Jakari 10:5 - Maktub gə́ To gə Kəmee

⁵ D’a to kasəna gə bao-rɔje Gə́ tuba bɔrɔ gə́ mba̰-rəwje loo-rɔ’g bèe, D’a rɔ rɔ ya mbata Njesigənea̰ a nai sə dee, Ndá deḛ gə́ njérɔ gə kundaje lé Rɔkul a dəb dɔ dee’g.

Jakari 10:5 ပူးပေါင်းရင်းမြစ်များ

2 Samel 22:43

Ma m’iri dee budu-budu M’ar dee to d’asəna gə babur bèe ləm, Ma m’təd dee mbɔḭ dee naŋg mbaji-mbaji Asəna gə bɔrɔ gə́ to rəbə bèe ləm tɔ.

2 Samel 22:8

Naŋg yə bura ɓugu-ɓugu ləm, Ar gin dara kara ɓar bura ɗigi-ɗigi ləm tɔ. Néje neelé yə mbata mee Ala gə́ ḭ səa pu.

2 Mbaije 9:33

Jehu ula dee pana: Oseeje iláje naŋg! Ndá deḛ d’undá piriŋ d’ilá naŋg ɓirig ndá məsee uba tir-tir ɔm kaar ndògo-bɔrɔ’g ləm, gə dɔ kundaje’g ləm tɔ. Bèe ɓa Jehu rədee naŋg gə gɔl pusu ləa.

Pakɔsje 18:42

Deḛ no̰ wəl-wəl nɛ Dəw kára kara gə́ njekaji dee godo! Deḛ no̰ wəl ɓar Njesigənea̰ nɛ Yeḛ kara tel ila dee keneŋ el tɔ.

Pakɔsje 20:7

Ɓasinè ma m’gər gao, Njesigənea̰ aji yeḛ gə́ yeḛ wa dəa gə ubu, Yeḛ a koo ndia mee dara gə́ to loo-siée gə́ to gə kəmee doi ləm, Yeḛ a la səa gə jikɔl siŋgamoŋ ləa ləm tɔ.

Pakɔsje 33:16

Kudu boo-njérɔje ɓa d’askəm kaji mbai lé el ləm, Boo-siŋgamoŋ lé kara as kɔr bao-rɔ kilá tar el ləm tɔ.

Pakɔsje 44:5

Ǝi Ala, i lé to mbai ləm, Maji kari un ndui mba kar njé’g lə Jakob d’ɔr ne dɔ dee kúla’g.

Pakɔsje 45:3

I lé kura yaa̰ unda marije lai, Boo-ta noji gə́ kul yururu kinja na̰ tai’g, Gelee gə́ nee ɓa Ala tɔr ne ndia dɔi’g saar-saar gə no̰ ya.

Esai 10:6

M’ula dee mba kar dee rɔ Gə ginkoji dəwje gə́ njéra né kori-korije ləm, Ma m’ar dee d’aw gə mba rɔ Gə koso-dəwje gə́ d’ar oŋg ḭ səm dɔ dee’g ləm tɔ, Gə mba kar dee d’unda dee banrɔ Taa ne nékiŋgaje lə dee ləm, Gə mba kar dee mbɔḭ dee naŋg to gə́ bɔrɔ Gə́ to kila-rəwje’g bèe ləm tɔ.

Esai 25:10

Mbata ji Njesigənea̰ to dɔ mbal’g neelé, Ndá Moabje lé mbula dee naŋg To gə́ mbula ne mu gə siḭ néje dan mán’g bèe.

Esai 31:1

Meeko̰ a koso dɔ deḛ gə́ d’aw Ejiptə Gə mba saŋg né gə́ a la sə dee keneŋ, Deḛ gə́ d’ɔm meḛ dee dɔ kundaje’g ləm, Gə dɔ bula lə pusu-rɔje gə́ to rib-rib ləma, Gə dɔ siŋgamoŋ lə njérɔ gə kundaje ləm tɔ Nɛ deḛ tel kəm dee par gə́ rɔ yeḛ gə́ to Njerɔkunda lə Israɛlje lé el ləm, Deḛ ndolè goo Njesigənea̰ el ləm tɔ.

