé d’al rɔ dee Loo gə́ m’unda ndolè lé el ləm tɔ.

Pakɔsje 28:7

Njesigənea̰ to siŋgam ləm, Yeḛ to dər-rɔ ləm ləm tɔ. Ma m’ɔm məəm dəa’g ndá M’iŋga ne njela səm ya, M’aw gə boo-rɔlel dɔɓəŋgərəm’g ləm, M’ɔs pa m’pidee ne ləm tɔ.

Pakɔsje 33:21

Mbɔl dəa ɓa meḛ sí lel sí ne Mbata j’ɔm meḛ sí dɔ ria gə́ to gə kəmee ɓəd’g.

Pakɔsje 90:16

Maji kar kəm kuraje ləi inja dɔ kula rai’g ləm, Maji kar ŋgan deeje d’oo rɔnduba ləi ləm tɔ.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 38:19

Yeḛ gə́ aw kəmba nja kára ba Yeḛ nja ɓa askəm pidii To gə́ m’ra ɓogənè bèe. Bɔ-ŋganje ar ŋganeeje gər ŋgonkoji ləi.

Esai 54:13

Ŋganije lai gə́ diŋgam lé D’a to njekwakila Njesigənea̰-je ləm, Némajije d’a daa na̰ rɔ ŋganije’g lé rib-rib ləm tɔ.

Esai 66:14

Seḭ a kooje ndá meḛ sí a lel sí ləm, Siŋga rɔ sí kara a ŋgəŋ ne ŋgəŋ-ŋgəŋ To gə́ mu gə́ idi bèe ləm tɔ. Njesigənea̰ a riba dɔ siŋgamoŋ ləa rɔ kuraje’g ləa Nɛ yeḛ a kar njéba̰je ləa d’oo oŋg-boo ləa.

Jeremi 32:39

M’a kar meḛ dee gə panjaa dee to asəna kára ba mba kar dee ɓəlm saar gə no̰ mbata maji lə dee-deḛ ləm, gə ka̰ ŋgan deeje-je gə́ goo dee’g ləm tɔ.

Ejekel 37:25

D’a si mee ɓee gə́ n’ar kura lə neḛ Jakob gə́ bɔ síje-je d’isi keneŋ lé, deḛ gə ŋgan deeje-je gə ŋgan meḛ ŋgan deeje d’a si keneŋ saar-saar gə no̰, ndá kura lə neḛ Dabid a to mbai lə dee saar-saar gə no̰ tɔ.

Joɛl 2:23

Seḭ dəwje gə́ Sio̰ lé Maji kar sí alje rɔ sí ləm, raje rɔlel Gin Njesigənea̰, Ala’g lə sí ləm tɔ. Mbata yeḛ a gə kar sí mán ndi Gə naḭyee-naḭyee ləm, Yeḛ a kar sí ndi gə́ doŋgɔr Gə yee gə́ gogo ləm tɔ To gə́ yeḛ ra kédé gə́ ləw lé tɔ.

Habakuk 3:18

Lée togə́bè kara ma m’ndigi kal rɔm no̰ Njesigənea̰’g, Ma m’ndigi kal rɔm no̰ Ala gə́ njekajim’g ya.

Soponi 3:14

Seḭ gə́ síje ɓee-boo gə́ Sio̰ lé, Maji kar sí ɔsje pa gə rɔlel! Seḭ Israɛlje, Maji kar sí ɔsje pa gə rɔkal! Seḭ gə́ síje Jerusalem lé Maji kar sí alje rɔ sí Unje ne baŋga gə ŋgaw meḛ sí bura,

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Jakari 9:15

Njesigənea̰ gə́ njeboo-néje a kaa dɔ dee, D’a tuji loo pugudu ləm, D’a dum dɔ kɔri-ər yɔroŋ-dooje lə njéba̰je lə dee ləm tɔ, D’a kai né ləm, D’a kunda bula to gə́ njékai mán-nduú gə́ mḭje bèe ləm tɔ, Nékai a rusu meḛ dee to gə́ mán gə́ rusu ŋgo-dɔ-mán bèe ləm, To gə́ məs gə́ aḭ dɔkum loo-nékinjaməs’g bèe ləm tɔ.

Jakari 9:17

Ǝi, boo-némeemaji ləa mbata lə dee to yaa̰ ləm, kura yaa̰ ləm tɔ. Ko gə́ sigi gə mán-nduú gə́ kul lé A kar siŋga basaje gə ŋgama̰dje to ne kɔgərɔ-kɔgərɔ tɔ.

Lugu 1:47

Ndiləm ra rɔlel dɔ Ala lé gə́ njekajim’g.

Tagə́maji gə́ Ja̰ ndang 16:22

Seḭ kara ɓasinè lé seḭ síje dan némeeko̰’g, nɛ loo gə́ m’a tel koo sí ndá rɔ sí a lel sí tɔɓəi dəw kára kara a kɔr rɔlel lə sí el tɔ.

Néra Njékaḭkulaje 13:33

yeḛ tɔl təa bém ar síjeḛ gə́ to ŋgan deeje loo gə́ yeḛ ar Jeju lé unda ne loo teḛ dan njé gə́ d’wəi’g gə goo ta gə́ deḛ ndaŋg mee maktub Pakɔs’g gə́ joo’g pana: I to Ŋgonəm, Ɓogənè ɓa m’ojii.

Néra Njékaḭkulaje 2:26

Gelee gə́ nee ɓa n’isi ne dan rɔlel’g ləm, Ndo̰ neḛ si ne dan boo-rɔkal’g ləma, Darɔ neḛ kara a si ne lɔm, kar neḛ n’unda mee neḛ yel gə́ dɔi’g ya ləm tɔ.

Néra Njékaḭkulaje 2:39

Mbata ndukun lé wɔji dɔ sí-seḭ ləm, gə dɔ ŋgan síje ləma, gə dɔ deḛ lai gə́ d’isi ŋgərəŋ, deḛ lai gə́ Ala lə sí a gə ɓar dee gə mbəa lé ləm tɔ.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.

1 Piɛrə 1:8

Jeju lé kəm sí kara seḭ ilaje dəa’g bèe el ɓəi, nɛ seḭ ṵdáje dan kəm sí’g mba̰, seḭ ooje rəa el ɓəi nɛ seḭ ɔmje meḛ sí dəa’g jəb-jəb. Yee ɓa seḭ ndaje ne meḛ sí kaḭ gə rɔlel gə́ dum pa ləm, gə dəa ɔr jol-jol ləm tɔ.

1 Samel 2:1

An ra tamaji pana: Meem gə́ kəi ra rɔlel dɔ Njesigənea̰’g. Mbɔl dɔ Njesigənea̰ ɓa Siŋgam ḭ ne dɔ maree’g. M’teḛ tam m’oma̰ ne gə njéba̰je ləm Mbata ma m’al rɔm gə mba la gə́ i la səm lé.