Jakari 10:6 - Maktub gə́ To gə Kəmee

⁶ N’a kar siŋga Judaje ḭ dɔ maree’d gə́ kédé-kédé ləm, N’a taa dɔ njé’g lə Jisəb ləm tɔ, N’a tel ree sə dee Mbata mee neḛ aw taḭ-taḭ mbata lə dee, Ndá d’a to kasəna gə dəwje gə́ n’uba dee n’ya̰ dee kédé el lé bèe, Mbata neḛ n’to Njesigənea̰, Ala lə dee Ndá n’a koo ta lə dee ya.

Jakari 10:6 ပူးပေါင်းရင်းမြစ်များ

Pakɔsje 89:21

Neḛ n’iŋga Dabid, kura lə neḛ N’wa dəa gə ubu lə neḛ gə́ to gə kəmee,

Esai 11:12

Yeḛ a kun nétɔji gə́ tar kar ginkoji dəwje gə raŋg neelé d’oo To gə́ yeḛ a gə mbo̰ Israɛlje gə́ d’wa dee gə́ ɓər lé ləm, Yeḛ a mbo̰ Judaje gə́ sanéna̰ ləm tɔ Kar dee d’ḭ dɔ kum naŋg gə́ sɔ lé tel ree.

Esai 14:1

Mbata Njesigənea̰ a koo kəmtondoo lə ŋgaka Jakob ləm, yeḛ a mbər Israɛlje ya ləm tɔ ndá, a tel kunda dee mee ɓee’g lə dee gogo, dəw-dɔ-ɓeeje d’a kɔm sə dee na̰’d ləm, d’a kɔm na̰’d gə ŋgaka Jakob ləm tɔ.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 54:4

Ɓəl el Mbata kəm sɔḭ a kwa kəmi el ləm, Ra kəm kul el Mbata i a nai gə rɔkul el ləm tɔ. Nɛ rɔkul ləi gə́ gə ma̰di lé Məəi a kwəi dɔ’g ɓəi ləm, Sul-boo gə́ d’ula dɔi’g mee kəi-siŋga’g ləi lé Məəi a kolé dɔ’g nda̰ el ləm tɔ.

Esai 54:8

Gə goo oŋg gə́ ram waga lé Ma m’iya sə sí kəm, Nɛ gə goo meenoji ləm gə́ to gə no̰ lé ɓa M’a koo ne kəmtondoo lə sí, Njesigənea̰ gə́ njekoga dɔ sí ɓa pa bèe.

Jeremi 23:6

Mee ndɔje’g ləa lé Judaje d’a kaji ləm, Israɛlje d’a si lɔm loo-si dee’g ləm tɔ, Aa ooje, ria gə́ d’a ɓaree ne ɓa nee: Njesigənea̰ to njegin meekarabasur lə sí.

Jeremi 3:18

Mee ndəaje’g neelé gel-bɔje lə Juda d’a kɔm na̰’d gə gel-bɔje lə Israɛl, d’a kḭ na̰’d mee ɓee gə́ dɔgel kaw mee ɓee gə́ ma m’ar bɔ deeje-je gə́ né ka̰ dee lé.

Jeremi 30:18

Njesigənea̰ pa togə́bè pana: Aa ooje, njé gə́ mee kəi-kubu’g Le Jakob gə́ d’wa dee ɓər lé Ma m’tel ree sə dee ɓée. M’oo kəmtondoo lə loo-si deeje, D’a tel gɔl ɓee-boo lé lée’g Gə́ tuji to keneŋ ləm, D’a tel gɔl kəi-mbai lé Karee to to gə́ kédé ya ləm tɔ.

Jeremi 30:20

Ŋgan deeje d’a to to gə́ kédé ləm, Loo-mbo̰-dɔ-na̰ lə dee A to nɔm’g njaŋg ləma, M’a kar bo̰ néra njékula kəm dee ndooje lé Ɔs ta dee’g ləm tɔ.

Jeremi 31:1

Njesigənea̰ pana: Mee ndəa’g neelé m’a to Ala lə gel-bɔje lə Israɛlje lai ndá deḛ kara d’a to koso-dəwje ləm tɔ.

Jeremi 31:20

Njesigənea̰ ɓa pa bèe pana: See Eprayimje to ŋganəmje Gə́ m’a m’ndigi dee ləm, To ŋganəmje gə́ m’unda dee dan kəm’g ləm tɔ ya wa. Mbata loo gə́ ma m’pata yaa̰ M’wɔji ne dɔ dee lé Meem olé dɔ dee’g unda njé gə́ kédé ya tɔ. Yee ɓa məəm aw ne taḭ-taḭ mbata lə dee gə mbəa, Tɔgərɔ m’a koo kəmtondoo lə dee ya.

Jeremi 31:31

Aa ooje, Njesigənea̰ pana: Ndɔje gə́ d’a gə ree lé m’a man rɔm gə manrɔ gə́ sigi kar gel-bɔje lə Israɛl gə gel-bɔje lə Juda .

Ejekel 36:11

N’a kar bula lə dəwje gə daje ḭ dɔ maree’d gə́ kédé-kédé, d’a bula gə́ kédé-kédé ləm, d’a koji na̰ gə́ kédé-kédé ləm tɔ, neḛ ndigi kar dəwje d’isi mee ɓee’g neelé to gə́ d’isi keneŋ kédé ndá n’a ra sə sí meemaji unda nje gə́ kédé tɔ, bèe ɓa seḭ a gərje ne to gə́ neḛ n’to Njesigənea̰ ya.