Esai 41:12

Seḭ a saŋg deeje nɛ A kiŋga deeje el, Deḛ gə́ saŋg sə sí ta lé Deḛ gə́ rɔ sə sí kara D’a tel to né gə́ kari ba Gə́ to gə́ né el tɔ.

Esai 41:25

Ma m’ɓar dəw kára par gə́ dɔgel Ndá yeḛ si ree ya, Loo-kuba’g lə kàr lé deḛ ɓar ria keneŋ, Yeḛ mbula njésiŋgamoŋje naŋg To gə́ mbula ne bɔrɔ bèe ləm, To gə́ njekubajo mbɔḭ ne a̰ji bèe ləm tɔ.

Esai 8:9

Seḭ koso-dəwje, arje lul rɔ lə sí ɓar Ndá d’a təd sí rém-rém, Seḭ gə́ síje əw lé urje mbi sí! Waje dɔ gɔl rɔ sí gə mba rɔ Ndá d’a təd sí rém-rém tɔ.

Ejekel 38:15

Yen ŋga i a kḭ ɓee ləi gə́ to gwɔi loo gə́ dɔgel, i gə koso-dəwje gə́ bula digi-digi səi na̰’d, seḭ lai gə́ tubaje kundaje ləm, dəwje gə́ bula digi-digi gə́ to bao-rɔje gə́ siŋga dee to kɔgərɔ-kɔgərɔ ləm tɔ.

Amɔs 2:15

Dəw gə́ njeturu ɓandaŋg lé a kaar gəs el ləm, Dəw gə́ gɔlee wɔilɔ pélé-pélé lé a kaḭ teḛ ta’g el ləma, Yeḛ gə́ njekalkṵda kara lé a kaji rəa el ləm tɔ.

Misee 5:8

Maji kari un jii rɔ ne gə njékoma̰ seḭje ləm, Maji kar deḛ lai gə́ to njéba̰je ləi d’udu guduru ləm tɔ.

Misee 7:10

Njéba̰je lə sí lé d’a kée ndá Rɔkul a dəb dɔ dee’g, Deḛ gə́ dəji sí pana: See Ala lə sí gə́ Njesigənea̰ lé si ra ɓəi wa lé, Loo gə́ d’a mbula dee naŋg gə gɔl dee to gə́ bɔrɔ gə́ kila-rəwje’g bèe ndá Kəm sí a koo dee gə rɔlel ɓa.

Ajee 2:22

N’a tɔs kalimbai ɓeeko̰je tila ləm, n’a tuji siŋgamoŋ lə ɓeeko̰je lə ginkoji dəwje gə raŋg ləm, n’a tɔs pusu-rɔje gə dee gə́ d’isi dɔ’g tila dee ləma, kundaje gə njékaw rɔ gə kundaje lé d’a tɔl na̰ ləm tɔ.

Jakari 12:4

Njesigənea̰ pa njaŋg pana: Mee ndəa’g neelé n’a kɔm ɓəl dɔ kunda-kaw-rɔje’g lai ləm, deḛ gə́ njérɔ gə kundaje lé kara ɓəl a kunda dee badə gaŋg dee ləm tɔ. Nɛ n’a kila kəm neḛ dɔ ginkoji Judaje’g loo gə́ n’a kila kəm tɔ dɔ kundaje lai gə́ to ka̰ koso-dəwje lé.

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Jakari 14:13

Mee ndəa’g neelé Njesigənea̰ a kar néɓəl gə́ to ɓəl kədm-kədm teḛ mbuna dee’g, Dəw a kwa ji maree kègègè Ndá d’a kwa ji na̰ rɔ gə na̰.

Jakari 14:3

Njesigənea̰ a teḛ ndá A rɔ gə ginkoji dəwje gə raŋg neelé To gə́ yeḛ rɔ ne ndɔ rɔ gə́ kédé lé tɔ.