Ejekel 36:37

Mbaidɔmbaije gə́ Njesigənea̰ pa togə́bè pana: Aa ooje, né gə́ raŋg ya tɔɓəi gə́ gel-bɔje lə Israɛl d’a saŋg ne neḛ mba kar neḛ n’ra n’ar dee ɓa to nee: N’a kar bula lə dəwje ḭ dɔ maree’d gə́ kédé-kédé to gə́ koso-nékulje bèe.

Ejekel 37:16

I ŋgon-dəw lé maji kari un bəgərə kag ndaŋg ta nee dɔ’g pana: Wɔji dɔ Judaje gə́ Israɛlje d’ɔm sə dee na̰’d. Tɔɓəi a kun bəgərə kag gə́ raŋg ndá a ndaŋg ta dɔ’g pana: Wɔji dɔ Jisepje gə́ to gin Eprayimje gə gel-bɔje lə Israɛl gə́ d’ɔm sə dee na̰’d tɔ.

Ejekel 39:25

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Ɓasinè n’a tel gə njé’g lə Jakob gə́ d’aw sə dee ɓee-ɓər’g lé ree sə dee ləm, n’a koo kəmtondoo lə gel-bɔje lə Israɛl lai ləma, n’a kaḭ bada dɔ ri neḛ gə́ to gə kəmee lé ləm tɔ.

Ojee 1:7

Nɛ m’a kar məəm ti mbidi dɔ koso-dəwje gə́ Juda ya, ɓandaŋg, əsé kiambas, əsé nérɔ, əsé njérɔ gə kundaje ɓa m’a kaji dee ne el nɛ jim-ma Njesigənea̰, Ala lə dee ɓa m’a kaji dee ne ya.

Ojee 14:9

Seḭ Eprayimje, see ɗi ɓa a raje gə magə-poleje tɔɓəi wa. Ma nja m’a koo tamaji lə Eprayimje ləm, M’a kaa dɔ dee ləm tɔ, M’a to kasəna gə kag-siprɛs gə́ kamee ndòlé el mbata lə dee bèe. Seḭ a kiŋgaje kandə sí rɔm ma’g ya.

Ojee 2:23

Njesigənea̰ pa togə́bè pana: Mee ndəa’g neelé m’a to Ala gə́ njekoo ta kila’g, M’a koo ndukwɔi lə dara ndá Dara a koo ndukwɔi lə naŋg nee tɔ,

Abdias 1:18

Ginkoji Jakobje d’a to asəna gə pər bèe ləm, Gel-bɔje lə Jisəb d’a to asəna gə ndo̰ pər bèe ləm tɔ, Nɛ ginkoji Esawuje d’a to asəna gə ləm-mu Gə́ d’a kila pər keneŋ karee o̰ hao̰ bèe, Ndá ginkoji Esawuje d’a nai kára kara el Mbata Njesigənea̰ ɓa pa bèe.

Misee 4:13

Seḭje gə́ Jerusalem lé, ḭje ta tuba deeje naŋg! N’a ra gaji sí gə larndul ləm, Gə ŋgo gɔl sí gə larkas ləm tɔ. Ndá seḭ a rədje dɔ ginkoji dəwje gə raŋg naŋg. Seḭ a kundaje némajije lə dee gə kəmee Kar Njesigənea̰ ləm, Gə nébaoje lə dee gə́ nébanrɔ Kar Mbai dɔ naŋg bura ya ləm tɔ.

Misee 4:6

Njesigənea̰ pana: Mee ndəa’g neelé N’a mbo̰ njémədje gə́ rɔ neḛ’g ləm, N’a mbo̰ deḛ gə́ n’tuba dee kédé N’ula ne kəm dee ndòo lé ləm tɔ.

Misee 5:3

Yeḛ a kḭ ta ndá A kul badə-kosoje ləa gə siŋgamoŋ lə Njesigənea̰ ləm, Gə rɔnduba lə ri Njesigənea̰, Ala ləa ləm tɔ! D’a kiŋga loo-si dee gə́ d’a si ne gə meekulɔm, Mbata d’a kula rɔnduba dəa’g saar kɔr rudu naŋg nee njal.

Misee 5:8

Maji kari un jii rɔ ne gə njékoma̰ seḭje ləm, Maji kar deḛ lai gə́ to njéba̰je ləi d’udu guduru ləm tɔ.

Misee 7:16

Ginkoji dəwje gə raŋg d’a koo ndá Rɔkul a dəb dɔ dee’g Gə dɔ nésiŋgamoŋje’g lə deḛ lai, D’a kwa ta dee sud si ta dee mundu ləm, Mbi dee a kudu jig-jig ləm tɔ.

Jakari 1:16

Gelee gə́ nee ɓa Njesigənea̰ pa ne togə́bè pana: N’a gə tel ree Jerusalem gə meemaji Ndá d’a tel kunda kəi lə neḛ gogo ləm, D’a kwɔji Jerusalem gə kúla ləm tɔ.

Jakari 10:12

Mbɔl dɔ Njesigənea̰ lé N’a kar siŋga dee ḭ ne dɔ maree’g ləm, D’a kaw ne kəm dee gə́ kédé-kédé gə ria-yeḛ ləm tɔ, Njesigənea̰ ɓa pa bèe.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Jakari 8:11

Nɛ ɓasinè n’a ra gə ges koso-dəwje gə́ nai neelé To gə́ neḛ n’ra ne mee ndəa gə́ kédé’g lé el, Njesigənea̰ gə́ njeboo-néje ɓa pa bèe.

Jakari 9:16

Njesigənea̰, Ala lə dee a kaji dee mee ndəa’g neelé To gə́ koso-nékulje lə koso-dəwje ləa bèe, Mbata deḛ to d’asəna gə jərje gə́ ndɔḭ mee dɔgugu’d Gə́ d’a ndogó mee ɓee’g ləa bèe.