Jakari 9:13

N’a kə́ Judaje to gə́ kə́ ne ɓandaŋg mber-mber bèe ləm, N’a kar Eprayimje to nérɔ lə neḛ Gə́ asəna gə ɓandaŋg bèe ləma, Ǝi Sio̰, n’a kar ŋganije d’uba loo d’ḭ tar Mba rɔ gə ŋgalə Jaban ləm tɔ. N’a kari tel to asəna gə kiambas lə bao-rɔ bèe.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Matiyo 4:3

Léegəneeya, njekər dəwje ree pər gə́ rəa’g ulá pana: Ɓó lé i to Ŋgon-Ala gə́ gəd ya ndá un ndui ar kɔr mbalje neelé tel muru ko̰ lé.

Lugu 24:19

Deḛ tel d’ilá keneŋ pana: To né gə́ teḛ wɔji dɔ Jeju gə́ Najaret gə́ to njetegginta gə njesiŋgamoŋ dɔ kula reaje’g gə dɔ tapeaje’g no̰ Ala’g lé ləm, gə no̰ koso-dəwje’g lai ləm tɔ.

Néra Njékaḭkulaje 18:24

Jib kára ria lə Apolɔs gə́ ɓee-kojee to gə́ Aleja̰dri lé ree si Epesə. Yeḛ to dəw gə́ tapea inja paw ləm, Yeḛ gər ta gə́ to mee maktub gə́ to gə kəmee lé gəd ləm,

Néra Njékaḭkulaje 7:22

Deḛ ndoo Moyis gosɔkəmkàr lə njé gə́ Ejiptə lai, aree moŋg dɔ ta’g ləm, gə dɔ néra’g ləm tɔ.

2 Njé gə́ Kɔrḭtə 10:4

Tɔgərɔ ya, nérɔje lə síjeḛ lé to gə́ ka̰ njé gə́ naŋg nee el nɛ nérɔje lə sí lé Ala nja ar dee to nérɔje gə́ gə siŋga dee mba kunda kəi-kaar-kɔgərɔje lə dee naŋg rə̰dəŋ-rə̰dəŋ.

Tel tura Godndu 20:1

Loo gə́ seḭ a gə kawje loo-rɔ’g gə mba rɔ gə njéba̰je lə sí ɓa, a kooje kundaje lə dee gə pusu-rɔje lə dee gə koso-dəwje lə dee gə́ bula d’unda sí ndá seḭ a ɓəl deeje el, mbata Ala lə sí gə́ Njesigənea̰ gə́ ar sí undaje loo mee ɓee gə́ Ejiptə teḛje lé nai sə sí ya.

2 Timote 4:17

Mbaidɔmbaije nja la səm ləm, yeḛ to dərgelm ləm tɔ mba kar tagə́maji lé ɓar ne mḭ tam’g ləm, mba kar njépole-magəje lai d’oo taree ləm tɔ. Yeḛ am m’wa dɔm ta toboḭ’g m’bɔr.

2 Timote 4:7

Ma m’rɔ rɔ maji ləm, ma m’ɔr suna rəw ləm njal ləma, m’aar dɔ meekun’g kɔgərɔ ləm tɔ.

Jujé 10:14

Ndɔ gə́ Njesigənea̰ oo ndu dəw togə́bè lé d’oo garee kédé el ləm, gə gogo el ləm tɔ mbata Njesigənea̰ nja rɔ mbata lə Israɛlje.

Jujé 10:42

Juje taa ɓeeje neelé lai ləm, gə mbaije lə dee gə́ keneŋ ləm tɔ mbata Njesigənea̰, Ala lə Israɛlje rɔ ar dee tɔ.

Loo gə́ killa rea kəm Ja̰’g 19:17

Ma m’oo kura gə́ dara gə́ aar dan kàr’g. Yeḛ pata gə ndia gə́ boi wəl ula ne yelje lai gə́ d’aw pə̰ dara’g lé pana: Gə́ reeje mbo̰je dɔ na̰ ɓó gə raje naḭ lə Ala gə́ boi,

1 Samel 16:18

Yeḛ gə́ kára mbuna kuraje’g un ta pa pana: Aa ooje, ma m’oo ŋgolə Isai, dəw gə́ Betlehem gə́ gər kim né maji. Yeḛ to dəw gə́ siŋga to kɔgərɔ-kɔgərɔ gə́ to bao-rɔ ləm, pata maji ləm, kura kəmee’g yaa̰ ləma, Njesigənea̰ nai səa ləm tɔ.